യശ്വന്ത്പുർ എക്സ്പ്രെസ്സിലെ സേലംകാരി

Yaswanthpoor Expressile Selam Kaari | Author :  Rajun Mangalassery

ഹായ് ഫ്രണ്ട്സ്, ഒരുപാട് നാളത്തെ ഇടവേളയ്ക്ക് ശേഷമാണ് ഞാൻ വീണ്ടും ഇവിടെ വരുന്നത്. പക്ഷേ നിങ്ങളിൽ പഴമക്കാർ ചിലപ്പോൾ എന്നെ ഓർക്കും. എന്റെ പേര് rajun, റജുൻ മംഗലശ്ശേരി

Click here to read my stories

മതിൽകെട്ടിനുള്ളിലെ മൊഞ്ചത്തി 2 474

മതില്‍കെട്ടിനുള്ളലെ മൊഞ്ചത്തി 514

"മതില്കെട്ടിനകത്തെ മൊഞ്ചത്തി" എന്നപേരിൽ എന്റെ ഒരു അനുഭവം ഞാൻ ഇതിനു മുന്നേ എഴുതിയിട്ടുണ്ട്. ഇന്ന് ഞാൻ ഇവിടെ പറയാൻ പോകുന്നത് മറ്റൊരു അനുഭവമാണ്.

ഇതു നടക്കുന്നത് 2013 - 2014 കാലയളവിലാണ്. അന്ന് ഞാൻ പഠിക്കുകയാണ്. പ്ലസ് ടു കഴിഞ്ഞതിനുശേഷം എല്ലാവരെയും പോലെ എൻജിനീയറിങ് സ്വപ്നവുമായി ഞാനും അഡ്മിഷൻ വാങ്ങി, പോണ്ടിച്ചേരിക്ക് അടുത്തുള്ള പ്രശസ്തമായ ഒരു കോളേജിൽ ആണ് എനിക്ക് അഡ്മിഷൻ ലഭിച്ചത്. എന്നാൽ നിർഭാഗ്യവശാൽ എനിക്ക് എൻജിനീയറിങ് കംപ്ലീറ്റ് ചെയ്യാൻ സാധിച്ചില്ല. കോളേജിലെ ചില പ്രശ്നങ്ങൾ കാരണം ഞാൻ നിരപരാധി ആയിരുന്നിട്ടുകൂടി മലയാളി ആണെന്നുള്ള കാരണത്താൽ എന്നെ കോളേജ് മാനേജ്മെന്റ് പുറത്താക്കുകയായിരുന്നു.

ഇത് ഇവിടെ വിശദീകരിക്കാതെ ഈ അനുഭവം പൂർത്തിയാവില്ല. അത്കൊണ്ട് തന്നെ ഞാൻ പറയട്ടെ, കോളേജിലും എനിക്ക് ഒന്നു രണ്ടു ചുറ്റിക്കളികൾ ഉണ്ടായിരുന്നു. തമിഴത്തികൾ തന്നെ. എന്നാൽ സെക്കൻഡ് ഇയർ ആയപ്പോഴാണ് മലയാളിയായ ഒരു പെൺകുട്ടി പുതുതായി അഡ്മിഷൻ വാങ്ങി കോളജിലെത്തിയത്. അവരുടെ ബാച്ചിൽ ഒരു പെൺകുട്ടി മാത്രമേ ഉണ്ടായിരുന്നുള്ളൂ, ബാക്കി എല്ലാവരും ആൺകുട്ടികൾ. മാത്രവുമല്ല എനിക്ക് ആ കോളേജിൽ അഡ്മിഷൻ വാങ്ങി തന്ന ഏജന്റ് തന്നെയാണ് ഇവരെയും ആ കോളേജിൽ കൊണ്ടുവന്നത്. അതുകൊണ്ടുതന്നെ എന്റെ ഏജന്റ് ആദ്യമായി എന്നെയാണ് അവളുടെ വീട്ടുകാർക്കും അവൾക്കും പരിചയപ്പെടുത്തി കൊടുത്തത്. എന്ത് ആവശ്യത്തിനും ഇവനോട് പറഞ്ഞാൽ മതി എന്ന് സ്വന്തം ഏട്ടനെ പോലെ കരുതുന്ന പുള്ളി പറഞ്ഞപ്പോൾ എനിക്കും നിഷേധിക്കാൻ ആയില്ല. അഡ്മിഷൻ വാങ്ങിയ ശേഷം ഓരോ കാര്യത്തിനും അവൾ എന്നോടാണ് പറയാറ്. സീനിയർ ആണെന്നുള്ള അതിർവരമ്പ് അവൾക്ക് എന്നോട് ഉണ്ടായിരുന്നില്ല. പക്ഷേ അതിൽ അസ്വാഭാവികത ഒന്നും ഞാൻ കണ്ടതുമില്ല. ഒറ്റയ്ക്കുള്ള ഒരു മലയാളി പെൺകുട്ടി എന്നുള്ള നിലയ്ക്ക് എല്ലാം ചെയ്തു കൊടുക്കുമായിരുന്നു.