Chapter Title : വില്‍ക്കപ്പെട്ട കനികള്‍ 2 [ജംഗിള്‍ ബോയ്‌സ്]

പല്ലു തേച്ച അവര്‍ക്ക് ചായ കൊടുത്തു. വിനയനും വിനോദും തന്റെ ടൗണിലെ കടയിലേക്ക് പോയി. അതിനുശേഷം അംബികയുടെ മകള്‍ കിരണിനെ സ്‌കൂളിലേക്ക് പോവാന്‍ വന്ന ഓട്ടോയില്‍ കയറ്റി വിട്ടാല്‍ പിന്നെ അടുക്കളയില്‍ ഉച്ചയ്ക്കുള്ള ഭക്ഷണമുണ്ടാക്കുന്ന തിരക്കിലാണ് അംബികയും അനിതയും. ഗൗരിയമ്മയ്ക്ക് കാലിന് വയ്യാത്തതുകൊണ്ട് അവര്‍ അതിനൊന്നും കൂടാറില്ല. എല്ലാ വീട്ടിലും കാണുന്നതുപോലെ അമ്മായിമ്മ മരുമക്കള്‍ വഴക്ക് ആ വീട്ടില്‍ ഇതുവരെയില്ല. അംബിക എല്ലാം അറിഞ്ഞു ചെയ്യും. അനിത അംബികയെ സഹായിക്കും. ഉച്ചയ്ക്ക് കടയില്‍ നിന്ന് വിനയനും വിനോദും വിത്യസ്ത സമയങ്ങളില്‍ വന്ന് ഭക്ഷണം കഴിച്ച് പോവും. അതിന് ശേഷം അംബിക ചെറുതായി ഒന്നുറങ്ങും. ഉറക്കമെഴുന്നേറ്റ് വരാന്‍ മൂന്ന് മൂന്നരയാവും. ആ വലിയ മാളികവീടടങ്ങുന്ന മൂന്നേ മുക്കാല്‍ ഏക്കറോളം വരുന്ന സ്ഥലത്ത് വീണു കിടക്കുന്ന ഓലയും വിറകുമറ്റും പെറുക്കി കൂട്ടുന്നത് അംബികയായിരുന്നു. വല്ലപ്പോളും മാത്രം അനിത അവളെ സഹായിക്കും. ഇന്ന് പതിവുപോലെ വെള്ള മാക്സിയുമിട്ട് അംബിക പറമ്പിലെ ഓലമടല്‍ വലിച്ചുകൂടുകയായിരുന്നു. അവിടേക്ക് കറുപ്പും ഓറഞ്ചുമുള്ള ടൈറ്റ് ചുരിദാര്‍ ധരിച്ച് മുടി വാരിക്കെട്ടി അനിത വന്നു.

അനിത: ചേച്ചി എന്തേയ് എന്നെ വിളിക്കാതിരുന്നത്

ഓലമടല്‍ വലിച്ചുകൊണ്ട് അംബിക: നീ നല്ല ഉറക്കമല്ലേ.. കൂടാതെ നിനക്ക് ഇത് വല്ലതും എടുതത് ശീലമുണ്ടോ..?

അനിത: എന്റെ വീട്ടില്‍ പുറംപണിക്ക് ജോലിക്കാരികളുണ്ട്. അതുകൊണ്ട് അവിടെ അത് ചെയ്യേണ്ട. പക്ഷെ, ഇവിടെ അങ്ങനെയല്ലല്ലോ. എന്നെ കെട്ടികൊണ്ടുവന്ന വീടല്ലേ.. പാതി ജോലി ഞാനും ചെയ്യേണ്ടതാ.. ചേച്ചിയെകൊണ്ട് ഒറ്റയ്ക്ക് ചെയ്യികുന്നത് ശരിയല്ലല്ലോ..

ചിരിച്ചുകൊണ്ട് അംബിക: ഉം, എനിക്ക് ചെറുപ്പം മുതലേ ഈ ജോലി വീട്ടില്‍ ചെയ്ത് ശീലാ.. അച്ഛനും അമ്മയും ഞാനും ചേച്ചിയും മാത്രമല്ലേ ഉള്ളൂ..

അനിത: ചേച്ചിയെ കെട്ടിയ ആള്‍ക്ക് എന്താ ജോലി..?

അംബിക: ദുബൈലാ... അവിടെ നേഴ്സാ. ചേച്ചി നഴ്സിംഗ് പഠിച്ചിട്ടുണ്ട്. അതുകൊണ്ട് ചേട്ടനും ചേച്ചിയും അവിടെ ഒരേ ഹോസ്പിറ്റലില്‍ ജോലി ചെയ്യുകയാ..

അനിത: ചേച്ചിക്കും നല്ല ജോലിക്കാരനെ വിവാഹം ചെയ്യാന്‍ പറ്റുമായിരുന്നല്ലോ..?

ഒന്ന് പുഞ്ചിരിച്ചുകൊണ്ട് അംബിക : എനിക്കാണെങ്കില്‍ പഠിക്കാന്‍ സാധിച്ചില്ല.. വിനയേട്ടന്റെ കല്യാണലോചന വന്നപ്പോള്‍ അച്ഛന്‍ വേഗം കെട്ടിച്ചുവിട്ടു.. അതിന് പ്രധാന കാരണം സ്ത്രീധനം