ഞാൻ: എവിടെയാണ്…
ഉമ്മ : ഞങൾ ഒരു ഓട്ടോ കിട്ടിയപ്പോ ഇങ്ങോട്ട് പൊന്നു.. തിരക്കായത് കൊണ്ട് മോനെ വിളിച്ചു പറയാൻ സമയം കിട്ടിയില്ല..
ഞാൻ : അത് സാരമില്ല… ഏത് ഹോസ്പിറ്റലിൽ ആണ്.. ഞാൻ അങ്ങോട്ട് വരാം…
ഉമ്മ : ഹോസ്പിറ്റലിൽ എത്തിയില്ല… മോൻ തിരക്കിട്ട് ഇപ്പൊ വരണ്ട.. ഹോസ്പിറ്റലിലേക്ക് എൻ്റെ മോളു അഫീഫ വരുമെന്ന് പറഞ്ഞിട്ടുണ്ട്..
ഞാൻ: കുഴപ്പമില്ല ഉമ്മാ ഞാനും വരാം…
ഉമ്മ: വേണ്ട.. നിനക്ക് പറ്റുമെങ്കിൽ കുറച്ചു നേരം വീട്ടിൽ നിക്ക്.. അവിടെ ആലിയ ഉണ്ട്… ഇരുട്ടായാൽ അവർക്ക് പേടിയാകും.. ഞങൾ കാണിച്ച് വേഗം വരാം…
ഞാൻ വീട്ടിലേക്ക് നോക്കി.. അവിടെ അവൾ ഉള്ളതായി തോന്നിയില്ല.. പുറത്തേ ലൈറ്റ് ഇട്ടിട്ടുണ്ട് പിന്നെ ഉമ്മറത്തെ വാതിൽ അടച്ചിട്ടിട്ടുണ്ട്..
ഞാൻ : എന്നാൽ ശരി.. അവിടെ കാണിച്ചു കഴിഞ്ഞ് വിളിക്കി ഞാൻ വരുന്നുണ്ട് കൂട്ടാൻ…
ഉമ്മ : ശരി മോനെ..
ഞാൻ : വിളിക്കാൻ മറക്കണ്ട ഇങ്ങോട്ട് വണ്ടി കിട്ടാൻ പാടാണ്..
എന്നും പറഞ്ഞ് ഞാൻ ഫോൺ കട്ട് ചെയ്തു..
എന്നിട്ട് വീടിൻ്റെ ഉമ്മറത്തേക്ക് നടന്നു..
അൻസാറിന് ഒരു അനിയത്തിയും ഒരു ചേച്ചിയും ആണ് ഉള്ളത് രണ്ടാളുടെയും കല്യാണം കഴിഞ്ഞതാണ്.. ഒരാളാണ് ഇപ്പൊ ഹോസ്പിറ്റലിൽ ഉണ്ടെന്ന് പറഞ്ഞത്..
അടുത്തയാൾ കല്യാണം കഴിഞ്ഞതാണേലും കെട്ടിയോൻ ഗൾഫിൽ ആയത്കൊണ്ട് ഉമ്മൻ്റെയും ഉപ്പൻ്റേയും കൂടെയാണ് നിൽക്കുന്നത് ഇവർക്കൊരു സഹായം… രണ്ട് വയസ് ഉള്ള കുട്ടിയും ഉണ്ട്..
ഞാൻ കോളിംഗ് ബെൽ അടിച്ചു…
അകത്ത് നിന്ന് വാതിലിനോട് ചേർന്ന ജനലിൻ്റെ കർട്ടൻ മാറ്റി ആരാണെന്ന് നോക്കി… ഞാൻ ആണെന്ന് കണ്ട ആലിയ വാതിൽ തുറന്നു..
