Chapter Title : യക്ഷി [Arrow]

നല്ല ഷീണം ഉണ്ടായിരുന്നത് കൊണ്ട് കിടന്നപ്പോഴേ ഉറങ്ങിപ്പോയി. എന്തോ വലിയ ബഹളം കേട്ട് ആണ് ഞാൻ ഉറക്കത്തിൽ നിന്ന് ഉണർന്നത്. എഴുന്നേറ്റു ചെന്നു നോക്കിയപ്പോ മുത്തശ്ശിയും അമ്മയും ഒക്കെ കരയുകയാണ് എന്താണ് കാര്യം എന്ന് എനിക്ക് മനസ്സിലായില്ല. തൊടിയിലൂടെ ആരെക്കെയോ ഓടുന്നുണ്ട്. ഞാൻ അങ്ങോട്ട്‌ ചെന്നു. അവർ കുളത്തിന് അടുത്തേക്ക് ആണ് പോവുന്നത്. ഞാൻ ചെല്ലുമ്പോൾ കുളക്കടവിൽ ഒരുപാട് പേർ കൂടി നിൽപ്പുണ്ട് ഞാൻ അവരെ കടന്ന് കടവിലേക്ക് ചെന്നു, അവിടെ വെള്ളത്തിൽ പടവിനോടു ചേർന്ന് ചേതനയറ്റ ഒരു ശരീരം ഞാൻ കണ്ടു. ഒരു ഞെട്ടലോടെ അത് ആരുടെ ആണെന്ന് ഞാൻ തിരിച്ചറിഞ്ഞു. അന്നേരം ഒരു കാറ്റുവീശി, അക്കരെ ഉള്ള കാട്ടുമുല്ല ആകെ ഉലഞ്ഞു, അവിടെ ആകെ മുല്ലയുടെ സുഗന്ധം പരന്നു. വെള്ളത്തിൽ മുല്ലകാടിന്റ ഇടയിൽ നിന്ന് എന്നെ നോക്കുന്ന രണ്ട് വെള്ള കണ്ണുകൾ ഞാൻ കണ്ടു, അവൾ എന്നെ കൈ കൊണ്ട് മാടി വിളിച്ചു. ഞാൻ പടവുകൾ ഇറങ്ങി അവളുടെ അടുത്തേക്ക് പതിയെ നടന്നു...