Chapter Title : വിപ്രതീസാരം [ധൃഷ്ടദൃമ്‌നൻ]

"ചേച്ചി വല്ലപ്പോഴും വന്നു ഇവിടം ഒന്നു തൂത്തു തുടക്കണം. അല്ലേൽ വീട് നശിച്ചു പോകും. "

"അതൊക്കെ ഞാൻ നോക്കാം മോളെ. ഹോസ്പിറ്റലിലെ കാര്യങ്ങൾ ഒക്കെ?"

"എല്ലാം റെഡിയായി."

"രണ്ടു വാക്കിലൊതുക്കിയത് ഡോക്ടർ ആനി ഫിലിപ്പിന് വിട്ടുപോകാനുള്ള വിഷമം കൊണ്ടാണോ?"

"അതിനേക്കാൾ ഏറെ എന്നെ വിഷമിപ്പിക്കുന്നത് ഷിബിലീടെ കല്യാണം ആണ്. അവളെ ഞാൻ ഒരുപാട് നിർബന്ധിപ്പിച്ചതാ മറ്റൊരു വിവാഹത്തിന്. ഒടുവിലവൾ സമ്മതം മൂളിയപ്പോൾ മിന്നുകെട്ടിനു ഞാൻ ഇല്ലാ."

"ഇതൊക്കെ കാലചക്രത്തിന്റെ കളിയല്ലേ മോളെ."

"ചേച്ചി ഇതവൾക്കു നൽകണം."

ആനി രണ്ടുമൂന്നു ചുരിദാറും നാലു പവന്റെ മാലയും ഒരു ലക്ഷം രൂപയും അടങ്ങുന്ന കവർ കൊച്ചുമകൾക്കു നൽകാനായി ത്രേസ്യയുടെ കയ്യിൽ കൊടുത്തു. "മമ്മീ " എന്ന് സ്നേഹത്തോടെ ഉള്ള ഷിബിലിയുടെ ആ വിളി അതിനായിരുന്നു ആ ഉപഹാരം . ത്രേസ്സ്യക്കു സഹായമായി ആനിയുടെ വീട്ടിൽ വന്നതാണ് മകന്റെ മകൾ ഷിബിലി.

കുടുബത്തിലൊന്നു തല തെറിച്ചെന്നു പറഞ്ഞു ത്രേസ്യ കരഞ്ഞു കൂവിയപ്പോൾ പുറത്താരും അറിയാതെ പപ്പായ-കൈത ചക്ക ജ്യൂസിൽ കലങ്ങിയ ഭ്രൂണം ഷിബിലിയുടെ ഉദരത്തിൽ നിന്നു നീക്കിയത് ആനിയായിരുന്നു . ചുരുളഴിയാതെ ആ ഗർഭത്തിന്റെ ഉത്തരവാദി ഷിബിലി ഇന്നും എല്ലാവരിൽ നിന്നും മറക്കുന്നു.

അവളോട് അതിനെ പറ്റി ചോദിച്ചാൽ. "ഞാൻ ഒരാളെ വിശ്വസിച്ചു. അയാൾ എന്നെ ചതിച്ചു. അയാൾക്ക് മുന്നിൽ അയാളുടെ സഹായം ഇല്ലാതെ അയാളുടെ കുട്ടിയെ വളർത്തണം എന്നായിരുന്നു എന്റെ ആഗ്രഹം. പക്ഷെ അർഹത ഇല്ലാത്ത ഒരാളെ മോഹിച്ചതിന് ദൈവം ഒരു ഗർഭം എനിക്ക് തന്നു. ചതി ഞാൻ മനസ്സിലാക്കി പ്രതികാരത്തിന് തീരുമാനിച്ചപ്പോൾ ദൈവം എന്നെ വീണ്ടും തോൽപ്പിച്ചു. അതിനുത്തരവാദി തന്നോടൊപ്പം മരിച്ചു മണ്ണടിയട്ടെ."

ഗർഭം അലസിയെ പിന്നേ അവളെ വിടാതെ പിറകെ നടന്നു അപ്പച്ചനും അമ്മച്ചിയും ത്രേസ്യയും ആനിയും നിർബന്ധിച്ചെങ്കിലും. മറ്റൊരു വിവാഹത്തിന് അവൾ സമ്മതിച്ചില്ല.ഒടുവിൽ വിധിയുടെ വിളയാട്ടം പോലെ എല്ലാം അറിഞ്ഞു കൊണ്ട് ഒരാൾ അവളെ വിവാഹം കഴിക്കാൻ മുന്നോട്ടു വന്നപ്പോൾ അവളതിന് സമ്മതം മൂളി.

അവളെ മറ്റൊരു വിവാഹത്തിന് ഒരുപാട് നിർബന്ധിപ്പിച്ച ആനി ആ മംഗള കർമ്മത്തിൽ പങ്കെടുക്കാൻ കഴിയാതെ ചിക്കാഗോയിലേക്ക് ഭർത്താവിന്റെയും മകന്റെയും മരുമകളുടെയും