Chapter Title : ❤️വൃന്ദാവനം 4 [കുട്ടേട്ടൻ]

സ്ഥാപിക്കുകയും ചെയ്തു. അതിനാൽ തന്നെ നന്ദുചേച്ചി എന്തു പറയുന്നോ അതാണു കുട്ടികൾക്കു വേദവാക്യം. മീരയുടെ ടീമിലുള്ള കുട്ടികളും അതിനാൽ നന്ദിതയെ അനുസരിച്ചു. അവൾ കണ്ണടച്ചു കാട്ടിയതിനാൽ അവർ മിണ്ടാതെ നിന്നു.
ഫൂൾസ്...നിന്നോടൊക്കെയാ ചോദിച്ചേ..പാട്ട് പറഞ്ഞുതാ-മീര കുട്ടികളോടു കയർത്തു.
ഞങ്ങൾക്കറിയില്ല ഡാകിനിചേച്ചീ അല്ല മീരച്ചേച്ചീ-കുട്ടു പറഞ്ഞു.
ഡാകിനിയോ, എടാ ആരാടാ ആരാടാ എനിക്ക് അങ്ങനെ പേരിട്ടത്. തന്നെ ഡാകിനിയെന്നു വിളിച്ച കുട്ടുവിന്‌റെ ചെവി പിടിച്ചു തിരുമ്മിക്കൊണ്ട് മീര ചൂടായി.
അയ്യോ ചേച്ചീ, പറഞ്ഞപ്പോൾ തെറ്റിപ്പോയതാ-കുട്ടു പറഞ്ഞു. മീരയെ രഹസ്യമായി കുട്ടികൾ ഡാകിനിയെന്നാണ് വിളിച്ചിരുന്നത്.
എന്താദ് മീര, കുട്ടികളെ ഇങ്ങനെ വേദനിപ്പിക്കുന്നേ, അവന്‌റെ ചെവിയിൽ നിന്നു വിട്- നന്ദിത വിളിച്ചുപറഞ്ഞു.കുട്ടുവിന്‌റെ ചെവിയിൽ കൂടുതൽ തിരുമ്മിക്കൊണ്ട് മീര പറഞ്ഞു.
നീ നിന്‌റെ കാര്യം നോക്ക് നന്ദിതാ..കുട്ടികളാണു വലുതാകുന്നത്. മൂത്തോരെ ഇരട്ടപ്പേരു വിളിക്കുന്നതിന് ഇപ്പോഴേ ഇവർക്ക് കൊടുക്കണം. അല്ലെങ്കിൽ വലുതാകുമ്പോൾ ഇവരൊക്കെ വഴിപിഴച്ചുപോകും..മീര പറഞ്ഞു.
ആരാ വഴിപിഴച്ചുപോകുന്നേന്ന് ഇട്ടിരിക്കുന്ന ഡ്രെസ് കണ്ടാൽ അറിയാം-നന്ദിത പിറുപിറുത്തത് സഞ്ജു മാത്രമാണു കേട്ടത്.
നീയെന്തെങ്കിലും പറഞ്ഞോ-മീര ചോദിച്ചു.
അല്ലാ എല്ലാവരും തറവാട്ടിലെ കുട്ടികളാ. തറവാടിന്‌റെ സംസ്‌കാരോം പാരമ്പര്യോമൊക്കെ നിലനിർത്താൻ എല്ലാർക്കും ബാധ്യതയുണ്ടെന്നു പറഞ്ഞതാ- മീരയെ കൊള്ളിച്ചുള്ള നന്ദിതയുടെ വർത്തമാനം മീരയ്ക്കു പെട്ടെന്നു മനസ്സിലായില്ല. എന്നാൽ സഞ്ജുവിന് മനസ്സിലായി.
അതൊന്നും സാരമില്ല. ഈ തറവാട്ടിലെ കുട്ടികളെ ശകാരിക്കാനും ശിക്ഷിക്കാനും മീരയ്ക്കും നന്ദിതയ്ക്കും അധികാരംണ്ട്. അവരുടെ വല്യേച്ചിമാരാ നിങ്ങള്..കുടുംബത്തിലെ ചെറിയവരെ നേർവഴിക്ക് നടത്തേണ്ടത് മൂത്ത പെൺകുട്ടികളാ- സഞ്ജു വിദഗ്ധമായി പറഞ്ഞു. കുട്ടു സഞ്ജുവിനെ നോക്കി പല്ലിറുമ്മി.
സഞ്ജു പറഞ്ഞത് കറക്ടാ. ഇവൻമാർക്കെല്ലാം വലിയ നെഗളിപ്പാണ്. കൂട്ടുകെട്ട് ശരിയാവത്തേന്‌റെയാണ്. നന്ദിതയെ നോക്കി