കിച്ചുവിന്റെ ഭാഗ്യജീവിതം 4 [MVarma] 450

ചേട്ടൻ: കിച്ചു, കാര്യങ്ങൾ ഒക്കെ വിശദമായിട്ട് പറയാനാണ് ഞാൻ ഉള്ളപ്പോൾ വരാൻ പറഞ്ഞത്. എനിക്ക് നിന്നെ വെറും ഒരു ജോലിക്കാരൻ ആയിട്ടല്ല വേണ്ടത്, എന്റെ വിശ്വസ്തൻ ആയിട്ടാണ്. അറിയാമെല്ലോ നൂറുകൂട്ടം കാര്യങ്ങൾ ആണ് എനിക്ക്. മനഃസമാധാനമായിട്ട് ഒരു ദിവസം പോലും ഈ വീട്ടിൽ നില്ക്കാൻ കഴിയാറില്ല. അവൾക്കും അതിന്റെ ടെൻഷൻ കുറച്ചൊന്നുമല്ല. ഞാൻ പുറത്തു പോകുമ്പോൾ മുഴുവൻ കാര്യങ്ങളും അവളുടെ തലയിൽ ആവും. പുതിയ രണ്ടു മൂന്ന് ഹോട്ടൽ പ്രൊജക്റ്റ് ഉടനെ തന്നെ തുടങ്ങും, അതിൽ രണ്ടെണ്ണം ഗോവയിലും ഒരെണ്ണം മുംബൈയിലും. ഇനി അതിന്റെ പുറകെ ഞാൻ പോയാൽ പിന്നെ ഇവിടത്തെ കാര്യം മുഴുവൻ അവൾ ഒറ്റയ്ക്ക് നോക്കേണ്ടി വരും. നീ ഉള്ളത് എന്ത് കൊണ്ടായാലും ഒരു സഹായവും കൂടി ആവും അവൾക്ക്. നിനക്ക് ജോലിക്ക് വരാൻ താല്പര്യം ഉണ്ടെന്ന് മീനയുടെ അച്ഛൻ പറഞ്ഞപ്പോൾ തന്നെ അത് കൊണ്ടാണ് എനിക്ക് വല്യ സന്തോഷമായത്.

ഞാൻ: അയ്യോ, ചേട്ടാ..എനിക്ക് ഈ ജോലികൾ ഒന്നും ചെയ്തു പരിചയം ഇല്ല. അതാണ് ഒരു പേടി.

ചേട്ടൻ: അത് നീ പേടിക്കേണ്ട, ഓരോന്നായി പഠിക്കാം. ആദ്യം നമ്മുടെ അക്കൗണ്ട്സ് ഒക്കെ ഒന്ന് പഠിക്കാൻ നോക്ക്. അപ്പോൾ തന്നെ നിനക്ക് ഒരു വിധം ഐഡിയ കിട്ടും. അപ്പോൾ എന്ന് മുതൽ നിനക്ക് വരാൻ പറ്റും കിച്ചു?

ഞാൻ: നാളെ തിങ്കളാഴ്ച് അല്ലേ, അതും ഒന്നാം തീയതിയും. അപ്പോൾ നാളെ മുതൽ വരാം ചേട്ടാ. വീട്ടിൽ ഇരുന്നു മടുത്തു.

ചേട്ടൻ: ശെരിയെട, നാളെ നീ ഇവിടെ വന്നാൽ മതി, ഞാൻ നമ്മുടെ കോർപ്പറേറ്റ് ഓഫീസിൽ നിന്നെ കൊണ്ട് പോയി എല്ലാപേർക്കും പരിചയപ്പെടുത്തി കൊടുക്കാം. ബാക്കി ഒക്കെ നമുക്ക് ശെരിയാക്കാം. പിന്നെ ശമ്പളം എത്ര വേണമെടാ.

ഞാൻ: ശമ്പളം ഒക്കെ ചേട്ടൻ തന്നാൽ മതി. എനിക്ക് ജോലി പഠിക്കാമെല്ലോ, അത് മതി.

ചേട്ടൻ: അപ്പോൾ അപ്പോയ്ന്റ്മെന്റ് ലെറ്റർ നാളെ ഓഫീസിൽ പോയിട്ട് തരാം. ഇപ്പോൾ ഒരു 30000 രൂപ തുടക്കക്കാരൻ എന്ന നിലക്ക് തരാം. പോകെ പോകെ അത് കൂട്ടാമെടാ.  പിന്നെ പെട്രോൾ എന്റെ പമ്പിൽ നിന്നും അടിച്ചോ. ഇത്രയും ദൂരം വന്നും പോയും നില്ക്കാൻ ഉള്ളതല്ലേ. മതിയോട..