Chapter Title : വശീകരണ മന്ത്രം 16 [ചാണക്യൻ]

ഒരു ശൂലവും മറു കയ്യിൽ കാട്ടു പൊത്തിന്റെ അറുത്ത തലയുമായി കണിക ദൈവം പ്രത്യക്ഷമായി.

തന്റെ ആരാധന മൂർത്തിയെ കണ്ടതും അമാലിക ഭാവ്യതയോടെ വണങ്ങി.

പറഞ്ഞാലും..... എന്താണ് നമ്മുടെ ഭക്തയുടെ മനസിനെ അലട്ടുന്ന സംഘർഷങ്ങൾ

മൂർത്തേ....... ധ്യാനത്തിൽ നിമഗ്നയായിരിക്കെ ചില ദുസൂചനകൾ നിഴൽ ചിത്രങ്ങൾ പോലെ ഉൾക്കാഴ്ചയിൽ തെളിഞ്ഞു വന്നു..... എന്താണ് അതിന്റെ അർത്ഥം? പറഞ്ഞു തന്നാലും.

അമാലിക ദൃഢ സ്വരത്തിൽ ആവശ്യപ്പെട്ടു.

വരാൻ പോകുന്ന അനിഷ്ട സംഭവങ്ങൾക്കുള്ള സൂചനകളാണ് നാം നിനക്ക് തന്നത്...... നിന്റെ കർമങ്ങളിൽ എവിടൊക്കെയോ പിഴകൾ സംഭവിച്ചു...... നിന്നിൽ നിന്നും ആ പെട്ടി അകന്നു പോകുവാനാണ് സാധ്യത

കണികാ ദൈവം നിർവികാരതയോടെ പറഞ്ഞു.

എവിടെയാണ് നമുക്ക് പിഴച്ചു പോയത്?

അതു കേട്ടതും അമാലിക അക്ഷമയോടെ ചോദിച്ചു.

അഥർവ്വനെ കണ്ടെത്തുന്നതിൽ..... ബാല്യരൂപത്തിലുള്ള അഥർവ്വ്വന്റെ പുനർജന്മത്തെ നീ കണ്ടെത്തിയിരുന്നുവെങ്കിൽ നിഷ്പ്രയാസം നിനക്ക് അവനെ വധിക്കാമായിരുന്നു..... എങ്കിൽ നിന്റെ പരമമായ ലക്ഷ്യം നിന്നെ തേടി വന്നിരുന്നേനെ...... എന്നാൽ അഥർവ്വൻ യുവാവായി പരിണമിച്ചപ്പോഴാണ് നീ അവനെ കണ്ടെത്തുന്നത്..... ഇനി അഥർവ്വനെ കീഴ്പ്പെടുത്തുക അസാധ്യം

കണികാ ദൈവം പറയുന്നത് കേട്ട് അമാലികയുടെ മുഖം ചുളിഞ്ഞു.

പരിഭവിക്കണ്ട പ്രിയ ഭക്തെ....... സ്വപ്ന ദർശനത്തിൽ നീ കണ്ട ആ നീലമിഴികൾക്കുടമ അത്‌ മാറ്റാരുമല്ല അത്‌ അഥർവ്വന്റെ പുത്രിയുടെ പുനർജ്ജന്മം തന്നെയാണ്...... കഴിഞ്ഞ കാലഘട്ടത്തിൽ മരതക കാട്ടിൽ വച്ചു നീ ക്രൂരമായി കൊലപ്പെടുത്തിയ അഥർവ്വന്റെ പുത്രി.

കണികാ ദൈവം പറയുന്നത് കേട്ട് ഒന്നു ഞെട്ടിയെങ്കിലും അമാലിക അത്‌ പുറത്ത് പ്രകടിപ്പിച്ചില്ല.

ഈ പുനർജ്ജന്മത്തിന്റെ ജന്മോദ്ദേശ്യം നമ്മെ വധിക്കുക എന്നതാണോ?

തീർച്ചയായും..... നമ്മുടെ പ്രിയ ഭക്തയുടെ