യോദ്ധാവ് 2 [Romantic idiot] 432

ബാക്കിൽ നിന്നും അവരുടെ  അടക്കിപ്പിടിച്ചുള്ള  ചിരി കേൾകാം.

പുല്ല് വേണ്ടായിരുന്നു, വെറുതെ വടി കൊടുത്ത് അടി വാങ്ങിയ പോലെ ആയി.

“ആസ് സെയിം ആസ് എവെരിവൺ,   നോട് കംപ്ലീറ്റഡ് ”

“അത് മേം”

“നോ എസ്ക്യൂസ്സ് , നിങ്ങൾ ഒക്കെ എന്തിനാടോ ഇവിടേക്ക് വരുന്നത് ? ”

“രാവിലെ വരുക കളിച്ചു ചിരിച്ചു ഇരിക്കുക എന്നിട്ട് വൈകീട്ട് പോവുക ഇതിനന്നോ ? ”

“ദൈവമേ ഇത്രയും ഇഡിയറ്റ്സിന്റെ  കൂടെ ആണലോ  ഇനി വർക്ക്‌ ചെയ്യണ്ടത്. ”

” മര്യാദയ്ക്ക് ജോലിചെയ്യുന്ന ഒറ്റ ഒരുത്തനും ഇല്ല ഓഫീസിൽ.”

“സാലറി കിട്ടാൻ വേണ്ടി എന്തൊക്കെയോ  കാണിച്ചുകൂട്ടുന്ന കുറെ ജന്മങ്ങൾ.”

മെഷീൻ ഗണിൽ നിന്നും ഉണ്ട വരുന്നത് പോലെ അഞ്ജലി ഞങ്ങളെ ചീത്ത വിളിച്ച് കൊണ്ടിരിക്കുന്നു….

” ഗെറ്റ് ഔട്ട്‌…… ”

അത് കേട്ടപ്പോൾ വേഗം പുറത്തിറങ്ങിയ

ഞങ്ങൾ പരസ്പരം മുഖം നോക്കി.

എന്താ ഇപ്പോൾ ഉണ്ടായേ…….

മൊത്തം ഒരു പോക മയം

വൈശാഖ് : കുറച്ചു പെന്റിങ് ഉള്ളതിന് ഇത്രയും ഒക്കെ  പറയണോ

അഖി : എനിക്ക് ഈ ജോലി ആവശ്യമായി പോയി അല്ലെങ്കിൽ അവളെ  ഞാൻ കാലുവാരി ഭിത്തിയിൽ അടിച്ചേനെ  ????.

സോന : എന്തൊരു അഹങ്കാരം ആണ്  ?

ശ്രേയ  : പൂത്തന ??, അവളുടെ ഒടുക്കത്തെ ഇംഗ്ലീഷും  ജാടയും ഒക്കെ കണ്ട്  കലി വരുന്നു.

“നിങ്ങൾ എന്തിനാണ് അഞ്ജലിയെ കുറ്റം പറയുന്നത്. അവർ അവരുടെ ജോലി അല്ലെ ചെയ്തത്. ”

ശ്രേയ : നിനക്ക് നാണം ഉണ്ടോടാ ?  അവൾ അവിടെ വച്ച് നാണം കെടുത്തിയിട്ട് ഇപ്പോൾ അവളെ സപ്പോർട്ട് ചെയ്യുന്നു.

“എന്നെ  അവൾ എന്ത് നാണം കെടുത്തി എന്നാണ് പറയുന്നത്. ”

“ഞാൻ അവരെ  വിഷ് ചെയ്തു അത് എന്റെ  മര്യാദ. ”

“അവർ  തിരിച്ച് എന്റെ അടുത്ത് അത്  കാണിക്കാത്തത്തിന്  ഞാൻ എന്തിന് നാണിക്കണം.”

ശ്രേയ : നീ എന്തിനാ പിന്നെ അവരെ സപ്പോർട്ട് ചെയുന്നത്  ?