ഇപ്പൊ അവനുമായി പണ്ടത്തെ പോലത്തെ ബന്ധം ഇല്ലെങ്കിലും എപ്പോൾ ലീവിന് വന്നാലും ഞാൻ അവൻ്റെ വീട്ടിൽ പോകാറുണ്ട്.. കഴിഞ്ഞ ദിവസവും ഒന്നു കയറി ഇറങ്ങി.. അതുകൊണ്ടാണ് ഉമ്മ ആദ്യം എന്നെ വിളിച്ചത്…
സമയം വൈകീട്ട് അഞ്ചുമണിയോട് അടുത്തിരുന്നു.. ഞാൻ വേഗം ബാറിലെ ബിൽ സെറ്റിൽ ചെയ്തു വേഗം കാറുമെടുത്ത് അവൻ്റെ വീട്ടിലേക്ക് ഇറങ്ങി.. വഴിയെ അൻസാറിൻ്റെ വിളിയും വന്നു.. എൻ്റെ ഓർമ ശരിയാണെങ്കിൽ ഞങൾ വിളിച്ചിട്ട് ഇപ്പൊ ആറ് ഏഴ് മാസം കഴിഞ്ഞു..
അവനും ഉപ്പാനെ ഹോസ്പിറ്റലിൽ കൊണ്ട് പോകാൻ പറയാൻ വേണ്ടി വിളിച്ചതാണ് ഡ്രൈവിങ്ങിൻ്റെ ഇടക്ക് അവനോടും സംസാരിച്ച് അവൻ്റെ വീട്ടിലേക്ക് വിട്ടു..
ഈ ബ്ലോക്കും റോഡിൻ്റെ അവസ്ഥയും കാരണം ഞാൻ അവിടെ എത്താം ഏകദേശം ആറ് മണി കഴിഞ്ഞിരുന്നു…
അവൻ്റെ വീട് ടൗണിൽ നിന്നും കുറച്ചു ഉള്ളിലൂടെ പോകണം.. ഒരു കുന്നിൻ്റെ മുകളിൽ ആണ്.. കാര്യം പറഞ്ഞാൽ ഒരു മൊട്ടക്കുന്ന് പൈപ്പ് വെള്ളം ആശ്രയിച്ച് ജീവിക്കുന്ന കുറച്ചു വീടുകൾ മാത്രം.. അവസാനമായി അവനെ കണ്ടപ്പോൾ ഞാൻ അവനോട് പറഞ്ഞതാണ് ഇവിടെ നിന്നും മാറി കുറച്ചു ടൗണിലേക്ക് മാറാൻ..
അവൻ്റെ ഫാമിലിക്ക് അതിനോട് വലിയ താല്പര്യമില്ല തറവാട് ആയത്കൊണ്ട് അവർക്ക് അവിടെ തന്നെ നിന്നാൽ.മതി..
അതുകൊണ്ടാണ് ഇപ്പൊ ഈ അവസ്ഥ വന്നത് ഒരാളെ പോലും അത്യാവശ്യത്തിന് വിളിച്ചാൽ കിട്ടില്ല.. അടുത്ത് വീടുകളും കുറവാണ്…
ഞാൻ അവിടെ എത്തുമ്പോഴേക്കും ആരെയും കണ്ടില്ല..
ഞാൻ ഫോൺ എടുത്ത് ഉമ്മയെ വിളിച്ചു…
ഞാൻ: ഹലോ ഉമ്മ…
ഉമ്മ : ആ മോനെ…
