Chapter Title : വിഷാദതരളം… വികാരഭരിതം 3 [സ്പൾബർ]

എട്ട് ലക്ഷം രൂപ..

അത്രയും പൈസ രവി ബസുടമക്ക് നൽകണം.. ബാക്കി അയാളും സഹിക്കുക..

ഈ പൈസക്കിനി എന്ത് ചെയ്യും എന്ന് രവി ചിന്തിച്ച് തീരുന്നതിന് മുൻപ് ഗണേശൻ അവിടെ വെച്ച് തന്നെ ആ പൈസ പുളിങ്കുരുപോലെ എണ്ണിക്കൊടുത്തു..

പിന്നെയായിരുന്നു വലിയ പ്രശ്നം..

ഒരാൾ മരിച്ചിട്ടുണ്ട്..

മനപ്പൂർവ്വമല്ലെങ്കിലും മരിച്ചത് ഒരു മനുഷ്യനാണ്..

ഏതായാലും ബംഗാളിയുടെ ബോഡി നാട്ടിലേക്ക് കൊണ്ട് പോവാൻ തീരുമാനമായി..

ആംബുലൻസിന് വാടകയായി ഒന്നര ലക്ഷം കൂടി ഗണേശൻ വീശി..

രവി മാനസികമായി ആകെ തകർന്നു..

ചെറിയൊരു പ്രശ്നം വന്നാൽ പോലും അത് നേരിടാൻ കഴിയാത്ത അവന് ഇതൊന്നും താങ്ങാനായില്ല..

വീടിന്റെ ആധാരം പണയപ്പെടുത്തിയാണ് വീട് പുതുക്കിപ്പണിതതും, കാറ് വാങ്ങിയതും..

അതിന്റെ അടവൊക്കെ കൃത്യമായി പോയിരുന്നെങ്കിലും ആധാരം ഇപ്പഴും ബാങ്കിലാണ്..

ഇനിയും ഒരു പാട് പൈസയടക്കാനുണ്ട്..

മുന്നിലേക്കുള്ള വഴി ഇരുളടഞ്ഞതായി രവിക്ക് തോന്നി..ഇനിയൊന്നും തനിക്ക് പ്രതീക്ഷിക്കാനില്ലെന്നും രവിക്ക് മനസിലായി..

മനപ്പൂർവ്വമല്ലാത്ത നരഹത്യ രവിയുടെ മേൽ ചുമത്തിയേക്കുമെന്ന് പോലീസ് കാരൻ ഒരു സൂചന കൊടുത്തു..

എതിർഭാഗം ശക്തമായാൽ എട്ട് വർഷത്തോളം ശിക്ഷ അനുഭവിക്കേണ്ടിവരും..

ജീവിതമാകെ തകർന്ന മട്ടിലാണ് രവി വീട്ടിലെത്തിയത്.. മീരയോട് പോലും അവനൊന്നും മിണ്ടിയില്ല..

കാര്യത്തിന്റെ ഗൗരവം അവൾക്കും മനസിലായിരുന്നു..

രവിക്കന്ന് രാത്രി ഉറങ്ങാനായില്ല..

ഒരു പെറ്റിക്കേസിൽ പോലും കുടുങ്ങാത്ത അവന് താനൊരു കൊലപാതകക്കേസിൽ പ്രതിയായെന്നറിഞ്ഞ് വല്ലാത്ത പേടി തോന്നി..

മുറിയിലെ വെളിച്ചം കെടുത്താൻ അവൻ സമ്മതിച്ചില്ല..

കണ്ണുകൾ തുറുപ്പിച്ച് തന്റെ കുടുംബത്തിന്റെ ഭാവിയെ പറ്റി ആലോചിച്ചിട്ട് അവനൊരെത്തും പിടിയും കിട്ടിയില്ല..

താൻ ജയിൽ പോയി കിടന്നാൽ മീരയും, ബാബുവും എങ്ങിനെ ജീവിക്കും..

ചെറുക്കനാണെങ്കിൽ പണിയൊന്നും