Chapter Title : വില്ലൻ 5 [വില്ലൻ]

കെട്ടിടം...അത് കാരണം...ഡൽഹി മുഴുവൻ ആ കൊലപാതകം നേരിൽ കണ്ടു...എന്റെ ഇക്കാനെ ഇഞ്ചിഞ്ചായി കൊന്നു ആരോ...ഇക്കാന്റെ ശരീരം ആ കെട്ടിടത്തിന് മുകളിൽ നിന്ന് അഴിച്ചെടുക്കുമ്പോൾ പോലും ഒരിറ്റ് ജീവൻ ഇക്കാന്റെ നെഞ്ചിൽ കുടുങ്ങികിടക്കുന്നുണ്ടായിരുന്നു എന്നാണ് ഡോക്ടർ പറഞ്ഞത്...ഇക്കാനെ കൊടൂരമായി ആണ് കൊന്നത്...മരണത്തിന്റെ എല്ലാ വേദനയും അറിയിച്ചിട്ടാണ് എന്റെ ഇക്കാനെ മരണം പുൽകിയതെന്ന്..."....അവൾ കരഞ്ഞുകൊണ്ട് പറഞ്ഞു...

"മോളെ...എങ്ങനെയാണ് മരണം സംഭവിച്ചത്...അതായത് കൊലപാതകരീതി..മോൾക്ക് ബുദ്ധിമുട്ടാകില്ലെങ്കി പറയാമോ....."...രണ്ടാമൻ ചോദിച്ചു...

"പറയാം...കത്തികൊണ്ടാണ് കൊന്നത്...കത്തികൊണ്ട് ഹൃദയത്തിന്റെ ഒരു സൈഡിൽ ചെറിയ ഒരു പോറൽ ഉണ്ടാക്കിയിട്ട് എന്നിട്ട് അതിലൂടെ ഇഞ്ചിഞ്ചായി രക്തം ഊറ്റിയെടുത്ത്..."...അവൾ കരഞ്ഞുകൊണ്ട് മുഴുമിച്ചു...

"പിന്നൊന്നുകൂടി പറഞ്ഞു..."...അവൾ തുടർന്നു...

"എന്ത്..."...രണ്ടാമൻ ചോദിച്ചു...

"കൊല്ലപ്പെട്ടവനെ കുറിച്ചല്ല...കൊന്നവനെക്കുറിച്ച്...."..അവൾ പറഞ്ഞു...

"എന്താ പറഞ്ഞത്..."..മൂന്നാമൻ പെട്ടെന്ന് ചോദിച്ചു...

"കൊലപാതകി...അവൻ ഒരു സാധാരണ മനുഷ്യൻ അല്ലാ...അവൻ ഒരു പോർവീരനാണ്...അവനെ കീഴ്പ്പെടുത്തുക അസാധ്യം...പക്ഷെ...."...അവൾ പറഞ്ഞുനിർത്തി..

"എന്താ മോളേ..."...മൂന്നാമൻ ചോദിച്ചു...

"എനിക്കവന്റെ മരണം കാണണം..."...അവൾ വാശിയോടെ പറഞ്ഞു...

"കാണിച്ചുതന്നിരിക്കും..."...എന്നുംപറഞ്ഞ് മൂന്നാമൻ ഫോൺ കട്ട് ചെയ്തു...അവരിൽ ഒരു നിശബ്ദത പടർന്നു...അസീസിനുംകൂടി വന്ന ഗതിയിൽ അവർ ശെരിക്കും ഭയന്നു...കുറച്ചുനേരത്തെ നിശ്ശബ്ദതയ്ക്കുശേഷം...

"അപ്പോൾ അവൻ യുദ്ധം തുടങ്ങി..."...രണ്ടാമൻ പറഞ്ഞു...അവർ അവനെ നോക്കി...

"യുദ്ധം അല്ലാ... വേട്ട എന്ന് പറയുന്നതാകും ശെരി..."...മൂന്നാമൻ രണ്ടാമനെ തിരുത്തി...രണ്ടാമൻ ചോദ്യഭാവത്തിൽ മൂന്നാമനെ നോക്കി...

"യുദ്ധത്തിൽ തിരഞ്ഞെടുത്തു കൊല്ലുന്ന പതിവില്ല...എതിരുനിൽക്കുന്നവർ ഓരോരുത്തരുടെയും തല കൊയ്യാനുള്ളതാണ്...പക്ഷെ ഇവിടെ അവൻ ഓരോരുത്തരെയും തിരഞ്ഞെടുത്ത് ഫിൽറ്റർ ചെയ്താണ് കൊല്ലുന്നത്..."...മൂന്നാമൻ അമർഷത്തോടെ തുടർന്നു...

"ഇത് യുദ്ധം അല്ലാ...അവന്റെ വേട്ടയാണ്...അല്ലെങ്കി ഇവനെ കണ്മുന്നിൽ കിട്ടിയിട്ടും അവൻ ഒഴിവാക്കിയത് എന്തിനാണ്..."...അജയനെ ചൂണ്ടിക്കൊണ്ട് മൂന്നാമൻ പറഞ്ഞു...

"ഇത് വേട്ടയാണ്...സമർ അലി ഖുറേഷിയുടെ മരണവേട്ട...വേട്ടയിൽ അവൻ അഗ്രഗണ്യനാണ്... അതുകൊണ്ട്