Chapter Title : വേദു- പങ്കിടപ്പെട്ട നാടൻ കനി 12 [ഗില്ലി ബാല]

ഇഴഞ്ഞു നീങ്ങി. അവൾ അവന്റെ നെഞ്ചിലേക്ക് കൈകൾ വെച്ച്, അവന്റെ കണ്ണുകളിൽ നിന്നും ഒളിച്ചോടാനെന്നവണ്ണം ദൃഷ്ടി മാറ്റി.

എന്നാൽ ദേവൻ അവളുടെ താടിയിൽ പിടിച്ച് ഉയർത്തി, തന്റെ കണ്ണുകളിലേക്ക് തന്നെ നോക്കാൻ നിർബന്ധിതയാക്കി. ആ ആഴമേറിയ നോട്ടത്തിൽ വേദുവിന്റെ സകല നിയന്ത്രണങ്ങളും അലിഞ്ഞുപോവുകയായിരുന്നു.

അവന്റെ അധരങ്ങൾ അവളുടെ നെറ്റിയിലും, കൺപോളകളിലും, മൂക്കിന്റെ തുമ്പിലും വളരെ ആർദ്രമായി അമർന്നു.

തിരികെ അവന്റെ ഗൗരവമേറിയ മുഖത്തേക്ക് നോക്കിയ വേദുവിന്റെ ചുണ്ടുകളിൽ ചെറിയൊരു നാണച്ചിരി വിരിഞ്ഞു. ആ ജനലിനരികെ, പുറത്തെ മൂടൽമഞ്ഞിനെ സാക്ഷി നിർത്തി, അവർ പരസ്പരം വാക്കുകളില്ലാതെ വികാരങ്ങളുടെ ഭാഷയിൽ സംസാരിക്കുകയായിരുന്നു.

ഒടുവിൽ ദേവൻ അവളെ തന്റെ നെഞ്ചിലേക്ക് അമർത്തിപ്പിടിച്ചു, അവളുടെ ഈറൻ മുടിയിഴകളിൽ മുഖമമർത്തി നിന്നു. ഒരു നീണ്ട നിമിഷം ആ നിശബ്ദതയിൽ അവർ അങ്ങനെ തന്നെ നിലകൊണ്ടു.

ചെറിയൊരു നിശബ്ദതയ്ക്ക് ശേഷം, ദേവൻ അവളിൽ നിന്നും ചെറുതായി മാറിനിന്ന് ചുണ്ടിൽ ഒരു കള്ളച്ചിരിയോടെ ചോദിച്ചു:

"എന്താടി പെണ്ണെ... നിനക്ക് ഈ സ്ഥലം ഇഷ്ടമായോ?"

വേദു അവന്റെ കണ്ണുകളിലേക്ക് നോക്കി തുടുത്ത മുഖത്തോടെ പറഞ്ഞു:

"ഒത്തിരി... ഒത്തിരി ഇഷ്ടമായി ദേവേട്ടാ... ഇത്രയും മനോഹരമായ ഒരു സ്ഥലം ഞാൻ ജീവിതത്തിൽ കണ്ടിട്ടില്ല..."

"ഇതൊന്നും ഒന്നുമല്ലടി..."

ദേവൻ ജനലിലൂടെ ദൂരേക്ക് വിരൽ ചൂണ്ടിക്കൊണ്ട് പറഞ്ഞു

. "ഇതിന്റെ തൊട്ടടുത്ത് വലിയൊരു വനമുണ്ട്. അവിടെ നിനക്ക് കാണാൻ ഇതിലും വലിയ കാഴ്ചകളുണ്ട്... നമുക്കെല്ലാം കാണാം..."

അവന്റെ വാക്കുകളിൽ ദുരൂഹവും വന്യവുമായ ഒരു ചിരി കലർന്നിരുന്നു.

വേദു അവനെ നോക്കി മനോഹരമായി ചിരിച്ചുകൊണ്ട് പറഞ്ഞു:

"എന്നാ ഞാൻ പോയി ഡ്രസ്സ് മാറി വരാം... ."