Chapter Title : യക്ഷി 2 [താർക്ഷ്യൻ]

എടുക്കാം…!! വേണ്ടാ..

എടുക്കാം…!! അയ്യേ ശരിയാവില്ല.. ഒരു ബട്ടൺ..

അല്ലേലും ഒരു ബട്ടൺ അല്ലേ.. അതിലിപ്പോ എന്താ..?

ണിം ണിം ണിം ണിം…. കൂട്ടമണി അടിച്ചു. സ്കൂൾ വിട്ടിരിക്കുന്നു. ഞാൻ ഒന്ന് ഞെട്ടി. തോമസ് സാർ ആണ് ക്ലാസ്സിൽ!!!

എഹ്!! രേഷ്മ ടീച്ചർ എപ്പോൾ പോയി!?

തോമസ് സാർ എപ്പോൾ വന്നു !!?

സ്കൂളും വിട്ടോ !?

ഇതൊക്കെ എപ്പോ!!?

ക്ലാസ് എടുക്കുമ്പോൾ അടുത്ത് പടക്കം പൊട്ടിച്ചാലും ശ്രദ്ധ പോവാത്ത ഞാൻ ഇന്ന് രണ്ട് പിരിയഡ് കഴിഞ്ഞത് അറിഞ്ഞില്ലെന്നോ !! എനിക്ക് അത്ഭുതമായി!! എന്താണ് എനിക്ക് സംഭവിക്കുന്നത് !?

എല്ലാത്തിനും കാരണം ഒരു പന്ന ബട്ടൺ ആണെന്ന് പറഞ്ഞാൽ എങ്ങനെ വിശ്വസിക്കും!!?

അപ്പോഴേക്ക് എല്ലാവരും വീട്ടിലേക്ക് പോകാൻ വേണ്ടി ബാഗും എടുത്ത് പാഞ്ഞ് പുറത്തേക്ക് പോവുകയാണ്. ഞാൻ പയ്യെ ബാഗ് എടുത്ത് ഡെസ്കിൽ ബട്ടൺ വെച്ച വശത്തൂടെ ഇറങ്ങി. മറുവശത്ത് കൂടി എനിക്ക് സുഖമായി ഇറങ്ങി പോകവുന്നതേ ഉള്ളൂ. പെൺകുട്ടികളുടെ തിക്കി തിരക്കി നിടയിൽപെടേണ്ട കാര്യമില്ല. പക്ഷേ ആ ബട്ടൺ എനിക്കൊരു അമൂല്യ നിധിയായി മാറി കഴിഞ്ഞിരിക്കുന്നു. ഡെസ്കിൽ നിന്നും ഇറങ്ങുന്ന ഇറങ്ങലിൽ ഞാൻ ആ ബട്ടൺ കൈക്കലാക്കി! പയ്യെ ക്ലാസിന് വെളിയിൽ ഇറങ്ങി നടന്നു…

*************************************************

സ്കൂളിന് അടുത്താണ് എൻ്റെ വീട്. ഏതാണ്ട് ഒരു ഒന്നര കിലോമീറ്റർ കാണും. മുക്കാൽ കിലോമീറ്റർ മാത്രമേ മെയ്ൻ റോഡിലൂടെ നടക്കാൻ ഉള്ളൂ. പിന്നെ എൻ്റെ വീട്ടിലേക്ക് തിരിയുന്ന വഴി. രജിതയുടെയും ഷംനയുടെയും വീട് എൻ്റെ അതേ റൂട്ടിൽ ആണ്. ഞാൻ വീട്ടിലേക്ക് തിരിയുന്ന വഴി വരെ അവർ കൂടെ കാണും. സാധാരണ സ്കൂൾ വിട്ടാൽ വീട്ടിലേക്ക് അതിവേഗം പറക്കാറുള്ള ഞാൻ അന്ന് വളരെ പയ്യെ തട്ടി തടഞ്ഞാണ് സ്കൂൾ കൊമ്പോൺഡിൽ നിന്നും തന്നെ ഇറങ്ങിയത്. രജിതയെയും ഷംനയും മുന്നിൽ വിട്ടുകൊണ്ട് അവരുടെ പിന്നാലെ നടക്കാൻ വേണ്ടി. ഇതൊക്കെയും മനഃപൂർവം സംഭവിക്കുന്നതല്ല. ഇങ്ങനെ ഒക്കേ ചെയ്യാൻ എൻ്റെ ഉള്ളിൽ നിന്നും ആരോ നിർബന്ധിക്കുന്ന പോലെ..!

എൻ്റെ തിരിഞ്ഞുകളി ഏറ്റു!! അവർ ഇപ്പൊ എൻ്റെ മുന്നിലാണ് നടക്കുന്നത്. ഒരു സൈഡ് സ്ലിങ് ബാഗ്