മാഷിനെ പ്രണയിച്ച ടീച്ചറും കുട്ടികളും 1 [SAMI] 541

“ഒരു പയ്യനാണ് വരുന്നത്…”
എന്നൊരു ചെറിയ ചർച്ച മാത്രമായിരുന്നു ആദ്യം.
പക്ഷേ,

അവൻ വന്ന് കുറച്ച് ദിവസങ്ങൾക്കുള്ളിൽ തന്നെ, അത് ഒരു സാധാരണ വരവ് അല്ലെന്ന് മനസ്സിലായി.

എപ്പോഴോ, എങ്ങനെ എന്ന് പോലും അറിയാതെ, അവനുമായി ഒരു അടുപ്പം വളർന്നു.
അവന്റെ സംസാരം…

അത് കേൾക്കാൻ തുടങ്ങി കഴിഞ്ഞാൽ, സമയം എങ്ങനെ കടന്നുപോകുന്നു എന്ന് പോലും അറിയില്ല.

സാധാരണ കാര്യങ്ങൾ പോലും,
അവൻ പറഞ്ഞാൽ ഒരു പ്രത്യേകത ഉണ്ടാകും. ഒരു ലാളിത്യവും… ഒരു ആത്മാർത്ഥതയും…
ഒരിക്കൽ കേൾക്കാൻ തുടങ്ങിയാൽ, ഇനി കുറച്ച് സമയം കൂടി എന്ന് തോന്നിപ്പിക്കുന്ന ഒരു ആകർഷണം.

അറിയാതെ തന്നെ, അവന്റെ വാക്കുകൾക്കായി കാത്തിരിക്കുന്ന ഒരാളായി ഞാൻ മാറിക്കൊണ്ടിരുന്നു…

കമ്പ്യൂട്ടർ സയൻസിന്റെയും ബയോളജി സയൻസിന്റെയും പ്ലസ് വൺ, പ്ലസ് ടു ചേർന്ന് നാല് ക്ലാസുകൾ.

അവയെല്ലാം കൈകാര്യം ചെയ്യുന്നത് എളുപ്പമല്ലായിരുന്നു.
പ്രത്യേകിച്ച് പ്ലസ് ടു ക്ലാസുകളുടെ കാര്യത്തിൽ,

സ്പെഷ്യൽ ക്ലാസ് ഇല്ലാതെ syllabus പൂർത്തിയാകുമോ എന്നൊരു ആശങ്ക
അവനെ എപ്പോഴും അലട്ടിക്കൊണ്ടിരുന്നു.

എന്നാൽ,

പെൺകുട്ടികൾ മാത്രം ഉള്ള ക്ലാസ്സുകൾക്ക് അവധി ദിവസങ്ങളിൽ സ്പെഷ്യൽ ക്ലാസ് വെക്കുന്നത് അത് കൂടാതെ, അവനെ പോലെ ഒരു ‘ഗ്ലാമർ മാഷ്’ ക്ലാസ് കൈകാര്യം ചെയ്യുമ്പോൾ പ്രിൻസിപ്പലിന് ഒരു ചെറു സംശയവും, ഒരു ഭയവും ഉണ്ടായിരുന്നിരിക്കണം.
അതുകൊണ്ടുതന്നെ, ഒരു വ്യക്തമായ നിർദ്ദേശം വന്നു
“മിനിമം രണ്ട് ടീച്ചർമാർ എങ്കിലും ഉണ്ടായാൽ മാത്രമേ സ്പെഷ്യൽ ക്ലാസ് അനുവദിക്കൂ…”
ആ തീരുമാനം വന്നപ്പോൾ,