Chapter Title : യക്ഷി 4 [താർക്ഷ്യൻ]

എന്റെ ബെഡ്‌റൂം വാതിലിനുമുന്നിൽ ഒരു രൂപം !!

ഒരു സെക്കന്റെ കണ്ടുള്ളു. എന്താണെന്ന് വ്യെക്തമായില്ലെങ്കിലും അതിന്റെ ഔട്ട് ലൈൻ ഞാൻ കണ്ടു. മനുഷ്യരൂപവുമായി യാതൊരു സാദൃശ്യവും അതിനില്ല. ഒരു പ്രത്യേകതരം തലയും സ്തൂപം കണക്ക് ഉടലും. ഇത്രയും നേരമത് എന്നെ നോക്കി നിൽക്കുകയായിരുന്നോ..? ഭയം കൊണ്ട് ഞാൻ കണ്ണ് തുറിച്ച് കിടന്നു.

അടുത്ത മിന്നലിൽ ആ രൂപം എന്റെ റൂമിലേക്ക് കയറി നിൽക്കുന്നതാണ് കണ്ടത്. തൊട്ടടുത്ത് നിമിഷം ഒരു തീപ്പൊരി പാറി... ഹാവൂ അത്രയും ആശ്വാസം. ഇവിടെ തീപ്പൊരി പറിച്ച് വരുന്ന ഒരേയൊരു യക്ഷി എന്റെ മമ്മി മാത്രമാണ്. അതെ മമ്മിയാണ്. കൈയിലെ മെഴുകുതിരി മുനിഞ്ഞ് കത്തി അതിന്റെ പ്രഭക്ക് ആരോഗ്യം വെച്ചു. ആ ദീപ്തിയിൽ മമ്മിയെ കണ്ട ഞാൻ ഞെട്ടിത്തരിച്ചു നിന്നു..!!

തലമുടിയിൽ രക്ത വർണ്ണാങ്കിതമായ തുണി ഒരു പ്രതേകതരം കൂർമ്പൻ ശിരോവസ്ത്രം പോലെ വെച്ചിട്ടിട്ടുണ്ട്. ആ തലപ്പാവിൽ നിന്നും മുഖത്തിന്റെ രണ്ട് വശത്തേക്കും അൽപ്പം അളകങ്ങൾ ഇറങ്ങി നിൽക്കുന്നു. കണ്ണ് എഴുത്ത് കണ്ടാൽ ഭയം തോന്നും. കൺപോളകൾ മുഴുവനായും കറുത്ത മഷി ധാരാളം എഴുതിയിരിക്കുന്നു. കണ്ണിന്റെ വെളുപ്പും കൃഷ്ണമണിയുടെ തിളക്കവും മാത്രമേ കണ്ണിന്റെ സ്ഥാനത് കാണുന്നുള്ളൂ.. ചുണ്ടിൽ രക്തം വാർന്നൊഴുകും മട്ടിലുള്ള കടും ചുവപ്പ് ലിപ്സ്റ്റിക്ക്, അതും കട്ടിക്ക്. കഴുത്തിൽ ചോക്കർ പോലെ ഒരു ചുവന്ന പട്ട. പക്ഷെ അത് മാലയല്ല. മമ്മിക്ക് പുറകിൽ കേപ്പ് പോലെ ഒരു ഒരു നീളൻ തുണി കഴുത്ത് മുതൽ കാൽപാദം വരെ ധരിച്ചിട്ടുണ്ട്. അതിന്റെ എന്തോ ആണത്..

മമ്മിയുടെ വസ്ത്രം കണ്ടപ്പോഴാണ് ശരിക്കും എന്റെ കിളിപോയത്. ഒരുപാട്