Chapter Title : യക്ഷി 3 [താർക്ഷ്യൻ]

കാര്യം ചെയാം സന്ധ്യയെ സ്പോൺസർ ചെയ്യാം”...

അതുകേട്ടു ഷംന വായ പൊത്തി ചിരിച്ചു. ബാക്ക് ബെഞ്ചിലെ പെടപ്പുകളായ ജിൻസി, നിമിഷ, സന്ധ്യ ത്രയത്തിലെ ഏറ്റവും കയ്യിലിരിപ്പ് കൂടിയ ആളാണ് സന്ധ്യ. പൊസ്സസ്സീവ്നെസ് വർക്ഔട്ട് ആവുമോ എന്ന് അറിയാൻ ഞാൻ ഒന്ന് എറിഞ്ഞു നോക്കിയതാണ്. മാത്രവുമല്ല കഴിഞ്ഞ കൊല്ലം സന്ധ്യ വന്നു എന്നെ പ്രൊപ്പോസ് ചെയ്തതും ഞാൻ അത് നിരാകരിച്ചതും സന്ധ്യ ആ പ്രാന്തിൽ ജനൽ ചില്ലു അടിച്ചു പൊട്ടിച്ചതും എല്ലാം ക്ലാസ്സിലെ എല്ലാവർക്കും അറിയാം.

അത്രയും നേരം എന്നെ പ്രണയ പുരസ്സരം നോക്കി കൊണ്ട് ഡെസ്കിൽ കിടന്ന രജിതയുടെ മുഖം മാറി. കവിൾ കുറുമ്പുകൊണ്ട് വീർത്തു. കൃത്രിമമായ ഒരു കോപം മുഖത്ത് വന്നു നിറഞ്ഞു. എന്നെ തുറിച്ച് നോക്കി പേടിപ്പിച്ചു. എനിക്ക് അവളുടെ കുറുമ്പ് പിടിച്ച മുഖം കണ്ടപ്പോൾ കെട്ടിപ്പിടിച്ചു രണ്ടു കവിളിലും ഓരോ ഉമ്മ കൊടുക്കാൻ ആണ് തോന്നിയത്.

ഞാൻ ചിരിച്ചുകൊണ്ട് ഷംനയുടെയും രജിതയുടെയും പേര് അവരുടെ മുൻപിൽ വെച്ച് തന്നെ എഴുതി. ഷംനക്ക് വലിയ സന്തോഷമായി. അവൾ എന്നെ നന്ദിയോടെ നോക്കി. ആ ടൂറിനു അവളത്രയും ആഗ്രഹിച്ചു കാണണം കാരണം ഷംനയുടെ എൻഗേജ്മെന്റ് കഴിഞ്ഞതാണ്. സ്‌കൂൾ പൂട്ടിയാൽ എക്സാം റിസൾട്ടിന് മുൻപേ അവളുടെ കല്യാണം ആയിരിക്കും. പഠിക്കാൻ നല്ല മിടുക്കിയാണ്. ക്ലാസ്സിലെ ഒന്നും രണ്ടും സ്ഥാനങ്ങൾ ഞങ്ങൾ പരസ്പരം പങ്കിട്ടെടുക്കാറാണ് പതിവ്. എനിക്കും അവൾക്കും ഒരേ പ്രായമാണ്. ഞങ്ങൾ മാത്രമാണ് ഒരു ക്ലാസ്സിലും തോൽക്കാതെ എത്തിയവർ. പക്ഷെ അവളുടെ ചെറുക്കന്റെ വീട്ടുകാർ അവളെ കോളേജിൽ പോകാൻ വിടില്ലത്രെ!!

ഏതോ ഭയങ്കര ഓർത്തഡോൿസ് ഫാമിലിയിലേക്കാണ് അവളെ