Chapter Title : യക്ഷി 3 [താർക്ഷ്യൻ]

ക്ലാസ്സിലെ എല്ലാവർക്കും അറിയാം.

അത്രയും നേരം എന്നെ പ്രണയ പുരസ്സരം നോക്കി കൊണ്ട് ഡെസ്കിൽ കിടന്ന രജിതയുടെ മുഖം മാറി. കവിൾ കുറുമ്പുകൊണ്ട് വീർത്തു. കൃത്രിമമായ ഒരു കോപം മുഖത്ത് വന്നു നിറഞ്ഞു. എന്നെ തുറിച്ച് നോക്കി പേടിപ്പിച്ചു. എനിക്ക് അവളുടെ കുറുമ്പ് പിടിച്ച മുഖം കണ്ടപ്പോൾ കെട്ടിപ്പിടിച്ചു രണ്ടു കവിളിലും ഓരോ ഉമ്മ കൊടുക്കാൻ ആണ് തോന്നിയത്.

ഞാൻ ചിരിച്ചുകൊണ്ട് ഷംനയുടെയും രജിതയുടെയും പേര് അവരുടെ മുൻപിൽ വെച്ച് തന്നെ എഴുതി. ഷംനക്ക് വലിയ സന്തോഷമായി. അവൾ എന്നെ നന്ദിയോടെ നോക്കി. ആ ടൂറിനു അവളത്രയും ആഗ്രഹിച്ചു കാണണം കാരണം ഷംനയുടെ എൻഗേജ്മെന്റ് കഴിഞ്ഞതാണ്. സ്‌കൂൾ പൂട്ടിയാൽ എക്സാം റിസൾട്ടിന് മുൻപേ അവളുടെ കല്യാണം ആയിരിക്കും. പഠിക്കാൻ നല്ല മിടുക്കിയാണ്. ക്ലാസ്സിലെ ഒന്നും രണ്ടും സ്ഥാനങ്ങൾ ഞങ്ങൾ പരസ്പരം പങ്കിട്ടെടുക്കാറാണ് പതിവ്. എനിക്കും അവൾക്കും ഒരേ പ്രായമാണ്. ഞങ്ങൾ മാത്രമാണ് ഒരു ക്ലാസ്സിലും തോൽക്കാതെ എത്തിയവർ. പക്ഷെ അവളുടെ ചെറുക്കന്റെ വീട്ടുകാർ അവളെ കോളേജിൽ പോകാൻ വിടില്ലത്രെ!!

ഏതോ ഭയങ്കര ഓർത്തഡോൿസ് ഫാമിലിയിലേക്കാണ് അവളെ കൊടുക്കുന്നത്. തട്ടം പോലും ഇടാതെ നടന്ന പെണ്ണ്, അതിനു ശേഷമാണ് പാള പോലത്തെ ചുരിദാറും തലവഴിയുള്ള മൂടികെട്ടും ഒക്കെ തുടങ്ങിയത്. അവളുടെ സംസാരത്തിൽ നിന്നും അവളുടെ താല്പര്യമില്ലാതെയാണ് എല്ലാം നടന്നത് എന്ന് വ്യെക്തം. അതുകൊണ്ട് തന്നെ ഇനിയുള്ള കാലം ഏതെങ്കിലും അടുക്കളയിൽ തീരാൻ ആണ് അവളുടെ വിധി. ഇനി ഞാൻ ഇവളെ കാണുമ്പോൾ എനിക്ക് ഒരുപക്ഷെ തിരിച്ചറിയാൻ പോലും പറ്റിയെന്നു വരില്ല. പഴയ സുഹൃത്തുക്കളെ കണ്ടാലും, പ്രത്യേകിച്ച് ആൺ സുഹൃത്തുക്കളെ, ഒന്ന് ചിരിക്കാൻ പോലും കഴിയാതെ, കറുത്ത പർദ്ദക്കുള്ളിൽ ഒതുങ്ങുന്ന ഒരു നെടുവീർപ്പ് ആയി അവൾ മാറിയേക്കാം. എനിക്ക് പാവം തോന്നി…

പക്ഷെ നമ്മുടെ കക്ഷി ആവട്ടെ ഞാൻ പേര് എഴുതിയത് കണ്ടപ്പോൾ “ഹും” എന്നൊരു പുച്ഛ ഭാവവും ഇട്ടു തല നേരെ തിരിച്ചു കിടന്നു. ഞാൻ ഓർത്തു ഇവൾ ആളൊരു കാന്താരി തന്നെ.. നിക്കട്ടെ ടൂറിനു ഞാൻ നിന്നെ എടുത്തോളാം കള്ളി പൂ… ങ്കുയിലെ..

പെട്ടന്ന് ക്ലാര മിസ് ക്ലാസ്സിലേക്ക്