ഞാൻ ഒന്നും പറഞ്ഞില്ല. സാർ പിന്നെയും ചോദിച്ചു
‘ഞാൻ.. ഞാൻ ആ കള്ളനെ കണ്ടിരുന്നു.. ഒരു റൂമിൽ നിന്നും ഇറങ്ങി വരുന്നത്. കയ്യിൽ ഒരു സഞ്ചി പോലെ ഒന്ന് ഉണ്ടായിരുന്നു.. മുഖം മറച്ചിരുന്നു.. ഞാൻ അവനെ അവിടെ വച്ച് പിടിയ്ക്കാൻ കുറേ ശ്രമിച്ചു. പക്ഷെ എന്നെ തല്ലി താഴെ ഇട്ടു അവൻ ഓടി രക്ഷപ്പെട്ടു..’
ഞാൻ നടന്നത് ഒക്കെ സാറിനോട് പറഞ്ഞു
‘പക്ഷെ ഈ കഥയിൽ ഒരു പ്രശ്നം ഉണ്ടല്ലോ ബലറാമേ.. താനീ പറയുന്ന കള്ളനെ വേറെ ആരും കണ്ടിട്ടുമില്ല. സംഭവം നടന്ന് കഴിഞ്ഞു താൻ അവിടെ നിന്നും രക്ഷപെടുകയും ചെയ്തു. അങ്ങനെ വരുമ്പോൾ കള്ളൻ താൻ തന്നെ ആയിക്കൂടാ എന്ന് ഇല്ലല്ലോ..’
ജോർജ് സാർ എന്നെ നോക്കി ചിരിച്ചു കൊണ്ട് പറഞ്ഞു
‘സാർ.. സത്യമായും ഞാൻ അല്ല.. ഞാൻ ആണ് കള്ളൻ എങ്കിൽ ഞാൻ തന്നെ ശബ്ദം വച്ച് എല്ലാരേയും അറിയിക്കേണ്ട കാര്യം ഇല്ലല്ലോ..’
ഞാൻ പറഞ്ഞു
‘പക്ഷെ ഹോട്ടലിൽ നിന്നും മുങ്ങിയത്.?
ജോർജ് സാർ ആ സംശയം ഉന്നയിച്ചു
‘കള്ളൻ രക്ഷപ്പെട്ടു എന്ന് മനസിലായി. പിന്നെ എനിക്ക് തീരെ വയ്യായിരുന്നു.. സാർ തന്നെ നോക്ക്.. നല്ല ഇടിയാണ് കിട്ടിയത്. അത് കൊണ്ടാണ് ഞാൻ നേരെ റൂമിലേക്ക് പോന്നത്.. എനിക്ക് നേരെ നിൽക്കാൻ പോലും വയ്യായിരുന്നു..’
ഞാൻ മുഖത്തെ മുഴച്ചു നിൽക്കുന്നത് സാറിനെ കാണിച്ചു
‘സാർ സംശയം ഉണ്ടേൽ cctv നോക്കിക്കോ. ഞങ്ങൾ കള്ളന്മാർ അല്ല സാർ..’
സുനി വീണ്ടും വായ തുറന്നു
‘അവിടെ cctv രണ്ട് ദിവസമായി കംപ്ലയിന്റ് ആണ് മോനെ..’
ജോർജ് സാർ എന്തോ അർഥം വച്ച ചിരി ചിരിച്ചു
ഇതിനിടയിൽ വന്നു El dorado വരില്ലേ എന്ന് ആരെങ്കിലും ചോദിക്കുമെന്നറിയാം. El dorado വരാത്തതിന്റെ കാരണം ഇവിടം ആകെ മടുപ്പ് ആയത് കൊണ്ടാണ്. comment section ഒക്കെ മൊത്തത്തിൽ ശോകം. moderation ആണ് മെയിൻ ഇഷ്യൂ. ഈ സ്റ്റോറി മുമ്പ് പകുതി എഴുതി വച്ചത് കൊണ്ടാണ് കംപ്ലീറ്റ് ആക്കി ഇപ്പൊ ഇട്ടത്.
എൽ ഡൊറാഡോ എഴുതില്ല എന്നല്ല പറഞ്ഞത്. എഴുതാൻ ഒരു motivation ഇല്ലായിരുന്നു. അതും ബാക്കി എഴുതി ഇടാൻ ശ്രമിക്കാം. രണ്ട് കഥയ്ക്കും നിങ്ങളുടെ സപ്പോർട്ട് ഉണ്ടായാൽ മതി – സാത്യകി
ഒരു cinematic background ൽ ഫാന്റസി ഒക്കെ ഉള്ള സ്റ്റോറി ആണ് Toxic. കുറേ നാളായി മനസ്സിൽ ഉണ്ടായിരുന്ന സ്റ്റോറി ആണ്. മറ്റേ കഥകൾ പോലെ അല്ല കുറച്ചു വ്യത്യാസ്തമാണ്. അത് കൊണ്ട് എല്ലാവർക്കും അത് പോലെ ഇഷ്ടം ആകുമോ എന്നറിയില്ല. നല്ലതാണേൽ സപ്പോർട്ട് തരിക 🥲❤️