Chapter Title : വിശുദ്ധ (BLACK FOREST)

വന്നു . ഊരിലെ കുടുംബങ്ങളിലെ സന്തോഷവും അവരുടെ ജീവിതവും എന്നിൽ കുടുംബം എന്ന ചിന്തകൾ സജീവമാക്കി എനിക്കും ഒരുകുടുംബം കുട്ടികൾ എല്ലാം വേണമെന്ന് തോന്നാൻ തുടങ്ങി .ഇവരുടെ ഇടയിൽ കല്യാണം ഇവർ തമ്മിൽ മാത്രമാണ് നടന്നിരുന്നത് .പുറമെനിന്നുള്ള ആർക്കും ഇവരെ വിവാഹം ചെയ്യാൻ കഴിയില്ല .അതിവർക്കിടയിൽ വലിയ തെറ്റാണു .എന്റെ ആഗ്രഹങ്ങൾ ഞാൻ മനസ്സിൽ വച്ച് താലോലിച്ചു .റോസിനോട് പറയാൻ ഞാൻ തീരുമാനിച്ചു .അത്താഴം കഴിഞ്ഞു കിടക്കാൻ നേരം ഞാൻ റോസുമായി സംസാരിക്കാൻ തുടങ്ങി

റോസ് എനിക്കൊരു കാര്യം പറയാനുണ്ട്

എന്താ എബി

റോസ് ആഗ്രഹിച്ച ജീവിതം ലഭിച്ചതിൽ സന്തോഷമുണ്ടോ

പിന്നില്ലേ എബി ...ഞാൻ കടപ്പെട്ടിരിക്കുന്നതും നിന്നോടാണ് ..നീയില്ലായിരുന്നെങ്കിൽ ഞാൻ ഒരിക്കലും ഇതനുഭവിക്കുമായിരുന്നില്ല

അനാഥരായാണ് നമ്മൾ ജനിച്ചത് ...മാതാപിതാക്കൾ ജീവിച്ചിരിപ്പുണ്ടോ എന്ന് പോലും നമ്മൾക്കറിയില്ല .ഏതു നാട്ടിലാണെന്നോ ഏതു മതത്തിൽ പെട്ടവരാണെന്നോ നമ്മൾക്കറിയില്ല എന്തിനാണ് നമ്മളെ ഉപേക്ഷിച്ചതെന്നു പോലും നമുക്കറിയില്ല .എന്നിട്ടും നമ്മൾ ജീവിച്ചു വളർന്നു വിദ്യാഭ്യാസം നേടി .എനിക്കെന്തോ ഒരുകുടുംബം വേണമെന്നൊരു തോന്നൽ .ഭാര്യ മക്കൾ എന്നിങ്ങനെയൊക്കെ എനിക്ക് തോന്നിത്തുടങ്ങുന്നു .ഒരുപക്ഷെ ഇവരുടെ ജീവിതമാകാം എന്നെ സ്വാധിനിച്ചത് .ഇവിടുത്തെ കുട്ടികളുടെ കളിചിരികൾ ആകാം .എനിക്കറിയില്ല റോസ് ഇതുവരെ ഇല്ലാതിരുന്ന ഒരുതരം ആഗ്രഹം എനിക്കുതോന്നിത്തുടങ്ങുന്നു ...

ഞാനിന്നോരു ബാധ്യതയായി നിനക്ക് തോന്നുന്നുണ്ടോ എബി

ഇല്ല റോസ് അങ്ങനെയല്ല എനിക്ക് മനസ്സിൽതോന്നിയ ആഗ്രഹം ഞാൻ പങ്കുവച്ചെന്നു മാത്രം

വിവാഹം കഴിക്കാൻ താല്പര്യമാണെങ്കിൽ എബി വിവാഹിതനാകണം ..

റോസ് എന്നുമുതലാണ് വിവാഹം വേണ്ടെന്നു തീരുമാനിച്ചത്

നിറമുള്ള സ്വപ്നങ്ങളും കുടുംബമെന്ന മോഹവുമുള്ള ഒരുകാലം എനിക്കും ഉണ്ടായിരുന്നു എബി .ഞാനും അഞ്ജലിയും എപ്പോഴും പറയുമായിരുന്നു ഞങ്ങളുടെ വിവാഹം ഒരുമിച്ചു നടത്തണം .ഒരുമിച്ചു കുഞ്ഞുങ്ങൾക്കും ജന്മം നൽകണം അടുത്തടുത്ത് താമസിക്കണം .ഞങ്ങളുടെ കുഞ്ഞുങ്ങളും ഞങ്ങളെ പോലെ സുഹൃത്തുക്കളായി വളരണം .മരിക്കുവോളം ഞങൾ പിരിയില്ല .പക്ഷെ എല്ലാ സ്വപ്നങ്ങളും സ്വപ്‌നങ്ങൾ മാത്രമാക്കി എന്നെ തനിച്ചാക്കി അവൾ പോയി .അന്ന് ഞാൻ തീരുമാനിച്ചു അവൾക്കു ലഭിക്കാതെപോയ അവളുടെ ആഗ്രഹങ്ങൾ സ്വപനങ്ങൾ ഒന്നും എനിക്കും ആവശ്യമില്ല എന്ന് .

റോസ് ...നീ പറയുന്നത് ശരിയാണ് പ്രിയ മിത്രത്തിന്റെ വേർപാട് അതിന്റെ