Chapter Title : വെളിച്ചമുള്ള ഗുഹകൾ 11 [Hot Winter]

അതിനു സാധിക്കും എന്നാണ് എന്റെ വിശ്വാസം. നമ്മൾക്ക് അവിടേക്ക് പോകണം. ഇവർ ഇവിടെ കിടന്നോട്ടെ.”

ഞാനും ദേവതയും എണീറ്റു. വസ്ത്രം ധരിച്ച ശേഷം ഞങ്ങൾ പേടകത്തിലേക്ക് പോവുകയാണ് എന്ന് അനിയത്തിയോട് പറഞ്ഞ ശേഷം ഞങ്ങൾ ഇറങ്ങി. ഉറക്കത്തിൽ അവൾ മൂളുന്നുണ്ടായിരുന്നു.

ഞങ്ങൾ കാടും ഇടവഴികളും കടന്ന് ഗുഹയിലൂടെ പേടകത്തിൽ കടന്നു. ദേവത ചെന്ന പാടെ എന്തൊക്കെയോ സ്വിച്ചുകൾ ഞെക്കി. പേടകം ചെറിയൊരു ശബ്ദത്തോടെ സ്റ്റാർട്ട് ആയി. അവിടെ ഇവിടെ ആയി സ്ക്രീനുകളും മാപ്പുകളും മറ്റും നിറഞ്ഞു. ദേവത എന്നെ വിളിച്ചുകൊണ്ട് മറ്റൊരു മുറിയിലേക്ക് നടന്നു. അതാവണം അവരുടെ കോക്ക്പിറ്റ്. അവരുടെ നാവിഗേഷനും ചാർട്ടുകളും എല്ലാം നിറഞ്ഞൊരു മുറി. അവിടെ എന്തൊക്കെയോ ചെയ്ത ശേഷം ദേവത എന്നെ കൂട്ടി വീണ്ടും നടന്നു. ഇത്തവണ ഞങ്ങൾ ചെന്നത് റോബോട്ടുകളുടെ ഡോക്കിങ് മുറിയിൽ ആയിരുന്നു. പ്രവർത്തനം നിലച്ച ഒരു 5 റോബോട്ടുകൾ. ഒരു മനുഷ്യ കുട്ടിയുടെ രൂപം ആയിരുന്നു അവയ്ക്ക്.

ദേവത: “കുട്ടികൾ ഇല്ലാത്ത ഞങ്ങൾക്ക്, അതിന്റെ വിഷമം അറിയാവുന്നത് കൊണ്ട്, പണിത റോബോട്ടുകൾ കുട്ടികളുടെ രൂപത്തിൽ വേണമെന്നായിരുന്നു. ചെറുതാണെങ്കിലും വളരെ കാര്യങ്ങൾ ഇവർക്ക് ചെയ്യാൻ കഴിയും,. ഒരു വിധത്തിൽ പറഞ്ഞാൽ എന്റെ ജീവനും ഞാൻ ഇവരോട് കടപ്പെട്ടിരിക്കുന്നു. എന്റെ ജീവൻ നിലനിർത്താൻ ആവണം ഇവർ ചാർജിങ് പോലും ഉപേക്ഷിച്ച് ഓഫ് ആയത്.”

ഞാൻ: “ഈ റോബോട്ടുകളെ ചാർജ്ജ് ചെയ്യാൻ സാധിക്കുമോ ഇനി?”

ദേവത: “നിലവിൽ ഈ പേടകത്തിന് പ്രവർത്തിക്കാൻ ആവശ്യമായ എനർജി മാത്രമേ ഉള്ളു. ഈ വെള്ളച്ചാട്ടത്തിൽ നിന്നും എനർജി ഉത്പാദിപ്പിക്കാൻ കഴിയുമെന്നാണ് പേടകം കാണിക്കുന്നത്. പക്ഷേ അതിനു എനിക്ക് കുറച്ച് സമയം വേണം. “

ഞാൻ : “എന്റെ എന്തെങ്കിലും സഹായം വേണോ?”

ദേവത: “വെള്ളച്ചാട്ടത്തിന്റെ എനർജിയെ കൺവെർട്ട് ചെയ്യാൻ പറ്റിയ ഒരു മെഷീൻ ഉണ്ട് ഈ പേടകത്തിൽ.”

ദേവത സ്വന്തം ഇടം കയ്യിൽ തൊട്ടു. അപ്പോൾ ഒരു സ്ക്രീൻ മുന്നിൽ തെളിഞ്ഞു വന്നു. അതിൽ ഒരു ചിത്രം എടുത്ത് എനിക്ക് കാണിച്ചു തന്നു.

ദേവത: “ഇങ്ങനെ ഉള്ള കാര്യങ്ങൾ പൊതുവേ എനിക്ക് ചെയ്യേണ്ടി വരാറില്ല. അതുകൊണ്ട് തന്നെ ഇതൊക്കെ