അവിടെ നിന്ന് പാർവതിയെ കുറേ നേരം ഇട്ട് ചാടിച്ച് ലക്ഷ്മി അടുക്കള വാതിലിലൂടെ പുറത്തേക്കിറങ്ങി.. പാർവതിക്ക് എല്ലാം തമാശയായാണ് തോന്നിയത്..ആ കൂതറ സ്ത്രീയുടെ കൊച്ചമ്മ ചമയൽ അവർക്കൊട്ടും ചേരുന്നില്ലെന്ന് പാർവതിക്ക് തോന്നി..
വീടിന്റെ ഒരു വശത്തെ പൂന്തോട്ടത്തിൽ കള പറിക്കുന്ന മധുവിനെ കണ്ട് അവളങ്ങോട്ട് ചെന്നു..
“ദീപൂന്റെ അമ്മ വെറുതെ വന്നതാണോ… ?”..
മധു ചിരിയോടെ ലോഹ്യം ചോദിച്ചു..
“അതെന്താ… എന്തേലും കാര്യമുണ്ടേലേ എനിക്കിങ്ങോട്ട് വരാൻ പറ്റൂ… ?”..
ലക്ഷ്മി അയാൾക്ക് നേരെ ചാടി..
ഇതെന്ത് സ്ത്രീയാണെന്ന് മധു ചിന്തിച്ചു..ആ ദീപു എന്ത് നല്ല പയ്യനാണ്..
“ ഞാൻ സൂസന്റെ കൂട്ടുകാരിയാ… കുറച്ച് ദിവസം ഞാനിവിടെ ഉണ്ടാവും…
ഈ ചെടികൾക്കൊന്നും താൻ വെള്ളമൊഴിക്കാറില്ലേ… ഒക്കെ വാടിയിട്ടുണ്ടല്ലോ…?”..
മധുവിന് ചൊറിഞ്ഞ് കയറി.. സൂസൻ പോലും മധുവേട്ടാ എന്ന് വിളിക്കുന്ന തന്നെ ഇവൾക്കൊരു ബഹുമാനവുമില്ല..
“വെള്ളമൊക്കെ കൃത്യ സമയത്ത് ഞാനൊഴിച്ചോളാം…”..
അനിഷ്ടത്തോടെ മധു പറഞ്ഞു..
“ പറഞ്ഞാ പോര… ചെയ്യണം…തന്റെ വീടെവിടെയാ… ?”..
“ ഇവിടെ അടുത്താ… “..
“ഉം…”..
അമർത്തി മൂളിക്കൊണ്ട് ലക്ഷ്മി മുന്നോട്ട് നടന്നു..
എല്ലാം കേട്ട് കുറച്ചപ്പുറെ മാറി നിന്ന പാർവതി,മധുവിന്റെ അടുത്തേക്ക് വന്നു..
“ആരാ അഛാ ആ സ്ത്രീ… ?”..
