ഒരു അറേഞ്ച് മാര്യേജ് കഥ 5 [Kaiser] 201

ഞങ്ങൾക്ക് രാഷ്ട്രീയത്തിൽ വലിയ താൽപ്പര്യമില്ല. പക്ഷേ അവർ എപ്പോഴും വിഷ്ണുവിനെയും കിരണിനെയും സഹായിക്കും , ടൂർണമെന്റിനായി സ്പോൺസർമാരെ കണ്ടെത്താൻ , ചിലപ്പോൾ അവർ പോക്കറ്റിൽ നിന്ന് പണം നൽകി സഹായിക്കുകയും ചെയ്യും . പിന്നെ ഞങ്ങളെക്കൊണ്ട് കുറച്ചു ഉപകാരം അവർക്കുണ്ടായിരുന്നു എന്ന് വേണേൽ പറയാം 😁.

അതേ ക്ലാസിലേക്ക് തന്നെ വരുന്ന മറ്റൊരു പെൺകുട്ടി – ലക്ഷ്മി . KSQ-വിന്റെ യൂണിറ്റ് സെക്രട്ടറി. നീല ഷാളോടുകൂടി, കൈയിൽ പുസ്തകങ്ങളും പമ്പ്ലറ്റുകളും. ക്യാമ്പസിലെ ഏറ്റവും ശക്തമായ യൂണിറ്റുകളിലൊന്ന് KSQ-യുടേത് .

പക്ഷെ …………..

കാമ്പസിൽ നടന്ന വലിയ പോരാട്ടം കാരണം, ആ വർഷത്തെ തിരഞ്ഞെടുപ്പ് റദ്ദാക്കി. 😒
പാർട്ടി താൽപര്യം ഒന്നുമില്ല പക്ഷേ ആ അറ്റ്മോസ്ഫിയർ എനിക്കിഷ്ടമാണ് , ഇലക്ഷനും കലാശക്കൊട്ടും വിജയ് ശ്ലോകം , എല്ലാം 😊 .

അടി തുടങ്ങിയപ്പോൾ ഞങ്ങൾ മൂന്നും സ്ഥലം വിട്ടും .
നമ്മൾ ഭയപ്പെടുന്നതുകൊണ്ടല്ല ട്ടോ ,,,,,,
മൂന്നോ നാലോ പേരോ മാത്രം ഉണ്ടായിരുന്നെങ്കിൽ ഞാൻ തളത്തിൽ ദിനേശൻ ആയേനെ 😤.

പക്ഷെ രണ്ടു പാർട്ടിയും പുറത്തുനിന്നു ആളുകളെ റെഡി ആക്കി .
പിന്നെ ഞങ്ങൾ എങ്ങനെ മുട്ടാനാ .
രവി ചേട്ടനും പറഞ്ഞു ” നിങ്ങൾ ടൂർണമെന്റ് ഒക്കെ ഉള്ളവരല്ലേ , വെറുതെ പുതിയ വള്ളി മേടിച്ചു കെട്ടണ്ട” എന്ന് .

പിന്നെ ഞങ്ങളും ആ ശ്രമം ഉപേക്ഷിച്ചു.

ആ വർഷത്തിൽ നമുക്ക് യൂണിയൻ ഇല്ല എന്ന്പറയുന്നതാകും ശെരി .

കലോത്സവം വന്നു ചേർന്നു .

തയ്യാറെടുപ്പുകളുടെ ദിനങ്ങൾ. ക്ലാസ്സുകൾ മറന്ന്, പുസ്തകങ്ങൾ മൂടിവെച്ച്, പരിശീലന മുറികളിലും തുറസ്സായ മൈതാനങ്ങളിലും കുട്ടികൾ നിറയുന്നു. പരിശീലനം വേദികളിൽ നിന്ന് പറക്കുന്ന ഗാനങ്ങൾ, താളത്തിനൊത്ത് തിരിയുന്ന കാലുകൾ, വിരലുകളിൽ നിന്ന് പുറപ്പെടുന്ന വയലിൻ സ്വരങ്ങൾ, നാടോടി മാറ്റങ്ങളിൽ തുടിക്കുന്ന മിമിക്രി ചിരികൾ – എല്ലാം ചേർന്ന് ഒരു മായാജാലം സൃഷ്ടിക്കുന്ന അന്തരീക്ഷം. ചുറ്റും ആവേശത്തിന്റെ തിരമാലകൾ, കരച്ചിലും ചിരിയും കലർന്ന ആഹ്ലാദം, സുഹൃത്തുക്കളുടെ കൈകോർത്ത് നടക്കുന്ന നടപ്പുകൾ.