നിശാഗന്ധി 10 [വേടൻ] 71

“” അങ്ങനെ ഒന്നും ഞങ്ങൾ ഉദ്ദേശിച്ചില്ല ചേച്ചി..
ചേട്ടൻ വെറ്തെ ഓരോന്ന് പറയുന്നുന്നേ ഉള്ള്… “”

വേറൊര് അമ്മാവൻ വല്യമ്മയോട് സൗമ്യമായി പറഞ്ഞു നിർത്തി, അവരുടെ എല്ലാം മുഖം വല്ലാണ്ട് ആയിരുന്നു..

ഒരു കുഴപ്പോമില്ല ചോദിച്ചു വാങ്ങിച്ചതല്ലേ…

“” അല്ല ഞാനും ഒന്നുദ്ദേശിച്ചു പറഞ്ഞതല്ല.. ന്റെ കുഞ്ഞിന് വേദനിക്കുന്ന ഓരോന്ന് പറഞ്ഞപ്പോ ന്റെ കയ്യിന്നും പൊയ് അത്രേ ഉള്ള്.. ന്നാ നിങ്ങള് വെള്ളം കുടി ഞാൻ അടുക്കളയിലൊട്ടൊന്ന് ചെല്ലട്ടെ… “”

നല്ല മാന്യമായി തന്തക്ക് വിളിച്ചൊരു അനുഭൂതിയോടെ വല്യമ്മ ല്ലാരേം നോക്കിയോന്ന് ചിരിച്ചു അകത്തേക്ക് കയറി.

“” നിങ്ങളത് കാര്യാക്കണ്ട വല്യമ്മ അങ്ങനെയാ..വിഷമം ആയെങ്കിൽ ഞാൻ ക്ഷമ ചോദിക്കുന്നു..””

ഞാൻ അവരുടെല്ലാം മുഖം കണ്ടു ഒന്ന് അശ്വസിപ്പുകാനായി പറഞ്ഞെങ്കിലും അച്ഛൻ അതും ഇല്ലാണ്ടാക്കി.

“” നീയെന്തിനാ ആവശ്യമില്ലാതെ മാപ്പൊക്കെ പറയണേ… അർഹിക്കുന്നത് ന്തോ അതാണ് നിന്റെ വല്യമ്മ കൊടുത്തത്.. അവര് കേറിവന്നില്ലെങ്കിൽ ഞാൻ പറയാനിരുന്നതേ അവര് പറഞ്ഞുള്ളു… ‘”

ഒന്നിനൊന്നായി ഇങ്ങനെ വന്നുകൊണ്ടേ ഇരുന്നു, പുള്ളി അവിടിരുന്ന് വിയർക്കാൻ തുടങ്ങി,

“” നമ്മളിനി ന്തേലും പറഞ്ഞുന്ന് വേണ്ട,
എന്തേലുമൊക്കെ ചെയ്ത് വെക്കുമ്പോ അവസാനം അനുഭവിക്കാൻ ഒറ്റക്കെ ഉണ്ടാവുള്ളു ന്ന് ഓർത്താ നല്ലത്.. “”

പുള്ളിക്ക് അങ്ങോട്ട് ഇരിന്നിട്ട് ഇരിക്ക പൊറുതി കിട്ടാതെ വായിൽ തോന്നിയതൊക്കെ വിളിച്ചു പറഞ്ഞോണ്ടേ ഇരുന്നു.

“” അതോർത്ത് ന്റെ ചേട്ടൻ വിഷമിക്കണ്ട.. ഇവിടേതായാലും മോളെ കെട്ടിക്കണം ന്നൊന്നും പറഞ്ഞു ഇവനോ അവളോ ആരുടേം അടുത്തൊന്നും പോവില്ല.. ആ ഉറപ്പ് ഉള്ളോണ്ട് തന്നെയാ ഞാനെന്റെ മോളെ ഇവന് കൊടുത്തത്.., അവനവളെ നല്ലന്തസ്സായിട്ട് തന്നെ നോക്കുന്നും ഉണ്ട്…പിന്നെന്താ…?? ” “”