?️ സ്വർഗ്ഗ ദ്വീപ് 10?️ [അതുല്യൻ] 527

പ്രിയ ഒരു ദീർഘ നിശ്വാസം വിട്ട് കൊണ്ട് പറഞ്ഞു. “ഇതെല്ലം തീർക്കാൻ എനിക്ക് ഒന്നോ രണ്ടോ മണിക്കുറുകൾ ചിലവാക്കിയാൽ മതിയാകും.”

“ഇതെല്ലം കഴിഞ്ഞ് നീ കുറച്ച് സമയം പൂളിലോ മറ്റോ പോയി വിശ്രമിക്കണം.” ആദിത്യൻ അവന്റെ അഭിപ്രായം പറഞ്ഞു.

പ്രിയ അവനെ നോക്കി ഒരു കണ്ണടച്ച് കാണിച്ച് കൊണ്ട് പറഞ്ഞു. “ഈ പണി കഴിഞ്ഞ് എനിക്ക് നിന്റെ ബാത്ത്ടബ്ബ്‌ ശെരിയാക്കാൻ ഉണ്ട്.”

വ്യായാമം കഴിഞ്ഞ ഉടനെ താൻ സ്വപ്നയുടെ കൂടെ ഒരു ഹെലിക്കോപ്റ്ററിൽ പോകും അത് കൊണ്ട് താൻ വരാൻ കുറച്ച് വൈകും എന്ന് പ്രിയയോട് എങ്ങനെ പറയും എന്ന് ആലോജിച്ച് കൊണ്ട് ആദിത്യൻ ഒന്ന് മുരണ്ടു.

“എന്ത് പറ്റി ആദിത്യ?.” അവന്റെ മുഖ ഭാവം കണ്ട് പ്രിയ ചോദിച്ചു.

“ഏയ് ഒന്നും ഇല്ല വ്യായാമം കഴിഞ്ഞ് പുതിയ ഒരു ട്രെയിനിങ് പ്രോഗ്രാമിനെ കുറിച്ച് സംസാരിക്കണം എന്ന് ജൂഡ് എന്നോട് പറഞ്ഞിരുന്നു. അത് കൊണ്ട് ഞാൻ തിരിച്ച് വരാൻ അര മണിക്കൂർ വൈകും.” ആദിത്യൻ വരാൻ വൈകുന്നതിന് ഒരു കാരണം ഉണ്ടാക്കി കൊണ്ട് പറഞ്ഞു.

“ജൂഡ് അതിനെ കുറിച്ച് എന്നോട് ഒന്നും പറഞ്ഞില്ലല്ലോ?.” പ്രിയ മുരണ്ട്‍ കൊണ്ട് ചോദിച്ചു.

“അത് അത്രക്ക് കാര്യമാക്കാൻ ഒന്നും ഇല്ല.” ആദിത്യൻ പ്രിയയുടെ കൈയ്യിൽ അമർത്തി പിടിച്ച് കൊണ്ട് പറഞ്ഞു. “എന്നെ വിശ്വസിക്ക് ഞാൻ അതികം വൈകില്ല. ആ ബാത്ത്ടബ്ബിൽ ഉള്ള കുളിക്ക് വേണ്ടി ഞാൻ പെട്ടെന്ന് തന്നെ തിരിച്ച് വരും.”

“ഞാൻ നിനക്ക് വേണ്ടി കാത്തിരിക്കും.” പ്രിയ ഒരു ശ്രിങ്കാര ചിരിയോടെ പറഞ്ഞു.

