Chapter Title : വെള്ളിത്തിര 3 [കബനീനാഥ്]

ചെയ്യിപ്പിച്ചു… ഓക്കെ ആണെന്നാ അവർ പറഞ്ഞത്… “

മധുമിതയുടെ സ്വരത്തിൽ അല്പം സന്തോഷം കലർന്നിരുന്നു………

“” പോരാൻ നേരം കുറച്ചു പൈസ അച്ഛന് കൊടുത്തു… അഡ്വാൻസാണെന്ന്………. “

“” കൊള്ളാം………. “

സ്വാമിനാഥൻ മേശയിൽ ഒരടി അടിച്ചു…

മധുമിത അവനെ പകച്ചു നോക്കി…

“” നീ എന്തറിഞ്ഞിട്ടാ മധൂ ഇതിനൊക്കെ തുള്ളാൻ നിന്നു കൊടുക്കുന്നത്…… ഏതോ സിനിമാക്കാര് വരുന്നു… വഴിയിൽ വെച്ച് നിന്നെ കാണുന്നു…… നായികയാക്കുന്നു… അഡ്വാൻസ് തരുന്നു… ലോകത്ത് എവിടെ എങ്കിലും നടക്കുന്ന കാര്യമാണോ ഇത്… ?””

മധുമിത അവനെ പകപ്പോടെ നോക്കുക മാത്രം ചെയ്തു……

“” ഒന്നാമത് സിനിമാക്കാര്… രണ്ടാമത് കാണാൻ കൊള്ളാവുന്ന കുട്ടികളും… അവരുടെയൊക്കെ മനസ്സിലിരുപ്പ് വേറെയാ… “

സ്വാമിനാഥന്റെ കവിളുകൾ ചുവയ്ക്കുന്നതും വിറയ്ക്കുന്നതും മധുമിത കണ്ടു..

“അമ്മ ……..... പറഞ്ഞിട്ടാ… “

ഒടുവിൽ രക്ഷപ്പെടാനെന്നവണ്ണം മധുമിത പറഞ്ഞു…

,””ങ് ഹാ… അമ്മ…… നിന്റെ അച്ഛനു മാത്രം ബോധമില്ലെന്നാ ഞാൻ കരുതിയിരുന്നത്…””

സ്വാമിനാഥൻ മുഖം തിരിച്ചു…

റേഡിയോയിൽ പാട്ട് മാറിയിരുന്നു…

“” എന്നോടൊന്നു പറയാമായിരുന്നു… ങ്ഹാ… അല്ലെങ്കിലും എന്നോടിതൊക്കെ പറയാൻ ഞാനാരാ……….?””

പതിയെ പിറുപിറുത്തുകൊണ്ട് സ്വാമിനാഥൻ അവൾ കാണാതെ മിഴികൾ തുടച്ചു…

സ്വാമിയേട്ടൻ പിണങ്ങിയെന്ന് അവൾക്കു മനസ്സിലായി…

“” മേടിച്ച പൈസ തിരിച്ചു കൊടുത്താൽ പോരേ………….?””

അവനെ അനുനയിപ്പിക്കാൻ അവളൊന്നു ശ്രമിച്ചു…

“” വേണ്ട… ഞാൻ കാരണം അമ്മയും അച്ഛനും കൊടുത്ത വാക്കു മാറണ്ട……””

സ്വാമിനാഥൻ തിരിഞ്ഞു…

കൈത്തലമുരഞ്ഞിട്ടും ബാക്കി നിന്നിരുന്ന നീർത്തിളക്കം അവന്റെ മിഴികളിൽ അവൾ കണ്ടു…

അവളുടെ ഹൃദയം തപ്തമായി…

“” വൈകുന്നേരം കാണാം… നിക്ക് കുറച്ചൂടെ പറയാനുണ്ട്……””

മധുമിത