Chapter Title : യുഗം 11 [Achilies]

വന്ന ഇന്ദിരാമ്മ അനിയന്റെ വീട്ടിൽ എന്തോ ആവശ്യം വന്നിട്ട് പോവേണ്ടിയും വന്നു.കേട്ടപാതി അങ്ങോട്ട് തിരിക്കാൻ നിന്ന എന്നെ വീണ്ടും ഇവിടെ തളച്ചു വസൂ ചെക്ക് വെച്ചു. അത് കൊണ്ട് കൂടിയാണ് ഒരാഴ്ച്ച കഴിഞ്ഞു പിന്നെയും രണ്ടു ദിവസം കൂടെ കഴിഞ്ഞിട്ടേ വരൂന്ന് പറഞ്ഞ് വസൂന് ചെക്ക് വെച്ചിട്ട്, അവരാരെയും അറിയിക്കാതെ കൃത്യം ഒരാഴ്ചയ്ക്കിപ്പുറം ഞാൻ വീട്ടിലെത്തിയത്. കാറിന്റെയോ ഓട്ടോടെയോ ഒച്ച കേട്ടാൽ അപ്പൊ തന്നെ എവിടെന്നേലും ഓടിപ്പിടിച്ചു മുമ്പിൽ എത്തുന്ന ഗംഗയെ പേടിച്ചിട്ട്, ഞാൻ ഗേറ്റിനും അകലെ വെച്ച് ഓട്ടോയെ കാശ് കൊടുത്തു പറഞ്ഞു വിട്ട്. ഞാൻ ഗേറ്റും തുറന്നു അകത്തേക്ക് കയറി, കോലായിൽ ആരെയും കണ്ടില്ല. പക്ഷെ മുൻവാതിൽ തുറന്നിട്ടിട്ടുണ്ട്. അപ്പൊ ഹാളിൽ ആളുണ്ടാവുമെന്ന് എനിക്ക് മനസ്സിലായി. കോലായി കടന്നപ്പോൾ ടി വി യുടെ ഒച്ചയും കേട്ടു അതോടെ ഇരിക്കുന്ന ആളെ കണ്ടില്ലേലും ഒന്നു ഞെട്ടിക്കാം എന്ന് വിചാരിച്ചു, ചാടി അകത്തു കേറിയ ഞാനാണ് സോമനായത്. ഹാളിൽ സോഫയിലും ആരുമില്ല ടി വി പക്ഷെ ഓൺ ആയിരിപ്പുണ്ട്. വാതിലും തുറന്നിട്ട് ഇവരിതെവിടെ പോയി എന്നാലോചിച്ചു നിന്നപ്പോഴാണ് മുകളിലേക്കുള്ള കോണിയിൽ മരം ഇളകി തമ്മിൽ ഉരയുന്ന

ശബ്ദം കേട്ടത് മുകളിലേക്കുള്ള കോണിയിലെ പടികൾ കുറച്ചു വിടവ് വന്നു അതിൽ ചവിട്ടുമ്പോൾ ഉണ്ടാവുന്ന ശബ്ദമാണ്. ഹേമയാവും എന്ന് കരുതി ബാക്കി രണ്ടും എവിടെ എന്ന് ചോദിക്കാൻ അങ്ങോട്ടു ചെന്ന ഞാൻ കാണുന്നത്, സ്‌റ്റെപ്പിറങ്ങി വരുന്ന ഗംഗയെ ആണ്. കണ്ടപാടെ എന്റെ നെഞ്ച് ഒന്നു വെട്ടി. വസുവും ഹേമയും ഒരു പൊടി പോലും ദേഹത്ത് തട്ടരുതെന്നു കരുതി, ഒരു പണി