Chapter Title : വിഷാദതരളം… വികാരഭരിതം 1 [സ്പൾബർ]

ഒന്നും പറ്റിയിട്ടില്ല…””..

കണ്ണീരിനിടയിലൂടെ പുഞ്ചിരിച്ച് കൊണ്ട് മീര പറഞ്ഞു..

ബാബു അവളുടെ മുഖത്ത് വേറെ പാടൊന്നും കാണാഞ്ഞ് സമാധാനിച്ചു..

ആ ദുഷ്ടൻ കടിച്ച് കീറിയിട്ടുണ്ടാവുമെന്നാണ് കരുതിയത്..

ഭാഗ്യം.. ഒരു നഖത്തിന്റെ പാട് പോലും മുഖത്തില്ല.. താഴോട്ട് എങ്ങിനെയാണാവോ…?..

“"നീ ചെല്ല്… ഞാൻ കുറച്ച് നേരം കിടക്കട്ടെ…””..

കണ്ണടച്ച് കൊണ്ട് മീര പറഞ്ഞു..

ബാബു മെല്ലെ തിരിഞ്ഞ് നടന്നു..

പുറത്ത് ഇടി വെട്ടി മഴ പെയ്യാൻ തുടങ്ങിയിരുന്നു… നല്ല ശക്തമായ മഴ..

ഏതോ പാപക്കറ കഴുകി വൃത്തിയാക്കാനെന്ന പോലെ മഴ കോരിച്ചൊരിഞ്ഞു..

✍️✍️✍️…

ഒരു വർക് ഷോപ്പിലെ പണിക്കാരനാണ് രവീന്ദ്രൻ.. ലോറിയും, ബസും പണിയെടുക്കുന്ന വലിയ വർക് ഷോപ്പ്..

അഞ്ചെട്ട് കൊല്ലം അവന്റെ ആശാന്റെ കൂടെത്തന്നെയായിരുന്നു പണി..

വലിയ വണ്ടികളുടെ എഞ്ചിൻ പണിയിൽ വിദഗ്ദനായിരുന്നു രവി..

ആശാന്റെ അനുമതിയോടെ ഈയടുത്താണ് അവൻ സ്വന്തമായി ഒരു വർക് ഷോപ്പ് തുടങ്ങിയത്.. ഒരു വലിയ പറമ്പിൽ കുറച്ച് സ്ഥലം വാടകക്കെടുത്ത് അവിടെ പ്ലാസ്റ്റിക് ഷീറ്റ് വലിച്ച് കെട്ടിയാണ് തുടങ്ങിയത്..

ഹോളോബ്രിക്സ് കൊണ്ട് പടുത്ത് ടൂൾസൊക്കെ വെക്കാൻ ഒരു റൂമും ഉണ്ട്..

വീടിന് കുറച്ചപ്പുറെയാണ് അവന്റെ വർക് ഷോപ്പ്..അതിന് പിന്നിൽ ഒരു ഹോസ്പിറ്റലുണ്ട്.. ഒരു ചെറിയ ഹോസ്പിറ്റൽ..രണ്ട് ഡോക്ടർമാരും, നാലഞ്ച് നഴ്സുമാരുമുണ്ട്..

രവിക്ക് എപ്പഴും നല്ല തിരക്കാണ്..രണ്ട് മൂന്ന് പണിക്കാരുണ്ടെങ്കിലും എല്ലാം നേരിട്ട് നോക്കിയാലേ അവന് തൃപ്തിയാകൂ..

അവന്റെ അനിയനാണ് ബാബുരാജൻ..

പ്ലസ്റ്റൂ കഴിഞ്ഞ് മൂന്നാല് കൊല്ലം തെണ്ടിത്തിരിഞ്ഞ് നടന്ന ബാബുവും ഇപ്പോൾ വർക് ഷോപ്പിലെ പണിക്കാരനാണ്.. നാള് കുറേയായെങ്കിലും ഇപ്പഴും സ്പാനറേതാ, ചുറ്റികയേതാന്ന് ബാബുവിന് തിരിഞ്ഞിട്ടില്ല..

അവർക്ക് വീട്ടിൽ അമ്മ മാത്രമേ ഉള്ളൂ.. അമ്മക്ക് വയ്യ… കിടപ്പിലാണ്…

വീട്ട് ജോലിയും, അമ്മയെ പരിചരിക്കുന്നതുമെല്ലാം രണ്ടാൺ മക്കളും കൂടിയാണ്..

ഇപ്പോൾ അടിയന്തരമായി വേണ്ടത് രവിക്കൊരു വിവാഹമാണ്..

അവന്റെയമ്മ പലവട്ടം പറഞ്ഞിട്ടും അവൻ കല്യാണത്തിന് തയ്യാറായില്ല..

ജീവിതം ഒന്ന് സെറ്റായിട്ട് മതി ഒരു പെൺകുട്ടിയെ വീട്ടിലേക്ക് കൊണ്ടുവരുന്നത് എന്നവൻ തീരുമാനിച്ചിരുന്നു..

ഇപ്പോൾ കാര്യങ്ങൾ ഒരു വിധം ശരിയായിട്ടുണ്ട്.. വീടൊന്ന് പുതുക്കിപ്പണിതു.. ഒരു സെകന്റ് ഹാന്റ് കാറ് വാങ്ങി..

അനിയൻ ചെക്കന്റെ കാര്യത്തിലേ ഇപ്പോഴൊരു പ്രയാസമുള്ളൂ..എത്ര പറഞ്ഞ് കൊടുത്താലും അവന്റെ തലയിൽ കയറില്ല.. ശരിയാവുമായിരിക്കും..

ഇപ്പോൾ മുപ്പത്തിരണ്ട് വയസുണ്ട് രവീന്ദ്രന്.. ബാബുവിന് ഇരുപത്തഞ്ചും..

ഇനിയൊരു പെണ്ണ് കെട്ടാം എന്ന് രവിക്ക് തോന്നി..

അവൻ ഒന്ന് രണ്ട് ബ്രോക്കർമാരോടൊക്കെ വിവരം പറഞ്ഞു..

അവന് വേണ്ടി സംസാരിക്കാൻ അവൻ മാത്രമേ ഉള്ളൂ..ആകെയുള്ള അമ്മാവൻ