Chapter Title : വേൾഡ് ഫേമസ് ഹേറ്റേഴ്‌സ് 7 [Fang leng]

രൂപ പതിയെ ചിരിച്ചു

പിന്നെയും ഒന്ന് രണ്ട് ബസുകൾ കൂടി കടന്നു പോയി എല്ലാത്തിലും നല്ല തിരക്കും ഉണ്ടായിരുന്നു

രൂപ : ദൈവമേ എല്ലാത്തിലും നല്ല ആളാണല്ലോ ടാ നീ ഏതിലെങ്കിലും കയറി പോ സമയം ഒരുപാടായി

ആദി : ഉപദേശം ഒന്നും വേണ്ട എനിക്കറിയാം ഏതിൽ പോകണമെന്ന് നീ നിന്റെ കാര്യം നോക്ക് ?

രൂപ :?

കുറച്ചു സമയത്തിനുള്ളിൽ സീറ്റുകൾ ഒഴിഞ്ഞ ഒരു പ്രൈവറ്റ് ബസ് അവിടേക്ക് എത്തി രൂപ വേഗം തന്നെ അതിലേക്ക് കയറി പിന്നാലെ ആദിയും ശേഷം അവൻ പതിയെ രൂപയുടെ അടുത്തേക്ക് ചെന്നിരുന്നു

ആദി : ഒന്ന് വിളിക്കുക പോലും ചെയ്യരുത് കേട്ടോ

രൂപ : നിന്റെ കാര്യം നോക്കാൻ നിനക്കറിയാം എന്നല്ലേ പറഞ്ഞത് അല്ലെങ്കിലും കണ്ടവമ്മാരുടെ കാര്യത്തിൽ ഇടപെടുന്നത് എനിക്ക് ഇഷ്ടമേ അല്ല

ആദി : അതിനിടയിൽ പിണങ്ങിയോ

രൂപ : അതിന് നിന്നോട് മിണ്ടിയിട്ട് വേണ്ടേ പിണങ്ങാൻ

പെട്ടെന്നാണ് കണ്ടക്ടർ അവരുടെ അടുത്തേക്ക് എത്തിയത് അവർ രണ്ടു പേരും ടിക്കറ്റ് എടുത്തു ശേഷം ബസിൽ ഇട്ടിരിക്കുന്ന പാട്ടുകൾ കേട്ടുകൊണ്ടിരുന്നു

രൂപ : ടാ ഇന്നലെ എന്തൊക്കെ പഠിപ്പിച്ചു നോട്ട് എന്തെങ്കിലും തന്നോ

ആദി :( ദൈവമേ ) ഉം കുറച്ചൊക്കെ പഠിപ്പിച്ചു

രൂപ : എന്താ പഠിപ്പിച്ചത് നിന്റെ കയ്യിൽ നോട്ട് ഉണ്ടോ

ആദി : ഇതൊക്കെ നിന്റെ കൂട്ട് കാരിയോട് ചോദിച്ചൂടെ അവള് നോട്ടൊക്കെ എഴുതി എടുത്തിട്ടുണ്ട്

രൂപ : ഒരു ഉപകാരത്തിനില്ല ദുഷ്ടൻ

"ദൂരെ ഒരു മഴവില്ലിൻ ഏഴാം വർണ്ണം പോൽ"

പെട്ടെന്നാണ് ബസിൽ