Chapter Title : യുഗം 16 [Achilies] [Climax]

നാണം മൂത്തു തലയും കുമ്പിട്ടു നിന്നവളാ…

"ഇതെന്തിനാന്നറിയോ……"

കടിയും കിട്ടി വായും പൊളന്നിരുന്ന എന്നെ നോക്കി ഗംഗ ചോദിച്ചു, സത്യം പറഞ്ഞാൽ ഈ തെണ്ടിക്കൊന്നും കടിക്കാൻ പ്രേത്യേകിച്ചു കാരണം ഒന്നും വേണ്ടല്ലോ ഗംഗയുടെ കൂടെ കൂടിയെപിന്നെ എനിക്ക് അതൊക്കെ അറിയാം, ഇതിപ്പോൾ ഇവളുടെ കൂടെ കൂടി മീനൂനും വട്ടായോ എന്തോ…

"കല്യാണത്തിന്റെ അന്ന് രാവിലെ പോത്തു പോലെ കിടന്നുറങ്ങിയതിന്…"

ഇവളുമാരുടെ കത്തിയും കേട്ടിരുന്നു ഉറക്കം വൈകിയതുകൊണ്ടാണ് എണീക്കാൻ വൈകിയതെന്നത് വേറെ കാര്യം പക്ഷെ പറയാൻ നിന്നാൽ ചിലപ്പോൾ ഇനിയും കടി കിട്ടും.

"സാധാരണ കെട്ട് കഴിഞ്ഞു ഒരവസരം ഇതുപോലെ ഒക്കെ കിട്ടുമ്പോൾ ഞാൻ ഒരുമ്മ പ്രതീക്ഷിച്ചതാ...ഇതിപ്പോൾ കടി...തുടക്കം തന്നെ കടിയാണല്ലോ തേവരെ…"

"അച്ചോടാ കുട്ടന് ഉമ്മ വേണൊരുന്നോ…...അതൊക്കെ രാത്രീല് നോക്കാട്ടോ…"

ഗംഗ എന്റെ താടിയിൽ പിടിച്ചു കൊഞ്ചിച്ചു.

വീട്ടിൽ എത്തി സദ്യ കഴിച്ചു എല്ലാവരോടും കത്തി വെച്ചും പെണ്ണുങ്ങൾ ഇരുന്നു.
വിവാഹത്തിന് മൂന്നുപേരുടെയും കൺസെൻറ് ഉണ്ടായിരുന്നത് നേരത്തെ ഒപ്പിട്ടു രജിസ്റ്റർ ചെയ്തിരുന്നത് കൊണ്ട് ഇനി ഒന്നും ബാക്കി ഇല്ല.
അജയേട്ടനാണ് അതിനൊക്കെ ഇടപെട്ടു ശെരി ആക്കിയത്.

തുമ്പിക്ക് പാല് കൊടുക്കാൻ ഗംഗ പോയിരുന്നത് കൊണ്ട് മല്ലിയും നീതുവും സർവ്വോപരി ഇന്ദിരാമ്മയും കൂടെ ഹാളിലിട്ടു ഞങ്ങളെ വാരുമ്പോൾ അവൾ മാത്രം രക്ഷപെട്ടു.

നീതുവും മല്ലിയും അത്തിയും മാത്രം വൈകീട്ടോടെ തിരികെ പോയി പിറ്റേന്ന് പോകാനുള്ള തയ്യാറെടുപ്പിൽ അജയേട്ടൻ അന്ന് ഞങ്ങളുടെ കൂടെ നിന്നു.

ഇന്ന് രാത്രി ഇനി ഇവളുമാര് എന്താണ് പ്ലാൻ ചെയ്തിരിക്കുന്നത് എന്നറിയില്ല...എനിക്കാണേൽ ഒരു രണ്ടു മാസത്തെ കടം ബാക്കി കിടക്കുവാണ്.
എന്നെ പിടിച്ചു മുറിയിൽ ഇരുത്തി