‘എന്താ കുഞ്ഞേ ഇവിടെ ഇരിക്കുന്നെ..?
അങ്ങേര് എന്നെ കണ്ടിട്ട് മനസിലാകാതെ ചോദിച്ചു
‘ഒന്നുമില്ല.. വെയിൽ കാരണം കേറിയതാ..’
മറുപടി പറഞ്ഞു ഞാൻ അവിടുന്ന് എഴുന്നേറ്റു..
പുള്ളി ഇവിടെ പാടത്തു പണി കഴിഞ്ഞു വന്ന വഴി ആണെന്ന് തോന്നി. വെയിൽ കാരണം വിശ്രമിക്കാൻ വേണ്ടി ആണ് ഇത് കെട്ടിയത് എന്ന് എനിക്ക് തോന്നി. പുള്ളിയോട് ഞാൻ അധികം സംസാരിക്കാൻ നിന്നില്ല. അങ്ങേര് അകത്തേക്ക് വന്നു നിലത്തു ഇരുന്നപ്പോൾ ഞാൻ പതിയെ പോകാൻ ബാഗ് എടുത്തു
‘സ്കൂളിൽ പോയില്ലേ…?
അങ്ങേര് ചോദിച്ചു
‘പോയിട്ട് വരുന്ന വഴിയാ..’
ഞാൻ പറഞ്ഞു
‘ഇപ്പോളോ..? നിന്റെ വീട് എവിടെടാ..?
മൂപ്പര് ചോദ്യങ്ങൾ ചോദിക്കുന്നത് നിർത്തുന്ന ലക്ഷണമില്ല
‘പിച്ചിക്കാവിൽ..’
ഞാൻ മറുപടി പറഞ്ഞു ബാഗും എടുത്തു പുറത്തേക്ക് ഇറങ്ങി
‘നീ പിച്ചിക്കാവിൽ എവിടെടാ..?
അവസാന ചോദ്യം കേട്ടില്ല എന്ന് നടിച്ചു ഞാൻ പുറത്തിറങ്ങി വീട്ടിലേക്ക് നടന്നു. ഇനി വേറെ എവിടെയും പോയി ഇരിക്കാനില്ല. വീട്ടിലേക്ക് തന്നെ പോകാം.
അമ്മ തയ്യൽ കഴിഞ്ഞു വരാറായില്ല. സ്നേഹ ചേച്ചിയും കോളേജ് കഴിഞ്ഞു വന്നിട്ടില്ല. അത് കൊണ്ട് ഞാൻ നേരത്തെ വന്നാലും ആരും ഒന്നും അറിയില്ല
അപ്പുറെ വഴി കൂടെ വന്നാൽ പാലയ്ക്കൽ ആരെങ്കിലും കാണും. പിന്നെ നേരത്തെ വന്നത് എന്തിനെന്ന് പറയണം. ഈ വഴി ആണേൽ ഗോപു ചേച്ചിയുടെ വീട് വഴി ആണ് പോകേണ്ടത്. അവിടെ നിന്ന് മാറി ബണ്ട് വഴി ആയത് കൊണ്ട് ഗോപു ചേച്ചിയുടെ അമ്മ സന്ധ്യ പേരമ്മ കാണാൻ വഴിയില്ല. രേഷ്മയുടെ അമ്മയും പുറത്ത് കണ്ടില്ല. അതോണ്ട് തന്നെ ആരെയും കാണാതെ ഞാൻ വീടിന് പിന്നിലെത്തി.
കുറച്ചു long story ആയത് കൊണ്ട് തന്നെ ഇടയ്ക്ക് ഗ്യാപ് വരുന്നത് ശോകം ആണെന്ന് അറിയാം. പക്ഷെ ഇവിടെ ഒരു ഓളം ഉണ്ടെങ്കിലേ തുടർച്ചയായി പാർട്ട് എഴുതി ഇടാൻ തോന്നൂ.
പുതിയ സൈറ്റ് വരുന്നതിന്റെ ഒരു ഓളം ഇപ്പൊ ഉണ്ടെന്ന് തോന്നുന്നു. അതിന് അനുസരിച്ചു ഉള്ള സപ്പോർട്ട് കൂടി തരണേ 🙏🏻