👼എന്റെ മാലാഖ 32 [Ɒ𝝽ᙢ⚈Ƞ Ҡ𝖏𝞜𝙜‐𝘿𝞳] 481

‘”” ഹാ…… നീ ഒന്ന് മിണ്ടാതിരിക്ക് എന്റെ റോയിയെ…..'””

പിള്ളേച്ചൻ അതും പറഞ്ഞു അവനെ താങ്ങി…..
എന്നിട്ട് നേരെ  എന്റെ ബുള്ളെറ്റ് ഇരിക്കുന്ന ഇടത്തേക്ക് കൊണ്ടുപോയി……

പിള്ളേച്ചൻ മുന്നിൽ കേറി ഡ്രൈവർ ആയി…. തൊട്ട് പിന്നിൽ അവനെ കേറ്റി അവന്റെ പിന്നിൽ ഞാൻ കേറി…..

മൂന്ന് പാമ്പുകൾ ഒരു വണ്ടിയിൽ…..

പിള്ള ചേട്ടൻ വലിയ കുടിയൻ അല്ലാത്തത് കൊണ്ട് വണ്ടി നല്ല ഭേഷ് ആയി ഓടിക്കുന്നുണ്ട്…..

ജിന്റോയെ അവന്റെ വീട്ടേൽ കൊണ്ടോയി ഇറക്കിയപ്പോ അവന്റെ അമ്മച്ചിടെ വായിന്നു നല്ല അടിപൊളി ശുദ്ധ സംഗീതം കേട്ട് ചെവി അടഞ്ഞു…..

അതികം നേരം അവിടെ നിന്നാ ചെവിയുടെ ഫിലമെന്റ് പോലും അടിച്ചു പോകും എന്ന് മനസ്സിലാക്കിയ ഞാൻ വേഗം വണ്ടി വിട്ടു…..

പിള്ള ചേട്ടന്റെ വീട് എന്റെ വീടിന്റെ തൊട്ടടുത്താണ്……
പുള്ളി എന്നെയും ബൈക്കിനെയും അവിടെ ഇട്ട് നേരെ വീട്ടിലേക്ക് പോയി…..

ഒരു കള്ളനെ പോലെ…..

ആ പോക്ക് കാണാൻ നല്ല ചേലാ…..
പുള്ളിടെ ഭാര്യയെ പേടിച്ചുള്ള പോക്കാ അത്…..

നാട്ടുകാരുടെ മുന്നിൽ പട്ടാളം പിള്ള….
ഭാര്യയുടെ മുന്നിൽ വെറും പിള്ളാ…….

ഇടക്ക് ചെരവക്ക് അടിയൊക്കെ വാങ്ങാറുണ്ട്…..
പക്ഷെ രണ്ടും നല്ല മുടിഞ്ഞ സ്നേഹമാ…..

ഞാൻ നേരെ എന്റെ വീട്ടിൽ കേറി ചെന്ന് കിടന്നു….
അപ്പനേം അമ്മേനേം ഒന്നും കണ്ടില്ല….
കാണാത്തത് ഭാഗ്യം എന്നെ പറയാനുള്ളൂ……..

വെറുതെ എന്തിനാ അവരുടെ വഴക്ക് കൂടെ കേൾക്കുന്നേ……

വിദേശത്തൊക്കെ ഒരു പ്രത്യേക ഫ്രീഡം ആയിരുന്നു…. ഇവടെ എന്ത് ചെയ്താലും ഭസ്മമായി പോട്ടെ എന്ന് പറയാൻ ഒരു കൂട്ടം ആളുകൾ തന്നെ ഉണ്ട്……
ഒപ്പം കണ്ട് പഠിക്കാൻ കൊറേ നല്ലവനായ ഉണ്ണികളും……

അതൊക്കെ പറയാൻ നിന്നാ ഇന്നത്തെ ഉറക്കം പോകും…..
ഞാനെന്റെ രണ്ട് കണ്ണുകളും അടച്ച് ഉറക്കത്തിലേക്കുള്ള മാർഗ്ഗം നോക്കി സഞ്ചരിച്ചു…..

തുടരും…..

എമിലി എന്ന വന്മരം വീണു…. ഇനി ആര്….
കാത്തിരുന്നു കാണുക…………

സപ്പോർട്ടുകൾ കുറയുമ്പോൾ എഴുതാൻ ഉള്ള മൂഡ് പോവുകയാണ്…… ദേവാസുരൻ എഴുതുന്നതിന് ഇടയിൽ സമയം പോലെ മാത്രമേ ബാക്കി എഴുതു…..

സ്നേഹം

Dk