Chapter Title : വീഞ്ഞ് [MAUSAM KHAN MOORTHY]

കണ്ട് അവളുടെ നെഞ്ചം പിടഞ്ഞു.അവളെക്കണ്ടതും കിടക്കുകയായിരുന്ന അവൻ വേഗം എഴുന്നേറ്റു.ഇരുമ്പഴികളുടെ അപ്പുറവും ഇപ്പുറവും നിന്ന് നിമിഷങ്ങളോളം അവർ ഇമവെട്ടാത്ത കണ്ണുകളോടെ പരസ്പരം നോക്കി.

"മേദിനീ..."-അവൻ ആർദ്രമായി വിളിച്ചു.

"പറയ്‌ ജയാ.."-അവൾ ഗദ്ഗദത്തോടെ പറഞ്ഞു.

"ഞാനെങ്ങനെ ഇതിനകത്തായി എന്നോ,എനിക്കെങ്ങനെ ഇങ്ങനെയൊക്കെ ആവാൻ കഴിഞ്ഞു എന്നോ നീ എന്നോട് ചോദിക്കരുത്.എന്നെക്കുറിച്ചൊന്നും തന്നെ നീ ചോദിക്കരുത്.ജീവിതത്തിൻറെ ഏറ്റവും അവസാന ഘട്ടത്തിലാണല്ലോ ഞാൻ.ഈ സമയത്ത് പിന്നിട്ട വർഷങ്ങളെക്കുറിച്ചും വഴികളെക്കുറിച്ചും ഓർക്കാൻ ഞാൻ ഇഷ്ടപ്പെടുന്നില്ല. അത്തരം ചോദ്യങ്ങൾ നിന്നിൽ നിന്നുണ്ടാവുമെന്ന് അറിയാവുന്നതുകൊണ്ടാണ് ഞാനിത്രയും കാലം നിനക്ക് മുഖം തരാതിരുന്നത്.പലവട്ടം നീയെന്നോട് മിണ്ടാൻ വന്നെങ്കിലും നിന്നെ ഞാൻ അവഗണിച്ചത്.കാരണം എനിക്ക് നിന്നോട് സത്യം മാത്രമേ പറയാനൊക്കൂ.സത്യത്തിന് വിലയില്ലാത്ത ഈ കാലത്ത് നിന്നോട് പോലും സത്യം പറയേണ്ടതില്ല എന്ന് ഞാൻ തീരുമാനിക്കുകയായിരുന്നു…”-അയാൾ ഒന്ന് നിർത്തി.പിന്നെ അവളുടെ കണ്ണുകളിലെ ആഴങ്ങളിലേക്ക് നോക്കി പറഞ്ഞു:

"മേദിനീ... നാളെ പുലർച്ചെ എന്നെ കഴുവേറ്റുമല്ലോ.പിന്നെ ഞാനില്ല.അങ്ങനെ ഇല്ലാണ്ടാവുന്നതിന് മുമ്പ് അവസാനമായി എനിക്കൊരു ആഗ്രഹമുണ്ട്.മേദിനി എനിക്കത് സാധിച്ച് തരണം."

"എന്താണത് ?എന്താണെങ്കിലും പറയൂ ജയാ.."-അവളുടെ കണ്ണുകൾ നിറഞ്ഞൊഴുകി.

"ഞാനിത് വരെ സ്ത്രീസുഖം അറിഞ്ഞിട്ടില്ല.സുരതരസം അനുഭവിച്ചിട്ടില്ല.നമ്മൾ പ്രണയിച്ചിരുന്ന കാലത്ത് അതിനുള്ള അവസരങ്ങളൊരുപാട് കൈവന്നിരുന്നു.എന്തിനും നീ തയാറുമായിരുന്നു.എന്നാൽ ഞാൻ പിന്മാറുമായിരുന്നു.നമ്മുടേത് ഒരു വിശുദ്ധ പ്രണയമായിരിക്കണമെന്ന് എനിക്ക് നിർബന്ധമുണ്ടായിരുന്നു..." -അയാളൊരു നിശ്വാസമുതിർത്തു.അവൾ അയാളെ ആകാംക്ഷയോടെയും നെഞ്ചിടിപ്പോടെയും ഉറ്റു നോക്കി.അയാൾ തുടർന്നു:

"....ഇന്ന് രാത്രി മേദിനി ഇവിടെ വരണം!ഇതിനകത്ത് എൻറെ കൂടെകിടക്കണം.ഞാനിന്നോളമറിയാത്ത ആ രസം എനിക്ക് പകർന്ന് തരണം."-മേദിനി സ്തബ്ധയായി നിന്ന് പോയി നിമിഷങ്ങളോളം.തികച്ചും അപ്രതീക്ഷിതമായ ഒരാവശ്യമാണ് അവനവൾക്ക് മുന്നിൽ വെച്ചിരിക്കുന്നത്.അവളുടെയുള്ളിൽ അവനോടുള്ള അനുരാഗം ഇന്നും ജ്വലിക്കുന്നുണ്ട്.അവളിന്ന് മറ്റൊരാളുടെ ഭാര്യയാണെങ്കിലും,അവൻ വധശിക്ഷക്ക് വിധിക്കപ്പെട്ട കുറ്റവാളിയാണെങ്കിലും അവൾ അവനെ സ്നേഹിക്കുന്നു.അതുകൊണ്ടുതന്നെ അവൻറെ ആവശ്യത്തോട് പുറം തിരിഞ്ഞു നിൽക്കാൻ അവൾക്ക് കഴിയില്ലായിരുന്നു.അതവന്റെ അവസാനത്തെ ആഗ്രഹമായതുകൊണ്ട് പ്രത്യേകിച്ചും.

"മേദിനി തയാറാണോ ?നീ വരുമോ...?എൻറെ ജീവിതത്തിൽ ഞാൻ പ്രണയിച്ച ഏക സ്ത്രീയാണ് നീ.ഞാൻ മോഹിച്ച ഒരേയൊരു പെണ്ണും നീ തന്നെ.അതുകൊണ്ടാണ് ഞാൻ നിന്നോടിതാവശ്യപ്പെടുന്നത്.കുടുംബവും കുട്ടികളും സദാചാരവുമെല്ലാം മറന്ന് നീ വരുമോ മേദിനീ..? എനിക്കേറ്റവും ഇഷ്ടപ്പെട്ട വീഞ്ഞുമായി നീ വരുമോ ?"-അയാൾ പതിഞ്ഞ ശബ്ദത്തിൽ ചോദിച്ചു.

"വരാം ജയാ..."-അയാളുടെ