അപ്രതീക്ഷിതമായി അമ്മയുടെ ആഗ്രഹം കേട്ട ദീപു ഞെട്ടി..
“ അതെങ്ങിനെയാ അമ്മേ… ഞാനിവിടെ ജോലിക്ക് കേറിയിട്ട് കുറച്ചല്ലേ ആയിട്ടുള്ളൂ… ഇപ്പത്തന്നെ… കുറച്ച് കഴിയട്ടെ… “..
“ പോര… ഇപ്പത്തന്നെ വേണം…”..
ലക്ഷ്മി വാശിയോടെ പറഞ്ഞു..
“അമ്മേ… അമ്മ ചോദിച്ചത് ഒരു സാരിയല്ലല്ലോ….?.
വീടല്ലേ… എനിക്കിവിടെ അതിനും മാത്രം ശമ്പളമൊന്നുമില്ല… “..
“ഇപ്പോ ശമ്പളമില്ലന്നല്ലേ ഉള്ളൂ… ഇനി കൂടുതൽ കിട്ടിയാലോ… ?”..
ആ ചോദ്യം ദീപൂന് ശരിക്ക് മനസിലായില്ല..
“ കൂടുതൽ കിട്ടിയാലും എത്ര കിട്ടാനാ… ഒരു പത്തോ ആയിരമോ കിട്ടിയാ നമുക്കൊരു വീടുണ്ടാക്കാൻ
കഴിയോ… ?”..
“പത്തോ, ആയിരമോ അല്ല… നീ ചോദിക്കുന്നത് സൂസൻ തരും… നീ ചോദിച്ചാ ഈ ബംഗ്ലാവ് പോലുള്ളൊരു വീടുണ്ടാക്കാനുള്ളത് അവൾ തരും.. “..
“അമ്മക്കെന്താ അമ്മേ വട്ടായോ… ?..
ഞാനൊരു ഡ്രൈവറാ… എനിക്ക് കിട്ടുന്ന ശമ്പളത്തിന് ഒരു കണക്കുണ്ട്…”..
“ ഒരു കണക്കുമില്ല… നിനക്ക് സൂസൻ കണക്ക് നോക്കാതെ വാരിക്കോരിത്തരും… അതിനുള്ള പണിയൊക്കെ ഈ അമ്മ ചെയ്ത് വെച്ചിട്ടുണ്ട്… “..
ഈ ബംഗ്ലാവും ഇതിനുള്ളിലെ ആഡംബരങ്ങളും ഒക്കെ കണ്ട് അമ്മക്ക് മതിഭ്രമം വന്നതാണെന്ന് ദീപൂന് മനസിലായി.. അവൻ അമ്മയുടെ കയ്യെടുത്ത് പിടിച്ച് അതിൽ തലോടി..
“അമ്മ വിഷമിക്കണ്ട… ഒരു രണ്ട് മൂന്ന് കൊല്ലത്തിനകം നല്ലൊരു വീട് ഞാനുണ്ടാക്കിത്തരും അമ്മക്ക്… ഈ ഡ്രൈവർ പണിയിൽ നിന്ന് മാറി കുറച്ചൂടി ശമ്പളം കിട്ടുന്ന ഒരു പണി നമുക്ക് ആന്റിയോട് ചോദിച്ച് നോക്കാം…”..
