നിശാഗന്ധി 10 [വേടൻ] 71

✨✨✨✨✨✨✨✨✨✨✨✨✨✨✨✨✨✨

“” അല്ല…അല്ല… വൺ സെക്… വൺ സെക്…. അല്ല ഞനൊരു ഡൌട്ട് ചോദിച്ചോട്ടെ… “”

കഥയുടെ ഇടക്ക് വീണ അപർണ്ണയുടെ ശബ്ദം മീനാക്ഷിയെ നിരാശയിലാക്കിയത് പോലെ അവളെ നോക്കി പല്ല് കടിക്കുന്നത് കണ്ടു. ഞാൻ എന്താണെന്ന് ചോദിച്ചതും.

“” അല്ല.. ഈ വിശാൽ…
അളിപ്പോ എവിടെ ഉണ്ട്..
നിന്റെ കൂടെയെങ്ങും കണ്ടില്ല അടുത്തൊന്നും…””

അവളെന്റെ മുഖത്തേക്ക് നോക്കി,

“” അവൻ വെളിയിലാണ്… കല്യാണൊക്കെ കഴിഞ്ഞു…ഫാമിലി ഒക്കെ ഇവിടെ തന്നെയുണ്ട്.. ഇടക്ക് വിളിക്കും..””

“” ഓഹ് ഒക്കെ.. ഒക്കെ.. ഇനി കണ്ടിന്യൂ…!””

ക്ലാരിറ്റി കിട്ടിയതും അവൾ ഞങ്ങളെ രണ്ടാളേം ഒന്ന് നോക്കി.

✨✨✨✨✨✨✨✨✨✨✨✨✨✨✨✨✨✨

അവളെ അകത്ത് കേറ്റിട്ട് ഇപ്പൊ ഒരു മണിക്കൂർ ആയി, അപ്പോളേക്കും കാര്യങ്ങൾ അറിഞ്ഞു തറവാട്ടിൽ നിന്നും എത്തിയിരുന്നു..

“” സ്റ്റെഫിക്ക് ബോധം വീണിട്ടുണ്ട്… ആരാ ഈ സിദ്ധു….??
ആളെ കാണണോന്ന് പറയുന്നുണ്ട്… “”

കുറച്ചു കഴിഞു ഒരു സിസ്റ്റർ ഇറങ്ങി വന്നത് പറഞ്ഞതും ഞാനവനെയൊന്ന് നോക്കി അകത്തേക്ക് നടന്നു.

ഓരോ ചുവടും മുന്നിലേക്ക് വെക്കുമ്പോളും ന്റെ നെഞ്ചിൽ വല്ലാത്തൊരു വേദന നിറഞ്ഞിരുന്നു, അവളെ ഇങ്ങനെ കാണേണ്ടി വന്നല്ലോ ന്നോർത്ത്…
നീറിയ നെഞ്ചുമായി ഞനെന്റെ പ്രാണന്റെ അടുത്തേക്ക് ഓരോ ചുവടും വെച്ചു.
നഷ്ടമായതെന്തോ തിരിച്ചു കിട്ടിയ ഒരുതരം വികാരമെന്നിൽ നിറഞ്ഞു നിന്നു.

ന്റെ മുന്നിൽ കണ്ണടച്ചു കിടക്കുന്നവളെ ഞനൊന്ന് നോക്കി പതിയെ അവൾക്കൊപ്പം ആ ബെഡിന്റെ കോണിലേക്കിരുന്നു.