കുറെ ദൂരം ചെന്നപ്പോൾ റോഡിൽ പല പല യൂണിയന്റെ കൊടികളുമായി കുറെ പേര് റോഡിന് നടുവിൽ നിൽക്കുന്നു
ഒരുത്തൻ ഒരു കൊടിയുമായി വണ്ടിക്ക് മുന്നിലേക്ക് ചാടി
എങ്ങോട്ടാടാ ഇന്ന് പണിമുടക്കാന്നറിഞ്ഞു കൂടെടാ ഒതുക്കെടാ അങ്ങോട്ട് അവൻ അലറി
ഞാൻ വണ്ടി ഒതുക്കി നിർത്തി
അവൻ കയ്യിലിരുന്ന കൊടി ലോറിയുടെ മുൻപിൽ ചാരി നിർത്തി
ദൈവത്തിന്റെ സ്വന്തം നാട്
പണിയെടുക്കന്നവന്റെ പണി മുടക്കി പണിയെടുക്കാതെ ജീവിക്കുന്ന കുറെയെണ്ണങ്ങൾ ഈ നാട്ടിൽ മാത്രമേയുള്ളു
ഹാൻഡ് ബ്രേക്ക് വലിച്ചിട്ട് വണ്ടി ഓഫ് ചെയ്യാതെ ഞാൻ ഡ്രൈവിംഗ് സീറ്റിൽ നിന്നും താഴോട്ടിറങ്ങി
സർക്കാരിന്റെ തൊഴിലാളി വിരുദ്ധ നയങ്ങൾക്കെതിരെ 48 മണിക്കൂർ പണി മുടക്കുന്നു ഒരാളുടെ കയ്യിലിരുന്ന ബോർഡ് ഞാൻ കണ്ടു
ഇതെപ്പോഴാ ആശാനേ പണി മുടക്ക് തുടങ്ങിയെ?
നീയീ നാട്ടുകാരൻ ഒന്നുമല്ലേടാ ഇന്നലെ അർദ്ധ രാത്രി തുടങ്ങിയ പണിമുടക്കാ രാജ്യം മുഴുവൻ നിശ്ചലമായിട്ടും നീയിതൊന്നും അറിഞ്ഞില്ലേ ഒരു ഉജാലയുടെ പരസ്യക്കാരൻ എന്നോട് ചൂടായി കേരളം എന്നത് ഒരു രാജ്യമാണെന്ന് കരുതി ജീവിക്കുന്ന ഇവനോടൊക്കെ എന്ത് പറയാൻ അതിർത്തിക്കപ്പുറത്തു ഇങ്ങനെ ഒരു പണിമുടക്കിനെ കുറിച്ച് ആരും അറിഞ്ഞിട്ട് പോലുമില്ല ഞാനതോർത്തു അറിയാതെ ചിരിച്ചു
എന്തെടാ കുണ്ണേ നീ തൊലിക്കുന്നെ
കൂടെ പത്താളുള്ള ബലത്തിൽ ഖദർധാരി നിന്നു തിളച്ചു
ഞാനയാളെ ഒന്ന് തറപ്പിച്ചു നോക്കി അതേ ഇതവൻ തന്നെ പട്ടാമ്പിക്കാരൻ മത്തി റഷീദ് ഇയാളെങ്ങെനെ ഇവിടെ
റഷീദിക്കയല്ലേ ഞാനയാളോട് ചോദിച്ചു
ഒരു പരിചയവുമില്ലാത്ത ഒരാൾ പെട്ടെന്ന് പേര് വിളിച്ചു ചോദിച്ചപ്പോ അയാൾ ഒന്ന് പകച്ചു
ബാംഗ്ലൂർ വണ്ടി ഇപ്പൊഴും വഴിയിൽ കിടക്കുന്നതേയുള്ളൂ. അതൊരു വഴിക്കാക്കണ്ടേ