ഒരു തല്ല് കേസിനു ഇടയ്ലേക്ക് മീനു ടീച്ചർ ഓടി വന്നത് അവരുടെ നല്ല മനസ്സ് കൊണ്ട് ഒന്നും അല്ലായിരുന്നു. എന്നെ ഒരു കേസിൽ കിട്ടിയപ്പോ ഇട്ടു പൊരിക്കാൻ ഒരു അവസരം കിട്ടിയ സന്തോഷത്തിൽ ചാടി വീണത് ആണ് ഇവർ. പഠിപ്പിച്ച സ്ഥലത്തു ഒക്കെ ഇവർക്ക് ഒരു ഇര ഉണ്ടാകും. അവനെ മാക്സിമം ദ്രോഹിക്കൽ ആണ് ഇവരുടെ ഏറ്റവും വലിയ സംതൃപ്തി.. കഷ്ടകാലത്തിന് ഇവിടെ അത് ഞാനാണ്..
അവരുടെ രണ്ട് ചീത്ത കേട്ട് ആ വിഷയം തീരുമെന്ന് ആണ് ഞാൻ കരുതിയത്. പക്ഷെ അത് കൊണ്ട് മാത്രം ആ വിഷയം തീർന്നില്ല. മീനു എന്നെ പിടിച്ചോണ്ട് പോയി സ്റ്റാഫ് റൂമിൽ കൊണ്ട് ചെന്നു എല്ലാ ടീച്ചർമാരുടെയും മുന്നിൽ നിർത്തി പൊരിച്ചു. എന്നെ പഠിപ്പിക്കുന്ന ടീച്ചർമാരുടെ മുന്നിൽ നിന്ന് ഞാൻ സത്യത്തിൽ ഉരുകി..
എന്നെ പഠിപ്പിക്കുന്ന ബാക്കി എല്ലാ ടീച്ചർമാർക്കും എന്നെ നല്ലത് പോലെ അറിയാം. ഞാൻ അത്ര കുഴപ്പക്കാരൻ അല്ലെന്ന് അവർക്ക് അറിയുന്നത് ആണ്. അവരുടെ ഒക്കെ മുഖത്ത് അതിന്റെ ഒരു നിരാശ കാണാനും ഉണ്ട്..
‘നന്ദഗോപൻ ഒരു പ്രശ്നത്തിനും പോകാത്തത് ആണല്ലോ..? ഇതെന്ത് പറ്റി..?
ആലീസ് ടീച്ചർ എന്റെ അടുത്ത് വന്നു ചോദിച്ചു. ടീച്ചർ ആണ് എന്റെ ക്ലാസ്സ് ടീച്ചർ. ടീച്ചർക്ക് പ്രശ്നം ഇല്ലെങ്കിൽ മീനു എന്ത് വിഷയം ഉണ്ടാക്കിയിട്ടും ഒരു കാര്യവുമില്ല.
‘പതുങ്ങി ഇരിക്കുന്നു എന്നെ ഉള്ളു. വിളഞ്ഞ വിത്താണ്..’
മീനു ടീച്ചർ എന്നോട് എന്തോ മുന്ജന്മ വൈരാഗ്യം ഉള്ളത് പോലെ പറഞ്ഞു
സത്യത്തിൽ അവരുടെ എന്നോടുള്ള പെരുമാറ്റം കാണുമ്പോൾ എനിക്ക് അതിൽ സംശയം കൂടി വന്നു. പൂർവ്വ ജന്മത്തിൽ ഞങ്ങൾ ബദ്ധ ശത്രുക്കൾ ആയിരിക്കാം..
കുറച്ചു long story ആയത് കൊണ്ട് തന്നെ ഇടയ്ക്ക് ഗ്യാപ് വരുന്നത് ശോകം ആണെന്ന് അറിയാം. പക്ഷെ ഇവിടെ ഒരു ഓളം ഉണ്ടെങ്കിലേ തുടർച്ചയായി പാർട്ട് എഴുതി ഇടാൻ തോന്നൂ.
പുതിയ സൈറ്റ് വരുന്നതിന്റെ ഒരു ഓളം ഇപ്പൊ ഉണ്ടെന്ന് തോന്നുന്നു. അതിന് അനുസരിച്ചു ഉള്ള സപ്പോർട്ട് കൂടി തരണേ 🙏🏻