Chapter Title : യുഗം 16 [Achilies] [Climax]

"ഞാൻ എവിടെ ആയാലും ഉറക്കം പിടിക്കും മോളെ….മോള് ആഹ് കട്ടിലിൽ കിടന്നോ…."
ഹേമേടത്തി അതും പറഞ്ഞു വീണ്ടും തല ചായ്ച്ചു.

"അതൊന്നും വേണ്ട,
ഇവിടെ ഞാൻ അടുത്ത റൂമിന്റെ ചാവി കൂടി വാങ്ങിയിട്ടുണ്ട്...ആരും നിലത്തു കിടക്കേണ്ട……….ഹേമേടത്തി അവിടേക്ക് പോവുന്നോ അതോ ഇവിടെയാണോ…"

വസൂ ചോദിച്ചതും പിന്നെ ഒന്നും പറഞ്ഞിട്ട് കാര്യമില്ലെന്ന് ഹേമേടത്തിക്ക് മനസിലായി..

"ഞാൻ ഈ റൂമിൽ നിന്നോളാം…..ഗംഗ മോൾക്ക് എന്തേലും ആവശ്യം ഉണ്ടായാലോ…"

"എങ്കി മീനു ഞങ്ങളുടെ ഒപ്പം അപ്പുറെ പോര്…."

വസൂ മീനുവിനോടായിട്ടു പറഞ്ഞു.

"വേണ്ട ഇച്ചേയി ഇന്നൊരൂസം അമ്മയെടൊപ്പം കിടക്കാൻ തോന്നണു…."

മീനു പറഞ്ഞത് കേട്ട ഹേമേട്ടത്തിയുടെ കണ്ണിൽ ഉരുണ്ടുകൂടിയ സന്തോഷം കണ്ടുകൊണ്ട് ഞാനും വസുവും പുറത്തേക്കിറങ്ങി, മരുന്നിന്റെയും പിന്നെ ക്ഷീണവും പിടികൂടിയ ഗംഗ അപ്പോഴേക്കും ഉറങ്ങിയിരുന്നു.

അടുത്ത റൂം തുറന്നു അകത്തു കയറിയതും വസൂ ചാഞ്ഞു എന്റെ മുതുകിലേക്ക് വീണു അവളുടെ രണ്ടു കയ്യും എന്റെ നെഞ്ചിനു കുറുകെ ഇട്ടുകൊണ്ട് പെണ്ണ് തളർന്നു എന്നെ തൂങ്ങി നിൽപ്പാണ്.

"ഹോ……..ഞാൻ തളർന്നു വീഴാറായി ചെക്കാ…."

എന്റെ പുറത്തു തല വെച്ച് ക്ഷീണത്തോടെ പെണ്ണ് പറഞ്ഞു.

"ഞാനും തീർന്നിരിക്കുവാ പെണ്ണെ, ടെൻഷനും അതിന്റെടേൽ അലച്ചിലും പിന്നെ അതിന്റെ മേലേക്കൂടി പിന്നേം ടെൻഷൻ."

ഒന്ന് തിരിഞ്ഞു എന്റെ തടിച്ചിക്കുട്ടിയെ കൈക്കുള്ളിലാക്കി ഞാൻ പറഞ്ഞതും, ശെരിയ എന്ന അർത്ഥത്തിൽ ഒന്ന് ദീർഘനിശ്വാസം വിട്ടു പെണ്ണ് എന്റെ നെഞ്ചിലേക്ക് മുഖം താഴ്ത്തി കുറച്ചു നേരം കിടന്നു.

"ഉറങ്ങണ്ടേ വസൂ……."

"ഹ്മ്മ്…"

ക്ഷീണം കാരണം മൂളലാണ്.

"ന്നാ പോയി...മേല് കഴുകീട്ടു വാ…"

പെണ്ണിന് മേല് കഴുകാതെ കിടന്നാൽ ഈർച്ച കേറുന്നതറിയാവുന്ന