മാഷിനെ പ്രണയിച്ച ടീച്ചറും കുട്ടികളും 5 [SAMI] 96

മെഹർ അവനെ നോക്കി കുറച്ച് നേരം നിന്നു.
പിന്നെ പതുക്കെ പറഞ്ഞു.

“മനു… നീ ഇത് ഇപ്പോൾ ആലോചിച്ച് ടെൻഷൻ അടിക്കേണ്ട കാര്യമില്ല….

മനു ഒന്ന് ശ്വാസം വിട്ടു.

 

രണ്ടാളുടെയും ഇഷ്ടം എന്താണോ അത് തനിയെ നടക്കും….. നമ്മൾക്ക് ഇടയിൽ നടന്നത് പോലെ….

 

“പക്ഷേ എയ്ഞ്ചൽ…”

 

അവൻ വാക്ക് പൂർത്തിയാക്കും മുമ്പ്, മെഹറിന്റെ കണ്ണുകൾ വരാന്തയുടെ അറ്റത്തേക്ക് പോയി.

 

അവൾ ഒന്ന് നിശ്ചലമായി.

 

“ദേ…”

 

മനു അവൾ നോക്കുന്ന ദിശയിലേക്ക് കണ്ണുകൾ തിരിച്ചു.

 

വരാന്തയിലൂടെ എയ്ഞ്ചൽ നടന്ന് വരികയായിരുന്നു.

 

അന്ന് അവൾ പതിവ് യൂണിഫോമിലായിരുന്നില്ല.
ഒരു ചുവപ്പും കറുപ്പ് നിറത്തിലുള്ള  ഡ്രസ്സ്.

 

അവളുടെ ശാന്തമായ മുഖത്തോട് ചേർന്ന് നിൽക്കുന്ന പോലെ.
മുടി ഒതുക്കിയിരുന്നെങ്കിലും, ചില മുടിയിഴകൾ മുഖത്തിനരികിൽ പതിഞ്ഞിരുന്നു.
നടപ്പിൽ പതിവ് നാണമുണ്ടായിരുന്നു.

 

പക്ഷേ അവളെ കണ്ട നിമിഷം, മനുവിന്റെ മനസ്സിൽ  പ്രകാശം വന്നതുപോലെ തോന്നി.

 

അവൾ പേരുപോലെ തന്നെ
ഒരു മാലാഖ.

 

മെഹർ അത് മനുവിന്റെ മുഖത്ത് കണ്ടു.

 

അവന്റെ കണ്ണുകൾ എയ്ഞ്ചലിൽ നിന്ന് മാറാതെ നില്കുന്നു….

  

മെഹർ പതുക്കെ ചിരിച്ചു.

“നോക്ക് മനു…”

“എന്തൊരു ഭംഗിയാണ് എയ്ഞ്ചലിനെ കാണാൻ…”

 

മനു ഒന്നും പറഞ്ഞില്ല.
പക്ഷേ അവന്റെ കണ്ണുകൾ ആ വാക്കിന് മറുപടി പറഞ്ഞിരുന്നു.

 

എയ്ഞ്ചൽ അടുത്തെത്തി.

 

മനുവിനെയും മെഹറിനെയും ഒരുമിച്ച് കണ്ടപ്പോൾ അവളുടെ കണ്ണുകളിൽ ഒരു ചെറുതായ മടിപ്പ് തെളിഞ്ഞു.