Chapter Title : വേശ്യായനം 6 [വാല്മീകൻ]

അയച്ചത് ഈ അബ്ബാസിനെ ആയിരുന്നു.. അയാൾ പിന്തുടർന്നു കമാലുദീൻ്റെ വീടും ബിസിനസ്സും എല്ലാം കണ്ടു പിടിച്ചു വച്ചിരുന്നു.  അയാളിൽ നിന്നും കമാലുദ്ധീൻ ഒരു പലചരക്കു കട നടത്തുന്നുണ്ടെന്നും പിന്നെ കുറച്ചു സ്ഥലക്കച്ചവടവും വാഹനക്കച്ചവടവും ഒരു സൈഡ് ബിസിനെസ്സ് ആയി കൊണ്ട് നടക്കുന്നുണ്ടെന്നും അത് കൂടാതെ കുറച്ചു രാഷ്ട്രീയ പ്രവർത്തനവുമുണ്ടെന്നും അഹമ്മദിന് അറിയാൻ കഴിഞ്ഞു. അയാൾക്ക് ഏകദേശം അമ്പതു വയസ്സ് പ്രായമുണ്ട്, ബീവി ഖദീജക്ക് ഏകദേശം നാല്പതും.ഇരുപതു വയസ്സുള്ള ഒരു മോനും അയാൾക്കുണ്ട്. അഹമ്മദിന് തന്നോട് നാക്കുയർത്തി സംസാരിച്ച കമാലുദ്ധീനിനെ അങ്ങനെ വെറുതെ വിടാൻ ഉദ്ദേശമുണ്ടായിരുന്നില്ല. കോടതി നടപടികൾ കഴിഞ്ഞു ഇലഞ്ഞിക്കലേക്കു വന്ന അഹമ്മദ് ആദ്യ നിർദേശം കൊടുത്ത് കമാലുദ്ധീനെ പൊക്കാനാണ്. അവനെ പൊക്കിയാണ് അപ്പോൾ അബ്ബാസ് വന്നത്. അബ്ബാസ്: ഭായ്, അവനെ പൊക്കിയിട്ടുണ്ട്. അഹമ്മദ്: ഹമ്. കൊണ്ട് വാ. അഹമ്മദ് സ്കോച്ച് ഒറ്റ വലിക്ക് കാലിയാക്കി. ചുരുട്ട് ഒന്നാഞ്ഞു വലിച്ചു. അയാൾ തൻ്റെ അഫ്ഗാൻ ജുബ്ബ പൊക്കി പൈജാമയിൽ തിരുകി വച്ച കോൾട്ട് പിസ്റ്റൾ എടുത്ത് ചാര് കസേരയുടെ അടുത്തുള്ള സ്റ്റൂളിനു പുറത്തു വച്ചു വീണ്ടും പുറകോട്ടു ചാഞ്ഞു കിടന്നു. അബ്ബാസ് കമാലുദ്ധീനിനെ വലിച്ചു അകത്തേക്ക് കയറി അയാളെ അഹമ്മദിൻ്റെ മുന്നിലേക്കിട്ടു. കമാലുദ്ധീൻ്റെ വെള്ള ഷർട്ടിലും മുണ്ടിലും ചോര പറ്റി പിടിച്ചിരുന്നു. ദേഹമാസകലം ഇടി കൊണ്ട മുറിവുകളുണ്ടായിരുന്നു. മുഖം ഇടി കൊണ്ട് വീങ്ങിയിരുന്നു. ഒരു കണ്ണ്

നീര് വന്ന് പാതിയേ തുറക്കുന്നുണ്ടായിരുന്നു. അയാൾ അഹമ്മദിൻ്റെ കാൽക്കീഴിൽ തല കുനിച്ചിരുന്നു. അഹമ്മദ് പിസ്റ്റൾ കയ്യിലെടുത്ത്  ഒന്ന് മുന്നോട്ടാഞ്ഞു പിസ്റ്റളിൻ്റെ അറ്റം കമാലുദ്ധീൻ്റെ താടിയിൽ വച്ച് അയാളുടെ തല ഉയർത്തി.