ആരുമില്ലാത്ത സ്ഥിതിക്ക് ഉച്ചവരെ കിടന്നുറങ്ങി എന്നിട്ട് ഫുഡും കഴിച്ചു കുറച്ചു ദൂരെയുള്ള ഒരു ബാറിലേക്ക് വെച്ച് പിടിച്ചു.. ആരുമില്ലാത്തവർക്ക് ബാറുകൾ തുണ.. എന്ന് വിചാരിച്ച് ഞാൻ ഒരു മുഴു കുടിയൻ ഒന്നും അല്ല സമയം കളയണ്ടേ..
ആരുമില്ലാത്ത സ്ഥിതിക്ക് അവിടെ നിന്ന് ഒരു ബിയറും പറഞ്ഞ് ടിവി യിൽ ഉള്ള ഇന്ത്യ പാകിസ്ഥാൻ ക്രിക്കറ്റ് കളിയും കണ്ടിരുന്നു സമയം കളയാൻ തീരുമാനിച്ചു…
അപ്പോഴാണ് ഉമ്മയുടെ കോൾ വരുന്നത്.. ബാറിൽ ആയത് കൊണ്ട് ആദ്യത്തെ കോൾ ഞാൻ എടുത്തില്ല,പിന്നെയും അടിക്കാൻ തുടങ്ങിയപ്പോൾ ഞാൻ എടുത്തു സംസാരിച്ചു…
ഉമ്മ : മോനേ മോൻ എവിടയാ…
ആ കോളിൽ ഒരു വെപ്രാളം ഉണ്ടായിരുന്നു
ഞാൻ : എന്തേ ഉമ്മാ…
ഉമ്മ: നീ എവിടെ അടുത്തുണ്ടോ..
ഞാൻ: ഞാൻ കുറച്ചു ദൂരെയാണ്.. എന്തേ…
ഉമ്മ : ഉപ്പാക്ക് ചെറിയ നെഞ്ചു വേദന ഒന്നു ഹോസ്പിറ്റലിൽ പോകണം പെട്ടെന്ന്…
കുടിച്ചു കൊണ്ടിരുന്ന ബാറിൻ്റെ തരിപ്പ് ഇറങ്ങി പോയി…
ഉപ്പാക്ക് ഒരു സ്ട്രോക്ക് ൻ്റെ ഓപ്പറേഷൻ ഒക്കെ കഴിഞ്ഞതാണ്…
ഞാൻ: ഉമ്മാ.. ഞാൻ എത്താൻ എന്തായാലും ഒരു ഒരു മണിക്കൂർ സമയം എടുക്കും… ഉമ്മാ അവിടെ അടുത്ത് ആരെങ്കിലും കിട്ടുമോ എന്ന് നോക്ക്.. ഞാനും ഇവിടുന്നു ഇറങ്ങാം…
ഉമ്മ : ശരി മോനെ…
നിങ്ങൾ വിചാരിക്കും ഇത് എൻ്റെ വീട്ടിലെ കാര്യം ആണെന്ന്.. എന്നാൽ നിങ്ങൾക്ക് തെറ്റി..
ഇത് എൻ്റെ കൂട്ടുകാരൻ്റെ ഉമ്മയാണ് വിളിച്ചത്.. ഞാൻ ശ്രീരാഗ് എല്ലാവരും ശ്രീ എന്ന് വിളിക്കും.. അങ്ങനെ വിളിക്കാൻ മാത്രം ആരുമില്ല പ്രവാസിയല്ലേ.. വിരലിൽ എണ്ണാൻ പറ്റുന്ന ഫ്രെണ്ട്സ് മാത്രം..
ഇത് എൻ്റെ കൂടെ ഡിഗ്രിക്ക് പഠിച്ച അൻസാർ എന്ന് പറഞ്ഞ് കൂട്ടുകാരൻ്റെ ഉമ്മയാണ്… ഡിഗ്രിക്ക് പഠിക്കുമ്പോൾ എല്ലാ കൊള്ളരുതായ്മക്കും കൂട്ടുനിന്ന എൻ്റെ കൂട്ടുകാരൻ അങ്ങനെയാണ് ഞാൻ അവൻ്റെ വീട്ടുകാരുമായി നല്ല ബന്ധം ആവുന്നതും..അവൻ ഇപ്പൊൾ കല്യാണം ഒക്കെ കഴിച്ചു ഭാര്യയുമായി കുവൈറ്റിൽ സെറ്റിൽഡ് ആണ്..
