Chapter Title : വഴി തെറ്റിയ കാമുകൻ 17 [ചെകുത്താൻ]

മാനസാന്തരം വന്നതൊന്നുമല്ലല്ലോ പേടിച്ചിട്ടല്ലേ... അവരെ അങ്ങനെ വിടരുതെന്നാണ് എനിക്ക് തോന്നുന്നത്...

മ്മ്... പറഞ്ഞപോലെ ചെയ്താൽ അവരോട് അവരെ ഉപദ്രവിക്കാൻ ഇനിയാരും അവിടേക്ക് ചെല്ലില്ലെന്നും അവർക്ക് താമസിക്കാൻ ഉള്ള സ്ഥലം നൽകാമെന്നും പറഞ്ഞേക്ക്...

മ്മ്...

പറഞ്ഞ വാക്ക് തെറ്റിക്കാൻ പറ്റില്ലല്ലോ രെജിസ്ട്രെഷൻ കഴിഞ്ഞാൽ താമസിക്കാൻ കൊടകിലെ നമ്മുടെ പന്നികൂടിൽ അവർക്കും ഓരോ കൂടു കൊടുത്തേക്ക്...

അല്ലേലും വാക്ക് തെറ്റിക്കരുത്... അവനേം അവളേം ജാഫറിനെയും ജാസ്മിനെയും പോലെ താമസിപ്പിച്ചാൽ പോരേ...

മ്മ്... ആ തള്ളക്ക് പ്രായമായതല്ലേ ഇരിക്കാൻ ഒരു കസേര കൊടുത്തേക്ക്...

ശെരി ഞാൻ അമലിനോട് പറയാം...

ലെച്ചു അങ്ങോട്ട് വന്നു

എന്താണ് രണ്ടാളും കൂടെ വലിയ ചർച്ചയാണല്ലോ...

വലുതല്ല ഒരു ചെറിയ ഡിസ്‌കഷൻ...

ലെച്ചു : സീരിയസ് ആണോ...

അഫി : കുറച്ച്... വീടില്ലാത്ത മൂന്നുപേർക്ക് താമസിക്കാൻ ഒരു സ്ഥലം ശെരിയാക്കുന്ന കാര്യം പറയുമായിരുന്നു...

ലെച്ചു : അങ്ങനെ എന്തേലും നല്ല കാര്യങ്ങളൊക്കെ ചെയ്യ്...

അഫി : ഞങ്ങളല്ലേലും നല്ല കാര്യങ്ങളല്ലേ ചെയ്യുള്ളൂ... അല്ലേ ഇക്കാ...

പിന്നെ...ചിലപ്പോളൊക്കെ ഇത്രക്ക് നല്ലളുകളായതിൽ എനിക്ക് നമ്മളോട് തന്നെ അസൂയ തോന്നും...

ലെച്ചു : അതുശേരിയാ ആരുടെ മേലേ കയറാനുണ്ട് എന്നാലോചിച്ചു നടക്കുന്ന നിങ്ങളല്ലേ നല്ലവർ...

എന്താടീ ഞങ്ങൾക്കൊരു കുഴപ്പം...

ലെച്ചു : ഒന്നുമില്ലെന്റെ പോന്നേ... ചേട്ടാ... അവിടെവരെ ഒന്ന് ചെന്നുനോക്കണ്ടായിരുന്നോ...

എവിടെ...

ലെച്ചു : അമയേടെ വീട്ടിൽ...

അവിടെ എല്ലാരും ഉള്ളതല്ലേ അവര് നോക്കിക്കൊള്ളൂലെ...

അതല്ല... ഒരുക്കങ്ങളൊക്കെ എവിടെവരെ ആയെന്നറിയാൻ നമ്മളൊന്നന്വേഷിക്കണ്ടേ... ഇല്ലെങ്കിൽ അവളുടെ ബന്തുക്കളെന്തു കരുതും...

എങ്കി പോവാം... നീ എല്ലാരോടും പറഞ്ഞിട്ട് വാ...

ഞാനല്ല നിങ്ങൾ ആണുങ്ങളാ പോവേണ്ടത്...