വശീകരണ മന്ത്രം 15 [ചാണക്യൻ] 501

വായിലെ മുറുക്കാൻ വെള്ളം മുറ്റത്തേക്ക് നീട്ടി തുപ്പിക്കൊണ്ട് കുലശേഖരൻ കോലായിയുടെ പടികൾ കയറി വന്നു.

കുലശേഖരനെ കണ്ടതും രുദ്രൻ തിരുമേനി ചാരു കസേരയിൽ നിന്നും എഴുന്നേറ്റിരുന്നു.

ചാത്തന്മാർ വഴി അറിഞ്ഞുവല്ലേ നമ്മുടെ ആഗമനം

ഉവ്വ്

വടിയിൽ ബലമായി കുത്തിക്കൊണ്ട് രുദ്രൻ തിരുമേനി മൊഴിഞ്ഞു.

തന്റെ പ്രിയ സ്നേഹിതനെ വർഷങ്ങൾക്ക് ശേഷം കാണാനായതിന്റെ അതീവ സന്തോഷം ആ മുഖത്തു പ്രകടമായിരുന്നു.

കുലശേഖരൻ സന്തോഷത്തോടെ രുദ്രൻ തിരുമേനിയെ പുണർന്നു.

തിരികെ തിരുമേനിയും.

അവർ ഒരുമിച്ച് അകത്തളത്തിലേക്ക് നടന്നെത്തി.

ജയശങ്കറിന്റെ ഭാര്യ ഒരു ട്രേയിൽ ചായയും പലഹാരങ്ങളുമായി അവിടേക്ക് കടന്നെത്തി.

പിന്നാലെ ലീല അന്തർജ്ജനവും.

അവരെ കണ്ടതും കുലശേഖരൻ തൊഴുതുകൊണ്ട് വന്ദിച്ചു.

അന്തർജ്ജനം തിരികെയും.

ഇരുവരും ചുടല ഭദ്രകാലിയുടെ ആരാധകരാണ്.

ആ ഒരു സ്നേഹവും ബഹുമാനവും ഇരുവർക്കുമുണ്ട്.

എല്ലാവരുമായുള്ള സംസാരത്തിനിടെ കുലശേഖരൻ ചായ കുടിക്കുവാൻ തുടങ്ങി.

അപ്പോഴാണ് ദക്ഷിണയുടെ ലിങ്കൻ സെഫിയർ അങ്ങോട്ടേക്ക് പാഞ്ഞു വന്നത്.

കാറിൽ നിന്നുമിറങ്ങിയ ദക്ഷിണ താക്കോൽ വിരലിലിട്ട് കറക്കിക്കൊണ്ടാണ് അവിടേക്ക് എത്തിയത്.

ചുണ്ടിൽ മൂളി പാട്ടോടെ അകത്തളത്തേക്ക് എത്തിയ ദക്ഷിണ ആഗതരെ കണ്ടു പൊടുന്നനെ സ്റ്റക്ക് ആയി.

ആഹ് വന്നല്ലോ ഞങ്ങടെ കുറുമ്പി……. കുലശേഖരാ ഇതാണ് ഞങ്ങടെ ദച്ചു കുട്ടി…….എന്റെ സഹോദരൻ രഘുവരന്റെ പൗത്രിയാ

ദക്ഷിണയെ പാളി നോക്കിക്കൊണ്ട് രുദ്രൻ തിരുമേനി പറഞ്ഞു.

അപ്പോഴാണ് കുലശേഖരൻ ദക്ഷിണയെ ശ്രദ്ധിക്കുന്നത്.

പൂച്ചകണ്ണുകളുള്ള ചുണ്ടിൽ വശ്യതയും ആകാരഭംഗിയുമുള്ള ദക്ഷിണയെ കണ്ടപ്പോൾ തന്നെ കുലശേഖരന്റെ ഉള്ളിലെ മൃഗം ഉണർന്നു.

ഒരു തവണ എങ്കിൽ ഒരു തവണ ഈ സൗന്ദര്യം ധാമത്തെ പ്രാപിക്കണമെന്ന് മനസാൽ ആഗ്രഹിച്ചു.

പൊടുന്നനെ അവിടെ വ്യാപിച്ച സൗരഭ്യം നാസികയിലൂടെ തുളഞ്ഞു കയറിയതും കുലശേഖരൻ ചിന്തകളിൽ നിന്നും ഞെട്ടിയുണർന്നു.

ഏഹ്……. ഇത് കാമ പൂവിന്റെ ഗന്ധം അല്ലെ

കുലശേഖരൻ ഞെട്ടലോടെ ചുറ്റും നോക്കി.

അപ്പോഴാണ് ഒരു സത്യം കുലശേഖരൻ തിരിച്ചറിഞ്ഞത്.

കാമ പ്പൂവിന്റെ ഗന്ധം ദക്ഷിണയിൽ നിന്നുമാണ് വമിക്കുന്നത്.

ആ അസുലഭമായ സുഗന്ധം കുലശേഖരനെ അത്രയധികം മദോന്മത്തനാക്കി.

വശീകരണ പ്രയോഗങ്ങളെക്കാൾ തീവ്രതയേറിയ ഈ കാമ പ്പൂവിന്റെ പിന്നിലുള്ള നിഗൂഢ രഹസ്യം അറിയാൻ അയാളുടെ മനം തുടിച്ചു.