Chapter Title : വിശുദ്ധ വേശ്യ 🫖 1 [Teena John]

വന്നു—ഒരു ശരീരമായി മാത്രം.

ആദ്യത്തെ രാത്രി... അത് വെറുമൊരു രാത്രിയായിരുന്നില്ല. എന്റെ ആത്മാവിനെ കാർന്നുതിന്ന ഒരു ശ്മശാനമായിരുന്നു ആ മുറി. ജനാലകളില്ലാത്ത ആ നാലു ചുവരുകൾക്കുള്ളിൽ എന്റെ നിലവിളികൾ തട്ടി പ്രതിധ്വനിച്ചു. പുറത്ത് പെയ്യുന്ന മഴയുടെ ഇരമ്പൽ എന്റെ കരച്ചിലിനെ മുക്കിക്കളഞ്ഞു.

നഗരത്തിലെ ആഡംബരങ്ങൾക്കിടയിൽ, ഒരു പെൺകുട്ടിയുടെ ജീവിതം പിച്ചിച്ചീന്തപ്പെടുന്നത് ആരും അറിഞ്ഞില്ല.

​പുലർച്ചെയായപ്പോൾ കതക് തുറക്കുന്ന ശബ്ദം കേട്ടു. മദ്യത്തിന്റെ ഗന്ധവും വിയർപ്പും കലർന്ന ആ മുറിയിൽ ഞാൻ വെറും തറയിൽ ചുരുണ്ടുകൂടി കിടക്കുകയായിരുന്നു. മാതമ്മ എന്ന് എല്ലാവരും വിളിക്കുന്ന ആ ചായം തേച്ച സ്ത്രീ അകത്തേക്ക് വന്നു. അവരുടെ കയ്യിൽ ഒരു സ്റ്റീൽ ഗ്ലാസിൽ കട്ടൻ ചായ ഉണ്ടായിരുന്നു.

​"എഴുന്നേൽക്ക് പെണ്ണേ... ഇങ്ങനെ കിടന്നാൽ മതിയോ? ഇതൊക്കെ ഈ പണിയുടെ ഭാഗമാണ്. ആദ്യം കുറച്ചു പ്രയാസം തോന്നും, പിന്നെ നീ ശീലിച്ചോളും," അവർ ഗ്ലാസ് മേശപ്പുറത്ത് വെച്ചു.
​ഞാൻ വിറയ്ക്കുന്ന കൈകളോടെ എന്റെ വസ്ത്രങ്ങൾ നേരെയാക്കാൻ ശ്രമിച്ചു. എന്റെ ശരീരം മുഴുവൻ വേദനിക്കുന്നുണ്ടായിരുന്നു. "എന്നെ വിടൂ... എനിക്ക് എന്റെ പാലക്കാട്ടേക്ക് പോണം. ഞാൻ ആരോടും പറയില്ല. എന്നെ വിട്ടയയ്ക്കൂ..." ഞാൻ അവരുടെ കാലുപിടിച്ചു കരഞ്ഞു.

​മാതമ്മ എന്റെ തലമുടിയിൽ കുത്തിപ്പിടിച്ച് മുഖം ഉയർത്തി. "പാലക്കാട്ടേക്ക് പോകാനോ? നിന്നെ മാധവൻ നായർ വിറ്റത് വെറുതെയല്ല. പതിനായിരം രൂപയാണ് ഞാൻ അയാൾക്ക് കൊടുത്തത്. ആ പണം നീ ഇക്കണക്കിന് പോയാൽ പത്തു കൊല്ലം എടുത്താലും തിരിച്ചു തീർക്കില്ല. മര്യാദയ്ക്ക് ഞാൻ പറയുന്നത് കേട്ട് നിന്നാൽ നിനക്ക് നല്ല വസ്ത്രവും ഭക്ഷണവും തരും. എതിർത്താൽ..."

​അവർ ഒരു കത്തിയെടുത്ത്