Chapter Title : യുഗം 4 [കുരുടി]

പറയാൻ എനിക്ക് കഴിഞ്ഞില്ല . അന്തർമുഖനായ ഞാൻ വീണ്ടും ഉൾവലിഞ്ഞു. പക്ഷെ എന്നെ ഞെട്ടിച്ചത് അവളായിരുന്നു. അവിടുന്നു എഴുന്നേറ്റു എന്റെ ബെഞ്ചിൽ വന്നു ഇരുന്നു എന്റെ കൈയിലൂടെ കൈ ചുറ്റി തോളിലേക്കു തല ചായ്ച്ചു ഇരുന്നു. അവളുടെ ചൂടിനൊപ്പം അവൾ പൊതിഞ്ഞു വെച്ച സ്നേഹം കൂടി ആണ് അന്നവളെനിക്കു പകർന്നത്. അധികം ആരോടും സംസാരിക്കാത്ത എന്റെ ചുറ്റുപാടുമായി ഒതുങ്ങി കൂടിയിരുന്ന എന്നെ അവൾ മാറ്റി എടുത്തു., കൂട്ടുകാർ അധികം ഇല്ലാതിരുന്ന എനിക്ക് അവൾ പുതിയ കൂട്ടുകാരെ തന്നു. എനിക്ക് വേണ്ടി ജനിച്ചവളായി ഞാൻ അവളെ കണ്ടു. ക്ലാസ്സിലും എല്ലാവർക്കും അത്ഭുതമായിരുന്നു എന്റെ മാറ്റവും ഞങ്ങളുടെ പ്രണയവും. തമ്മിൽ കാണാനായി ഞങ്ങൾ അവസരങ്ങൾ ഉണ്ടാക്കി, ഒന്നാകേണ്ടവരാണെന്നു പരസ്പരം ഉറപ്പുള്ളതുകൊണ്ടു പ്രണയത്തിന് മറ്റൊരു നിറം കൈ വന്നില്ല, കല്യാണത്തിലൂടെ അവൾ പൂർണമായും എന്റേതാവും എന്ന് പ്രതീക്ഷിച്ചു ചുംബനങ്ങളിൽ കടന്നു ഒന്നും ചെയ്തു അവളെ കളങ്കപ്പെടാൻ ഞാൻ അനുവദിച്ചില്ല.

പ്ലസ് ടു കഴിഞ്ഞു നല്ല മാർക്ക് ഉണ്ടായതിനാൽ രണ്ടു പേർക്കും ഒരേ കോളേജിൽ തന്നെ അഡ്മിഷൻ കിട്ടിയിരുന്നു. കോളേജ് ലൈഫ് ഒരു വല്ലാത്ത അനുഭവം ആയിരുന്നു. കോളേജിലെ തണൽ മരങ്ങളും വരാന്തകളും ഞങ്ങളുടെ സല്ലാപങ്ങൾക്കും കാവലായി. ആഹ് ദിവസം പക്ഷെ എല്ലാം തകിടം മറിഞ്ഞു എന്റെ ജീവിതത്തിന്റെ എട്ടു കൊല്ലത്തോടൊപ്പം ജീവിതവും കൂടി ആണ് പറിച്ചെറിഞ്ഞത്. കൊലക്കുറ്റത്തിന് ജയിലിലേക്കു കയറുമ്പോൾ പോലും എന്റെ മനസ്സ് ഇടറിയിട്ടില്ല സ്നേഹിക്കുന്ന ജീവനായി കണ്ട പെണ്ണിന് നേരെ ഒരുത്തന്റെ നോട്ടം പോലും സഹിച്ചു കൊടുക്കാൻ എനിക്ക് പറ്റുമായിരുന്നില്ല, അപ്പോൾ അവളെ കയറിപിടിക്കാൻ നോക്കിയാലോ ഞാൻ എന്ത്