പ്രിയയോട് കള്ളം പറഞ്ഞതിൽ ആദിത്യന് വിഷമം തോന്നി. ഇവിടെ ഉള്ള രഹസ്യ ക്യാമറകൾ കാണാതെയും മൈക്കുകൾ കേൾക്കാതെയും തന്റെ ശെരിക്കും ഉള്ള ഉദ്ദേശം പ്രിയയോട് എങ്ങനെ പറയണം എന്ന് ആദിത്യന് അറിയില്ലായിരുന്നു. ഇന്ന് രാത്രി കട്ടിലിൽ കിടക്കുമ്പോൾ പ്രിയയോട് ഈ കാര്യം എങ്ങനെ എങ്കിലും പറയാം എന്ന് ആദിത്യൻ ആലോചിച്ചു. തന്റെ ഫോൺ പുതപ്പിന്റെ ഉള്ളിൽ എടുത്ത് വച്ച് ഒരു മെസ്സേജ് ടൈപ്പ് ചെയ്ത് പ്രിയയോട് എല്ലാ കാര്യങ്ങളും വിശദമായി പറയാം എന്ന് ആദിത്യൻ മനസ്സിൽ തീരുമാനിച്ചു.

“നന്ദി പ്രിയ.” അവൾ അകത്തേക്ക് നടക്കാൻ തുടങ്ങിയപ്പോൾ ആദിത്യൻ വിളിച്ച് പറഞ്ഞു.

ആദിത്യൻ ഒരു ദീർഘ നിശ്വാസം വിട്ട് കൊണ്ട് അരവിന്ദിനെ മുകളിലേക്ക് വിളിച്ചു. അവർ കുറച്ച് നേരം ദ്വീപിന്റെ മനോഹാരിതയെ കുറിച്ച് സംസാരിച്ചു. നയൻ ഈ മൂന്ന് വർഷങ്ങൾ കൊണ്ട് വളരെ അധികം സുന്ദരി ആയിട്ടുണ്ട് എന്ന് അരവിന്ദ് പറഞ്ഞു. ആദിത്യന്റെ പെങ്ങമ്മാർ വളരെ നല്ല പെൺകുട്ടികൾ ആണെന് എന്നും അവർ വളരെ നല്ല രീതിയിൽ ആണ് അരവിന്ദിനോട് പെരുമാറുന്നത് എന്നും അവൻ പറഞ്ഞു.

ഇതെല്ലം കേട്ട് കഴിഞ്ഞതിന് ശേഷം ആദിത്യൻ അവന്റെ മനസ്സിൽ ഉള്ള ജോലിയുടെ കാര്യം അരവിന്ദിനോട് പറഞ്ഞു. കമ്പനിയിൽ ഒരു മാനേജ്മെന്റ് സ്ഥാനം അരവിന്ദിന് ഒട്ടും താല്പര്യം ഇല്ലായിരുന്നു. ആളുകളോട് ഇടിച്ച് കയറി സംസാരിക്കാൻ ഉള്ള അവന്റെ മടികൊണ്ട് ആണ് അവൻ അങ്ങനെ പറയുന്നത് എന്ന് ആദിത്യന് മനസ്സിലായി. അവന് ആദിത്യൻ അപ്പോൾ ഒരു അസിസ്റ്റന്റിന്റെ ജോലി വാഗ്ദാനം ചെയ്തു. ആദിരയുടെ അസിസ്റ്റന്റായി കയറിയാൽ അവന് ബിസിനസ്സിനെ കുറിച്ച് കൂടുതൽ പഠിക്കാമെന്നും ലോകം ചുറ്റി കാണാമെന്നും ആദിത്യൻ പറഞ്ഞു.

അരവിന്ദിന് ആദിരയുടെ കൂടെ അസിസ്റ്റന്റായി ജോലി ചെയ്യുന്ന കാര്യം വളരെ അധികം ഇഷ്ട്ടമായി. അവൻ ഒന്ന് കൂടി ആലോജിച്ചതിന് ശേഷം ഒരു മറുപടി പറയാം എന്ന് ആദിത്യനോട് പറഞ്ഞു. നാളെ തന്നെ ഒരു മറുപടി കിട്ടണം എന്ന് ആദിത്യൻ അവനോട് പറഞ്ഞു. ജേക്കബിനോട് സംസാരിച്ച് അരവിന്ദിന് പറ്റുന്ന ഒരു ജോലി കണ്ട് പിടിക്കാം എന്ന് ആദിത്യൻ അവന് വാക്ക് കൊടുത്തു.