Chapter Title : വശീകരണ മന്ത്രം 3 [ചാണക്യൻ]

ശരീര സൗന്ദര്യം കണ്ടിട്ട് ലിംഗം ഉദ്ധരിച്ചതിൽ അവനു അത്ഭുതം തോന്നി.സ്വപ്നം ആണെങ്കിൽ പോലും ഇപ്പോഴും ആ സ്ത്രീയുടെ സൗന്ദര്യം അവന്റെ ഓർമകളിൽ നിന്നും പിടി വിടാതെ നിന്നു.

പിന്നെ അവർ ഉച്ചരിച്ച അഥർവൻ എന്ന പേരിനെ പറ്റിയായിരുന്നു അനന്തുവിന്റെ ചിന്ത. അവസാനം ചിന്തിച്ചു കാട് കേറിയപ്പോൾ ചിന്തകൾക്ക് വിരാമം ഇട്ട് അവൻ കട്ടിലിൽ നിന്നും ചാടി എണീറ്റു. പല്ലു തേപ്പിനിടയിൽ ആണ് കഴിഞ്ഞ രാത്രിയിലെ സംഭവ വികാസങ്ങൾ അവന്റെ ഓർമ്മയിലേക്ക് വന്നത്. അനന്തു വേഗം ഫോൺ എടുത്തു നോക്കി. എന്നാൽ ഇന്ദുവിന്റെ ഒരു മെസ്സേജോ കോളോ ഒന്നും വരാത്തത് അവനെ നിരാശപ്പെടുത്തി.പല്ലു തേപ്പ്  കഴിഞ്ഞു പതിയെ അടുക്കളയിലേക്ക് വച്ചു പിടിപ്പിച്ചു. "ആഹാ എണീറ്റോ രാജാവ് ? " ശിവ പുട്ട് കഴിക്കുന്നതിനിടയിൽ അവനെ നോക്കി കളിയാക്കി. "ആ പുട്ടിനെ ഇങ്ങനെ വധിക്കാതെടി... ഒരു മയത്തിൽ ഒക്കെ തള്ളി കേറ്റ് "അനന്തു മീശ പിരിച്ചു കൊണ്ടു പറഞ്ഞു. "പോടാ വീരപ്പാ !!!" "വീരപ്പൻ നിന്റെ മറ്റവൻ " "തുടങ്ങി രണ്ടും കൂടി.. ഈശ്വരാ വേഗം ഒന്ന് തിങ്കളാഴ്ച ആയിരുന്നേൽ രണ്ടിന്റെയും ശല്യം കുറഞ്ഞു കിട്ടിയേനെ." മാലതി ആവലാതിയോടെ നെഞ്ചിൽ കൈ വച്ചു. "ഓഹോ അപ്പൊ ഇന്ന് ശനിയാഴ്ച ആണോ ? " അനന്തു തല ചൊറിഞ്ഞുകൊണ്ട് ചോദിച്ചു "അതേ സാർ.. ബോധോം പോക്കണോം ഒന്നുമില്ല അല്ലെ രാവിലെ ആയിട്ട് ? " ശിവ അവനെ നോക്കി മുഖം ചുളിച്ചു. "ഇല്ല മോളെ... ഇന്നലെ തൊട്ടേ എന്റെ റിലേ തെറ്റി കിടക്കുവാ " "അതു പണ്ടേ അങ്ങനാണല്ലോ " ശിവ