അമ്മയുടെ മായാലോകം [Vaisakh Murali] 737

കൊച്ചിയിലെ തിരക്കേറിയ തെരുവിലൊന്നിൽ ‘ശ്രീ ഡിസൈൻസ്’ എന്ന ബോട്ടിക് തുടങ്ങിയപ്പോൾ ശ്രീരാഗിന് ഒരൊറ്റ ലക്ഷ്യമേ ഉണ്ടായിരുന്നുള്ളൂ—തന്റെ ഉള്ളിലെ സൗന്ദര്യബോധം ലോകത്തിന് കാണിച്ചുകൊടുക്കുക.

33 വയസ്സുകാരനായ ശ്രീ, ലേശം ‘ഫെമിനിൻ’ ആയ പെരുമാറ്റരീതികളുള്ള ഒരാളാണ്. അയാളുടെ നടത്തത്തിലും സംസാരത്തിലും ആ ഒരു നൈസർഗികമായ ലാളിത്യമുണ്ട്. കണ്ടാലുടൻ ആർക്കും മനസ്സിലാകും ശ്രീ ഒരു സ്വവർഗാനുരാഗിയാണെന്ന്. പക്ഷേ, അയാളുടെ സ്വർണ്ണക്കൈകളിൽ വിരിയുന്ന ഡിസൈനുകൾക്ക് കൊച്ചിയിൽ ആരാധകർ ഏറെയായിരുന്നു.

​യദു (നമ്മുടെ യാമിനിയുടെ മകൻ )അവിടെ ജോലിക്ക് ചേർന്നിട്ട് കുറച്ചു നാളായി. കൊച്ചിയിൽ പഠനത്തോടൊപ്പം ശ്രീയെ സഹായിക്കുന്ന 25-കാരനായ യദു, ശ്രീക്ക് ഒരു അനിയനെപ്പോലെയായിരുന്നു. എന്നാൽ പഠനം കഴിഞ്ഞതോടെ യദു നാട്ടിലേക്ക് പോകാൻ തീരുമാനിച്ചു.

​”ശ്രീഏട്ടാ… അമ്മ അവിടെ കാസർഗോഡ് ഒറ്റയ്ക്കാണ്. എനിക്ക് പോകാതിരിക്കാൻ പറ്റില്ല,” യദു സങ്കടത്തോടെ പറഞ്ഞു.

​ശ്രീ അവനെ പറഞ്ഞ് മനസ്സിലാക്കാൻ ശ്രെമിച്ചു

“യദൂ, ബിസിനസ്സ് പച്ചപിടിച്ചു വരികയാണ്. നീ ഇപ്പോൾ പോയാൽ എനിക്കത് വലിയ ബുദ്ധിമുട്ടാകും.

അമ്മയുടെ കാര്യമാണല്ലോ നിന്റെ വിഷമം? അമ്മയെ ഇങ്ങോട്ട് കൊണ്ടുവരാം . താമസിക്കാനുള്ള സൗകര്യം ഞാൻ നോക്കാം. അമ്മയ്ക്ക് വേണമെങ്കിൽ ഇവിടെ നമ്മുടെ ബോട്ടിക്കിൽ തന്നെ എന്തെങ്കിലും ജോലി ചെയ്യുകയും ചെയ്യാം. എന്തുപറയുന്നു?”

​യദുവിന് അതൊരു വലിയ ആശ്വാസമായിരുന്നു. അവൻ നാട്ടിൽ പോയി അമ്മയെ സമ്മതിപ്പിച്ചു .