Chapter Title : യുഗം 16 [Achilies] [Climax]

ഇലച്ചാർത്തൊരുക്കിയ തണലും തണുപ്പും മാത്രം.
കുഞ്ഞു മീനുവിന്റെ കയ്യിൽ ഉണ്ട്.
അല്പം കഴിഞ്ഞു വന്നാൽ മതിയെന്ന് ഇന്ദിരാമ്മ പറഞ്ഞതനുസരിച്ചു ഇവിടെ തന്നെ കുറച്ചുനേരം ചിലവഴിക്കാനാണ് മൂന്നും കൂടി തീരുമാനിച്ചത്.
എന്റെ കയ്യിൽ തൂങ്ങിയാണ് വസൂ നടക്കുന്നത് മീനുവിന്റെ ഒപ്പം തുമ്പിയെയും നോക്കി ഗംഗയും.
കുറച്ചു നടന്നപ്പോൾ കരിങ്കല്ല് കൊണ്ട് കെട്ടിയുണ്ടാക്കിയ ഒരു കലുങ്ക് കണ്ടതോടെ വസൂ എന്നെയും വലിച്ചു അങ്ങോട്ട് നടന്നു, എന്നെ അവിടെ ഇരുത്തി എന്റെ തോളിലേക്കു വസൂ ചാഞ്ഞു കിടന്നു.
ഇപ്പുറം അപ്പോഴേക്കും ഗംഗയും മീനുവും ഇരുന്നിരുന്നു.

"എനിക്ക് ഇപ്പോഴും വിശ്വസിക്കാൻ കഴിയണില്ലെടാ ചെക്കാ...ഇതൊക്കെ നടന്നൂന്ന്…"

വസൂ ദൂരെ എങ്ങോട്ടോ നോക്കി പറഞ്ഞു.

"എടി ദുഷ്ടേ….ഒരു മൊമെന്റുപോലും മിസ്സ് ആവരുതെന്നും പറഞ്ഞു കണ്ണും മിഴിച്ചു നിന്ന് എല്ലാം കണ്ട തടിച്ചി...നിനക്കിപ്പോൾ ഒന്നും വിശ്വസിക്കാൻ പറ്റുന്നില്ലന്നോ…"

"ഔ…."

വസുവിന്റെ ഇടുപ്പിൽ ഒരു നുള്ളു കൂടി കൊടുത്തു ഞാൻ പറഞ്ഞപ്പോൾ പെണ്ണൊന്നു കിടുത്തു.

"യ്യോ…."

ഇപ്രാവശ്യം കരഞ്ഞത് ഞാനാ...ഇപ്പുറത്തുന്നു ഗംഗ എന്റെ തോളിൽ പല്ലിറക്കിയതാണ്.

"ന്റെ ഇച്ചേയിനെ നീ ഇനി നുള്ളുവോ…"

എന്റെ ഇറച്ചി തുണിക്ക് മോളിലൂടെ കടിച്ചിട്ടു നാവു നൊട്ടി നുണഞ്ഞുകൊണ്ട് ഗംഗ എന്നെ നോക്കി ഇളിച്ചു.

"ഓഹോ അപ്പോൾ നിങ്ങളോക്കെ ഒരു ടീം ആയല്ലേ…"

"അതേലോ….ഇച്ചേയി ചെക്കന്റെ കയ്യൊന്നു പിടിച്ചു വച്ചെ…"

ഗംഗ വിളിച്ചു പറഞ്ഞതും വസൂ എന്റെ കൈയിൽ ചുറ്റി മുറുക്കെ പിടിച്ചു.

അപ്പോഴാണ് മീനു എഴുന്നേറ്റു വരുന്നത്. കയ്യിലുള്ള തുമ്പിയെ മാറോടു ചേർത്ത് അവൾ കുനിഞ്ഞു എന്റെ നെഞ്ചിൽ ഒരു കടി കൂടി തന്നു…

"എന്റമ്മേ….ഡി വിട് മീനൂസെ…"

ഇത്രയും നേരം