🏝️ സ്വർഗ്ഗ ദ്വീപ് 10🏝️ [അതുല്യൻ] 528

“എന്നോട് നന്ദി ഒന്നും പറയണ്ട ലക്ഷ്മി. എനിക്ക് നിങ്ങളുടെ സഹായം ആവശ്യം ഉണ്ട്. നിങ്ങൾ കൂടെ ഇല്ലങ്കിൽ കുറച്ച് കഴിയുമ്പോൾ പ്രിയക്ക് ചെയ്യാൻ പറ്റുന്നതിൽ കൂടുതൽ ജോലി വന്ന് അവൾ വിഷമിക്കാൻ തുടങ്ങും പിന്നെ നിങ്ങൾ എന്റെ എതിരാളികളുടെ കൂടെ ജോലി ചെയ്യുന്നതിലും നല്ലത് എന്റെ കൂടെ തന്നെ ജോലി ചെയ്യുന്നത് ആണ്.” ആദിത്യൻ ഒരു ഭാവവ്യത്യാസവും ഇല്ലാതെ പറഞ്ഞു.

പ്രിയ പുഞ്ചിരിച്ച് കൊണ്ട് ആദിത്യനെ നോക്കി തല ആട്ടി.

ആദിത്യൻ പുഞ്ചിരിച്ച് അടുത്ത കാര്യങ്ങളിലേക്ക് കടന്ന് കൊണ്ട് ചോദിച്ചു. “അപ്പോൾ ബാക്കി ആരെ എല്ലാം ആണ് നിയമിക്കേണ്ടത്?.”

“നമ്മൾ LA യിലേക്ക് പോകുന്ന വഴിക്ക് രണ്ട് ദിവസത്തേക്ക് San Antonio യിൽ തങ്ങും. അപ്പോൾ ഞാൻ കുറച്ച് പേരെ ഇന്റർവ്യൂ ചെയ്യാൻ വേണ്ട കാര്യങ്ങൾ ശെരിയാക്കിയിട്ടുണ്ട്.” പ്രിയ പറഞ്ഞ് തുടങ്ങി. “എനിക്കും ലക്ഷ്മിക്കും ആവശ്യം ഉള്ള സപ്പോർട്ട് ടീമിന് വേണ്ടി ഉള്ള ഇന്റർവ്യൂ ആയിരിക്കും അത്.”

ആദിത്യൻ ഗൗരവത്തോടെ ചോദിച്ചു. “ശെരി നിങ്ങൾ അപ്പോൾ ഏതെല്ലാം സ്ഥാനത്തേക്ക് ഉള്ള ആളുകളെ ആണ് നിയമിക്കാൻ പോകുന്നത്?.”

“രണ്ട് കറസ്പോണ്ടൻസ് സെക്രട്ടറി മാരും ഒരു ഫിനാൻഷ്യൽ അസിസ്റ്റന്റും ഒരു പ്രെസ്സ് അസിസ്റ്റന്റും ഒരു ഇൻഫർമേഷൻ അസിസ്റ്റന്റും ഒരു പബ്ലിസിസ്റ്റും ഒരു മീഡിയ സ്പോക് പേഴ്സണും വേണം.” പ്രിയ തനിക്ക് വേണ്ട ടീം അംഗങ്ങളെ ഓരോരുത്തരെ ആയി എണ്ണി പറഞ്ഞു. “തൽക്കാലത്തേക്ക് ഇപ്പോൾ ഇത്രയും പേർ മതി.”

“പിന്നെ നമുക്ക് ഒരു സ്വകാര്യ ഷോപ്പറും ഒരു സ്റ്റൈലിസ്റ്റും പിന്നെ ചിലപ്പോൾ ഒരു ഏജന്റും വേണ്ടി വരും.” ലക്ഷ്മി കൂട്ടി ചേർത്തു.

“ഇത് പത്ത് പേരോളം ആയല്ലോ?.” ആദിത്യൻ കണ്ണ് മിഴിച്ച് കൊണ്ട് ചോദിച്ചു.

