ഹൃദ്യം 1 [മണവാളൻ] 301

ഇത്തിരി വിഷമിച്ച് ആണെങ്കിലും അത് പുറത്ത് കാട്ടാതെ ഞാൻ പറഞ്ഞു.

ഞങ്ങൾ കുറച്ച് നേരം ഒന്നും മിണ്ടിയില്ല

അവള് കട്ടിലിൽ നിന്നും എഴുന്നേറ്റു “ശരിയെട ഞാൻ പോവാ ” അവള് നടക്കാൻ തിരിയുകയും ഞാൻ കയ്യിൽ കേറി പിടിച്ച് വലിച്ച് എന്നിലേക്ക് അടുപ്പിച്ച് ഞാൻ കെട്ടിപ്പിടിച്ചു.

എൻ്റെ അധരങ്ങൾ പതിയെ അവളി ലേക്ക് അമർന്നു. എത്ര നേരം അത് തുടർന്നു എന്ന് അറിയില്ല , റൂമിൻ്റെ അടുത്ത് ആരോ വരുന്ന ശബ്ദം കേട്ട് ഞങൾ അടർന്നു മാറി

” രണ്ടിൻ്റെയും യാത്ര പറച്ചിൽ ഇതുവരെ കഴിഞ്ഞില്ലേ മനുഷ്യൻ കാവൽ നിന്ന് മടുത്ത്” അച്ചു ആയിരുന്നു

ഞങ്ങളുടെ കാവൽ മാലാഖ അവളാണ്. അതും ആഴ്ച കൂലിയിൽ , 2 ഡയറി മിൽക്ക്

പിന്നെ അധികം നേരം നിൽക്കാതെ അവള് വീട്ടിലേക്ക് പോയി.

അന്ന് മുഴുവൻ അവള് പോകുന്നതിൻ്റെ വിഷമത്തിൽ മുറിയിൽ തന്നെ കഴിച്ചു കൂട്ടി. അത്താഴം കഴിക്കാൻ അച്ചു വന്നു വിളിച്ചെങ്കിലും ഞാൻ പോയില്ല അങ്ങനെ എപ്പോഴോ ഉറങ്ങി പോയി . . “അപ്പൂട്ട.. അപ്പുട്ടാ എഴുന്നേക്ക് 8 മണി ആയി കോളജിൽ പോകണ്ടേ” രാവിലെ മാതാ ശ്രീയുടെ വിളി കേട്ടാണ് ഉണരുന്നത്

“ആഹ അമ്മേ വരുവാ…” എന്ന് പറഞ്ഞു ഞാൻ വെറുതെ ക്ലോക്കിൽ നോക്കി .

“അടിപൊളി 7 മണി ആയത്തെ ഒള്ളു , അതിനാണ് ഈ തള്ള ….”

പിന്നെ കിടന്നിട്ട് എന്തോ ഒരു ബുദ്ധിമുട്ട് പോലെ , ഞാൻ എഴുന്നേറ്റ് പ്രഭാത പരുപാടി എല്ലാം കഴിഞ്ഞ് റെഡി ആയി വിനുനെ വിളിച്ച് എൻ്റെ വീട് പറഞ്ഞുകൊടുത്ത് , അവൻമാരും കൂടി വന്നിട്ട് ഒരുമിച്ച് പോകാല്ലോ.

ഞാൻ നേരെ താഴെ വന്നു ഫുഡും കഴിച്ചു നേരെ സിറ്റൗട്ടിൽ വന്ന് ഇരുന്ന് , അപ്പോൾ ആണ് അനു ചേച്ചിടെ കാര്യം ഓർത്തത് .

ഞാൻ നേരെ അവരുടെ വീട്ടിലോട്ടു ചെന്ന് . ചന്ദ്രമ്മ അതായത് ചേച്ചിടെ അമ്മ മുറ്റത്ത് നിപ്പുണ്ട്.

” ചന്ദ്രമ്മേ,  നിങ്ങടെ സന്താനം എന്തേ”