“അവരെല്ലാം എപ്പോഴും നിന്റെ കൂടെ തന്നെ ഉണ്ടാവില്ല ആദിത്യ.” പ്രിയ അവന്റെ പ്രേതിഷേധം കണ്ടപ്പോൾ പറഞ്ഞു. “കറസ്പോണ്ടൻസ് സെക്രട്ടറിമാരും ഫിനാൻഷ്യൽ അസിസ്റ്റന്റും പ്രധാന ഓഫീസിൽ നിന്നായിരിക്കും ജോലി ചെയ്യുന്നത് പക്ഷെ ഇപ്പോൾ പ്രെസ്സ് അസിസ്റ്റന്റും പബ്ലിസിസ്റ്റും മീഡിയ സ്പോക് പേഴ്സണും നമ്മളുടെ കൂടെ ഉണ്ടാവുന്നത് നല്ലത് ആയിരിക്കും. നമ്മളുടെ കൂടെ ഒരു സ്വകാര്യ ഷോപ്പറും ഒരു സ്റ്റൈലിസ്റ്റും ഉണ്ടെങ്കിൽ ചൈത്ര നമ്മളുടെ കൂടെ വരണം എന്ന് വാശി പിടിക്കില്ല.”

“ചൈത്രയെ ഒഴിവാക്കാൻ പറ്റിയാൽ തന്നെ അത് ഒരു വലിയ വിജയം ആണ്.” ആദിത്യൻ പെട്ടെന്ന് പറഞ്ഞു. “അപ്പോൾ ഇനി മുതൽ എന്റെ കൂടെ യാത്ര ചെയ്യാൻ കുറെ ആളുകളും ഉണ്ടാവും അല്ലെ?.”

“നീ അതിനെ അതിജീവിച്ച് കൊള്ളും.” പ്രിയ പുഞ്ചിരിച്ച് കൊണ്ട് പറഞ്ഞു.

“നീ ഇത് തന്നെ ആണല്ലോ എന്നോട് എപ്പോഴും പറയുന്നത്?.” ആദിത്യൻ പ്രിയയെ നോക്കി കണ്ണുരുട്ടി കാണിച്ച് കൊണ്ട് ചോദിച്ചു.

“ഇതൊക്കെ ഒരു രസം അല്ലെ ആദിത്യ.” പ്രിയ ചിരിച്ച് അവന്റെ തോളിൽ തട്ടി കൊണ്ട് പറഞ്ഞു.

“എനിക്ക് നിന്നോട് അരവിന്ദിന്റെ ജോലി കാര്യത്തെ കുറിച്ച് സംസാരിക്കാൻ ഉണ്ടായിരുന്നു.” ആദിത്യൻ പറഞ്ഞു. “നമുക്ക് അവന് നമ്മളുടെ കൂടെ എന്തെങ്കിലും ജോലി കൊടുക്കാൻ പറ്റുമോ?.”

ഇത് കേട്ട് ലക്ഷ്മി ഒന്ന് മുരണ്ട്‍ കൊണ്ട് കസേരയിലേക്ക് ചാരി ഇരുന്നു. പ്രിയ കസേരയിൽ നിന്ന് ആദിത്യന്റെ നേരെ മുൻപോട്ട് ആഞ്ഞ് ഇരുന്ന് കൊണ്ട് പറഞ്ഞു. “ആദിത്യ അതൊരു നല്ല തീരുമാനം അല്ല.”

“എന്ത്?. എന്ത് കൊണ്ട്?.” ആദിത്യൻ പെട്ടെന്ന് ചോദിച്ചു.

“അവൻ നിന്റെ നല്ലൊരു കൂട്ടുകാരൻ ആയത് കൊണ്ട്.” പ്രിയ കാര്യങ്ങൾ അവന് മനസ്സിലാകുന്ന രീതിയിൽ പറഞ്ഞ് തുടങ്ങി. “എല്ലാവർക്കും അവൻ നിന്റെ കൂട്ടുകാരൻ ആണെന്ന് അറിയാം. നിന്റെ കൂട്ടുകാരൻ ആയത് കൊണ്ട് ആണ് ഈ ജോലി ലഭിച്ചത് എന്ന് മനസ്സിലാകും അത് കൊണ്ട് തന്നെ അവനെ ആരും വിലവയ്ക്കില്ല.”